Самсунг компани 7 жилийн маргаанаа эцэслэн, Apple-тай тохиролцохоор болжээ

Самсунг болон Apple компаниуд нь 7 жилийн турш үргэлжилсэн патентын эрхийн маргаанаа эцэслэхээр тохиролцсон байна. Тохиролцооны талаар тодорхой мэдээлэл байхгүй байгаа ч Самсунг компанийн зүгээс Аррle-д 500 сая гаран ам долларын нөхөн олговор төлөх шинжтэй байгаа талаар яригдажээ. Эдгээр хоёр компаний анхны патентын эрхийн маргаан 2011 оноос эхлэлтэй аж. Тодруулбал тухайн үед Аpple компани нь Самсунгаас гаргаж байсан "Galaxy S" смарт утас нь Iphone-ны дизайн болон дэлгэцийг томруулж, жижгэрүүлдэг технологийн патентад халдсан хэмээн нэхэмжлэл гаргаж байжээ.

 Самсунг компаниас давж заалдах шатанд хүртэл явсан хэдий ч 2016 онд дээд шүүхэд давж заалдан нөхөн төлбөрийг дахин гаргуулах хүсэлтийн шийдвэрийг авч байжээ. Гэвч Калифорни мужийн Дээд шүүхээс Apple компани талд гарсан байна.

 Эцэст нь Самсунг компани 539,000,000 ам долларын нөхөн төлбөр төлөх болсон  ба 7 жилийн турш үргэлжилсэн патентын эрхийн маргаан ийнхүү эцэслэхээр болж гагцхүү Apple компанитай тохиролцоонд хүрэх асуудал үлдэж байгаа ажээ.

Самсунг компани зүгээс эцсийн тохиролцооны мөнгөн дүнг олон нийтэд дэлгэхгүй байх хүсэлтийн дагуу тодорхой бус байгаа аж.

 Мөн өнгөрсөн 2012 онд Apple компаниас гаргасан хуруугаар түрэх үед түгжээ арилдаг патентад халдсан гэх 2 дахь удаагийн зарга дээр Самсунг компани ялагдан 115,600,000 ам долларын нөхөн төлбөрийг төлөх ёстой бөгөөд дээрх тохиролцох мөнгөн дүнгийн хэмжээ улам нэмэгдэх шинжтэй байгаа ажээ.

АНУ-ын хэвлэлийнхэн тус хоёр том IT –гийн компаний патентийн маргааны тохиролцооны талаарх мэдээг хүргэсэн ба энэ удаагийн тохиролцоо, бусад IT-гийн салбарынханд хэрхэн нөлөөлөх талаар анхааралаа хандуулж байгаа гэжээ.

Мэдээг Нью Иорк хотоос YTN телевизийн сэтгүүлч Ким Ён Сү хүргэжээ.