Гэгээн хайрын баяраар хосууддаа уран бүтээлээ хүргэхээр зэхэж буй поп дива С.Сэрчмаатай цөөн хором ярилцлаа. “Freezone” хамтлагийн дуучин Э.Энхтөртэй хамтарсан тоглолтоо хийх гэж буй тэрбээр саяхан хөгжмийн зохиолч, гитарчин Д.Өлзий-Оршихын үг, ая “Үгүйлэх сэтгэл” дууг сэргээн сонсогч фэнүүддээ хүргэсэн юм.
-Хоёр хоногийн дараа болох тоглолтынхоо сонин сайхнаас хуваалцана уу?
-Гэгээн хайрын баяр буюу хоёрдугаар сарын 14-нд “Freezone” хамтлагийн дуучин Э.Энхтөртэй АСА циркэд хамтарсан тоглолтоо хийхэд бэлэн болоод байна. Бид шинэ жилээр “Цасан хаялга” дууг дуулсан. “Нэг сургуулийн хоёр хамтарч дуулж байна” хэмээн үзэгчид хүлээн авсан, мөн өмнө нь хэд хэдэн уран бүтээлд гар нийлсэн учир тоглолт хийх боломжтой юм байна гэж бодсон. Тэгээд ч бидний хэн хэнд нь хайр дурлалын сэдэвтэй дуу цөөнгүй байдаг учир хамтран тоглолт хийхээр болсон юм.
-“Чиний нулимсыг салхи л арчина” дууг та бүхэн өмнө нь хамтран дуулсан. Энэ удаад ямар нэг бүтээлд хамтарч байна уу?
-Бид тоглолтын үеэр нэг нэгнийхээ дууг хамтран дуулна. Хамгийн гол нь хайрын сэдэвтэй шилдэг дуу буюу хүн бүрийн сэтгэл зүрхэнд хоногшсон бүтээлээс Гэгээн хайрын баяраар хүргэх нь тоглолтын онцлог юм. Хүмүүсийн дурсамжид хадгалагдсан хайрын дууг үзэгчид дахин сонсч нэгэн үдшийг өнгөрөөнө гэсэн үг.
-Тоглолтын үеэр та хийл хөгжмөө эгшиглүүлэх үү. Мөн дуучин Э.Энхтөр ч лимбээ тоглох байх?
-Мэдээж би үзэгчдэдээ хийл хөгжмөө тоглож сонирхуулна. Түүнчлэн тоглолтын үеэр азтай үзэгчийг тодруулж, рок попын дуучдаас мэндчилгээ хүргэнэ. Тоглолтод зууны манлай дуучин, Монгол Улсын гавьяат жүжигчин Б.Сарантуяа хүрэлцэн ирж, ая дуугаа өргөнө. “Титэм", “Guys” хамтлагийн тоглолтод оролцож, уран бүтээлээ хүргэхээр болсон.
-Дуучин Э.Энхтөр та хоёр хөгжмийн зохиолч, гитарчин Д.Өлзий-Оршихын ая, үг “Үгүйлэх сэтгэл” дууг сэргээн сонсогч фэнүүддээ хүргээд удаагүй байна. Энэ дууг тоглолтод дуулна биз дээ?
-Тоглолтын оргил хэсэгт бид энэ дууг үзэгчдэдээ хүргэнэ. Дуулахад урамтай сайхан уран бүтээл учир үзэгчид алга ташилтаар хүлээн авна гэдэгт эргэлзэхгүй байгаа. Энэ дууг дуулсны дараа Э.Энхтөр “Чи өөрийнхөө дуу шиг гоё дууллаа” гэж хэлсэн.
-Тоглолтоос гадна сүүлийн үед та ямар уран бүтээл дээр ажиллаж байна вэ?
-30 гаруй дууг шинээр бичүүлээд байна. Дуучдын хувьд цомог гаргах нь тайлан маягтай болжээ. Цахим ертөнц хөгжсөнтэй холбогдуулан хүмүүс цомгоо цахимаар гаргаж, онлайнаар худалдаалдаг болсон. Энэ утгаараа дуучид цомог гаргах нь цөөрсөн. Би ч гэсэн цомог гаргахгүй удаж байна. Харин сүүлийн үед киноны дуу түлхүү дуулж байгаа. Тухайлбал, "Хөхөөний үүр” уран сайхны киноны дууг дууллаа. “Амьдралын нар”, “Хайр эргэсэн хавар” зэрэг дэлгэцийн бүтээлийн дууг дуулж үзэгч сонсогчдодоо хүргээд байна. Бас Өвөрмонголын хөгжмийн зохиолчидтой түлхүү ажиллаж нэлээд хэдэн дуу хийсэн. Эдгээр дуу Өвөрмонголд хит болж, өнгөрсөн оны шилдэг арвын нэгээр шалгарсан.
