“Хотын шөнө нь өдөр шиг гэгээтэй гэнэ лээ. Түүгээр ч үл барам хэний ч үзэж харж байгаагүй сонин содон үйл явдал өрнөж, өнгөлөг, гялгар машинууд ийш тийш холхилддог юм билээ” гэх яриа чихэнд сонстох бүрийд хотын соёлыг ихэд гайхдаг байлаа. Харин сүүлийн үед энэ үнэлэмж маань зарим зүйл дээр унах болов. Мэдээж их хотын хөл хөдөлгөөнийг машингүйгээр төсөөлөхийн аргагүй. Гэхдээ замын хөдөлгөөнийг соёлгүй, бүдүүлэг жолооч нарын үйлдэлгүйгээр төсөөлөхөд ч бэрх болсон байна. Учир нь хөдөлгөөнд оролцож буй жолооч нарт маань соёл хэмээх ойлголтыг тархиндаа “наах” цаг хэдийнэ иржээ. Тэр дундаа хаа явсан газраа дуут дохиогоо хангинуулж, элдэв хөгжим чарлуулдаг нөхдүүд. Өөрийн унасан машин дотроо ямар дуугаа сонсох нь таны л эрх чөлөө. Гэлээ гээд өөрийн эрх чөлөөг эдлэхийн тулд бусдын эрх чөлөөг алдагдуулах нь ч байж болшгүй зүйл билээ.
Шөнө бүр бүтэн нойртой хонохыг хэн хүнгүй л хүсдэг. Гэтэл шөнө дунд цонхон доор тань аль эсвэл байрны дунд ирж зогсчихоод, дуу чимээг хайр найргүй хангинуулсаар дуг нойрноос тань сэрээж орхидог бүдүүлэг жолооч нартай хүн бүр таарч байсан болов уу. Ахмад настнууд нойр авч, завгүй ажилладаг залуус нь тархиа амрааж, өдөржин тоглосон жаалуудын зүүд ид дундаа хөвөрч байхад нь тэднийг тайван амраачих соёл манайханд дутагдаад л байна.
Стрессээ тайлчихаар газрууд нь ажиллахгүй байгаагаас машиндаа ч болтугай хөгжмөө тултал чангалаад, өөрийн орон зайгаа бүрдүүлж байж болох. Гэхдээ энэ бол таны л асуудал. Үнэндээ нийтийн эзэмшлийн зам талбай, хүнгүй үзэгдсэн орчин бүр хөгжмөө чангалахад тохиромжтой газар биш. Машин дотроо л хөгжмөө сонс. Хэрэгтэй үедээ дуут дохиогоо ашигла. Хүүхэд, хөгшид амрах цагаар машиндаа DJ хийхээ больцгоо залуус аа.
Өөрийн эрхийг дээдэлдэг шигээ бусдын эрх чөлөөг ч хүндэл. Дэлхийн олон оронд бие биенийхээ орон зайг хүндэлдэг гайхалтай соёл бий. Бусдад төвөг удахгүйгээр амьдрах нь тийм ч хэцүү зүйл биш шүү дээ. Өөрийнхөө хийдэг буруу үйлдлээ тэвчиж, түүнийгээ бага багаар өөрт дадал болгоход л шийдэгдэх асуудал шүү дээ.
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Г.Сэржхорол: Худалдаа хөгжлийн банк бусдад өндөр хүүтэй зээлсэн байраа МИК-ийн 8 хувийн зээлд хамруулж, дундаас нь ашиг олдгоо хүлээн зөвшөөрсөн
Х.Ганхуяг: Одоогийн хөрөнгө оруулалтын хууль уул уурхайд зориулагдсан юм шиг хардлага төрүүлж байгаа
Улаанбаатар дахь “Солонгос” орноор аяласан тэмдэглэл
ГУАНЖҮ ХОТ, ӨМНӨД ЖОЛЛА МУЖ: СОЛОНГОС УЛСААР АЯЛЦГААЯ
ТЭГҮ ХОТ & ХОЙД КЁНСАН МУЖ: СОЛОНГОС УЛСААР АЯЛЦГААЯ
КАНВОН МУЖ: СОЛОНГОС УЛСААР АЯЛЦГААЯ