Английн алдарт дуучин Adele-ийг 2 настай байхад аав нь хаяад явжээ. Ээж нь түүнийг 18 настайдаа төрүүлсэн бөгөөд ганцаараа өсгөжээ. Тэд улсын түрээсийн байруудаар дамжин амьдарч байсан юм. Adele 10 удаа сургууль шилжсэн бөгөөд тэрээр хэзээ ч алдартай хүн болно гэж мөрөөдөж байгаагүй.
Сургуулиа төгссөнийхаа дараа өөрийнхөө карьерийг хөөхөөс илүүтэй бусад уран бүтээлчдийн мөрөөдөлд тусалдаг байсан. Нэгэн өдөр түүний найз бэлэн болоогүй дууг нь myspace сайтад тавьсан ба тэрхүү дууг 2 жилийн дараа нэгэн хөгжмийн компани олж сонсжээ. Улмаар анхны цомгоо бичүүлж нийт 10 гаруй сая борлогдоод байна. Энэ хугацаанд Adele өөрөөсөө 10 ах залуутай хайр дурлалын холбоо үүсгэжээ. Тэдний дурлал маш хүчтэй байсан бөгөөд тэрхүү дурлал нь Adele-д олон өөрчлөлтийг авчирсан.
Жил хагасын дараа тэд салцгаасан бөгөөд энэ нь түүнд сэтгэлийн шанлалыг авчирсан. Салсны дараахан экс нь өөр хүнтэй суусаныг мэдсэн. Тэрээр сэтгэлийнхээ шаналалыг дуу болгосон нь агуу хит бүтээл болох "Someone like you" байжээ. 2011 онд хоолойны хагалгаанаас болж дахин дуулахгүйд хүрсэн ч 2012 онд эргэн ирж Grammy Awards дээр гайхалтай тоглолтыг үзүүлсэн. Тэрхүү Grammy awаrds дээр Adele нийт 6 шагналыг хүртчээ. Тайзан дээр гарахаас айж сэтгэлийн түгшүүрээсээ болж бөөлжиж байсан ч үе Adele-д бий. Хэвлэл мэдээллийнхэн жингээ хас гэж байнга шүүмжилдэг ч тэрээр үүнийг ойшоодоггүй. 29 настайдаа тэрээр 12 Grammy шагнал хүртэж цомгуудаа 100 саяыг борлуулж, 2 удаа дэлхийн нөлөө бүхий хүнээр нэрлэгджээ.
3 сэтгэгдэлСэтгэгдэл бичих
Gaihamshigtai emegtei,gaihaltai hooloi.
Үнэхээр гайхалтай дуучин, цаанаа нэг сайхан
Гайхамшигтай , бахархмаар бүсгүй.