Бичил орчны буюу гэр доторх агаарын бохирдол гадныхаас 4-6 дахин хортой байдаг. Учир нь гадны агаарт байнгын солилцоо явагдаж байдаг ч тасалгааны орчинд агаар байнга шинэчлэгддэггүй.
Тиймээс доорх энгийн аргуудыг хэрэглээд бичил орчны бохирдлоос гэр бүлээ хамгаалаарай
1. Бохирдол багатай үед цонхоо онгойлгож агаар оруулах
Үүрийн 4-6 цагийн хооронд агаарт дэгдсэн тоос шороо тайван байдалд ордог тул энэ цагт гэртээ агаар оруулж байх хэрэгтэй. Бичил орчины бохирдол гадны бохирдлоос илүү хортой байдаг тул агаарын солилцоо заавал оруулж байх хэрэгтэй.
2. Гаднаас орж ирээд хувцасаа шууд тайлж байх
Гадаах орчны бохирдол таны үс, гадуур хувцсанд их бага хэмжээгээр наалдаж үлддэг. Ихэнх хүмүүс гадуур хувцастайгаа хүүхдийн өрөөнд орох, эсвэл зочны өрөөнд ордог. Ингэснээр тэдгээр хүний нүдэнд үл үзэгдэх бичил биетүүд гэрт тань унаж хивс хивсэнцэрт наалддаг. Тиймээс орж ирэнгүүтээ гадуур хувцасаа тайлж, өлгөж хэвшээрэй.
3. Агаар цэвэршүүлэгч төхөөрөмж гэртээ байрлуулах
Хүний нүд 0,10 микроноос жижиг хэмжээтэй тоосонцрыг хардаггүй. Харин өвчин үүсгэгч бичил биетүүд түүнээс хэд дахин бага бую 0,03 микроноос ч бага хэмжээтэй байдаг. Гэрт тань утаа харагдахгүй байна гээд утаан дах хорт бодисууд байхгүй гэсэн үг биш. Тиймээс агаар цэвэршүүлэгч төхөөрөмж заавал байрлуулах хэрэгтэй.
Сүүлийн үед маш олон төрлийн агаар цэвэршүүлэгч худалдаанд гараад байгаа учраас албан ёсны эрхтэй, баталгаатай борлуулагчаас агаар цэвэршүүлэгч төхөөрөмжийн цэвэршүүлэх талбайн чадамж буюу CADR үзүүлэлтийг харгалзан үзэж худалдан авах хэрэгтэй.
Дээрх 3 энгийн алхмыг хэрэгжүүлээд гэр бүлээ бичил орчны бохирдлоос хамгаалаарай!
Сэтгэгдэл бичих