-Аялан тоглолтын төлөвлөгөөгөө гаргасан уу. Тоглолтын санал ирж байна уу?
-Европын орнуудад ажиллаж амьдарч байгаа монголчуудаас маань ирж тоглолтоо хийгээч гэсэн санал ирсэн. Олон улсын эмэгтэйчүүдийн эрхийг хамгаалах өдрөөр БНСУ-д ирж уран бүтээлээ хүргээч гэсэн санал ирсэн. Явах эсэхээ гэрээгээ харж байгаад шийднэ.
-Хоёрхон хоногийн дараа болох Гэгээн хайрын баяраар та ямар бэлэг авахыг хүсч байна вэ. Ер нь энэ баяраар ямар бэлэг авч байсан дурсамжаасаа хуваалцана уу?
-Валентины баяраар ихэнхдээ баглаа дүүрэн цэцэг бэлгэнд авдаг. Сарнайг цэцгийн хатан хаан гэдэг. Ер нь дуучин хүн цэцгэнд дуртай, үзэгчдийн алга ташилтаас баяр баясал мэдэрдэг. Тийм болохоор удахгүй болох Валентины баяраар цэцгээс гадна үзэгчид алга ташилтаар бэлэг бариасай гэж хүсч байна даа.
Б.Сийлэн
Эх сурвалж: "Монголын үнэн" сонин
Мисс Бямбасүрэн “Miss Asian Awards 2023” тэмцээнд дэд байр эзэллээ
Зүүсэн цол энгэрээс гялтагнана, Зурсан түүх тэнгэрээс ч гялалзана
"Сэртэн морьтон цогцолбор"-ын нээлт болох зуны хамгийн том шоу 7 сарын 1-нд болно
Тэмүүлэнгийн адал явдал: Бээжин, Хөх хотоор аялсан нь
Ноён Бондгор: Улс төрч, бизесмэн, урлагийнхантай дайн зарлалаа
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Бразилд хосоороо аялах эрхийн эзэн тодроход 3 хоног үлдлээ
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
13 сэтгэгдэлСэтгэгдэл бичих
William Cheng
serchmaa huurhun shd olon ch saihan duu baidag valentinii bayar bolj l baig l dee mongoliin urs mash olon boltugai hetruulehgui l temdegleh heregtei
хятад боовнийг сайн амталсан авгай
хятад боов
*****
***** боов,зайлаач
дуулаад л явж байг
ENE HVMVVS YAGAAD INGEJ STRESSDEED MUUGAI UG HEREGLEED BVDVVLEG DAIRALT HIIGEED BAIGAA YUM BOL DO. SAIHAN BVSGUI UURIINHOO HUVI TAVILANGAARA YAVJ BAIGAA SD DE.
ГАДААДАД ГАРНА ГЭЭ БИЗ ДЭЭ ЭНЭ АВГАЙ
SHUURCH AVAAD L ARHIDAAD BAIHIIMAA HUJAA PUNSALMAAGIIN OCHIRBATIIN GAIGAAR HUUHDIIN BAYARAAR ARHI UUDAG BOLSON SH DEE
UHSENII CHINE VALENTINII BAYAR NAAD BAYARIINHAA UCHRIIG MEDHUU HRISTIIN SHASHNII LAMIIN BAYAR NERTEIGEER N MONGOLCHUUD ODOO NAURIZIIN BAYAR BUR BOR EEVENGIIN BAYARIIG TEMDEGLEECH MALNUUDAA BAYAR L BAIVALUCHRIIG N CH MEDEHGUI BAIJ
Чи болио юуны чинь балантин бэ? Хуцалгүй дуугаа дуулвал тэр биз. хэн үзэх юм тэр үхсэн христийн ламын өдөр
Үхсэн ацны чинь валентины баяр вэ харийн үхсэн ламын өдөр Монголд ямар хамаа бнааа хятадын дэвсгэр гудасаа хужаадаа очиж гийна