Ажил хий!

Оюутан байхдаа Central Tower-ийг хараад “сургуулиа төгсөөд энд л ажиллах юм шүү” гэж өөртөө хэлдэг байж билээ. Гэтэл саяхан “MCS групп-д яг одоо нээлттэй 87 ажлын байр байна” гэсэн MCS-ийн HR-ийн постыг хараад Oh damn! энэ чинь одоо юу вэ? Монголын хамгийн том компанид 87 ажлын байр эзнээ хүлээгээд байж байхад нөгөө ажилгүй өч дөчнөөн “ажил олдохгүй байна гэж гомдолдог” залууc хаaчаа вэ? гэсэн бодол төрж билээ. Яг одоо ажил хийхгүй зүгээр л амьдралын урсгал дунд урсаж яваа үе тэнгийн нөхөддөө хэдэн үг хэлмээр санагдаад болдоггүй ээ. Өнгөрсөн 2 өдөр манайхан Facebook-ээр шуугилдах дуртайм болохоороо нэг сэдэв дээр нилээн олон тал болж ам булаацалдан бие биенээ муулж харагдлаа. Нөгөө хувийн таксичдыг торгоно нтр бла бла... Би хувьдаа энэ шийдвэрийг нэг талдаа зөв байсан гэж бодсон. Мэдээж амьдралаа авч явах гээд хэдэн төгрөгний төлөө лизингээр нэг бинзен бага иддэг машин олж аваад л, хичээж яваа хүмүүсд бол хэтэрхий хатуурхсан хэрэг л дээ. Гэхдээ энэ хувийн такси барьж байгаа хүмүүс дунд яг л миний үеийн 20-30 насны бүх төрлийн ажил хөдөлмөр эрхлэх боломжтой өчнөөн залуус яваа харагддаг. Би статистик нтр хараагүй л дээ. Гэхдээ л миний суусан таксины 10 жолооч тутмын ихдээ л 2 нь яг дээр бичсэн шиг гэр бүлийнхээ хамаг амьдралыг нуруун дээрээ үүрч яваа, таксинд явахаас өөр аргаггүй хүмүүс байдаг бол зарим нэг нь гэртээ харих замдаа хэд гурван төгрөг олох зорилготой залуус бий. Харин үлдсэн нь бол зүгээр л ажил хийх гэхээр хүнд загнуулж чаддаггүй, авсан цалин нь том өрөөний голд тавчик шидсэнтэй адил санагдаад гол нь харалж үхэх гээд байдаг, хүссэн үедээ амарч болдог учраас ажилгүй байх нь амар санагддаг нас залуу, цус шингэн ч залхуу нь дэндсэн залуус яваа харагддаг. Ийм залуусаас та нар яагаад ажил хийж болдоггүй юм бэ? гэж асуумаар санагддаг. Ингээд ярихаар үг хэл нь хөгжсөн нэг нь барьж идэх шахам тэр ажлын байр чинь хаана байна? Ажил олгогч чинь дэндүү өндөр шаарлага, боловсрол, дэндүү их туршлага нэхдэг мөртлөө хариугүй жоохон цалин амалдаг шүү дээ гэх байх. Sorry, мэдээж хэн ч гэсэн ашиггүй хөрөнгө оруулалт хийхээс татгалзана биз дээ. Тэгээд яаж ажил олох вэ гэж үү? Мэдээж цалинг нь битгий гол. Цалин өндөртэйд нь угаасаа чиний ур чадвар, мэдлэг чинь дутна. Харин цалин багатайд нь мэдээж чи тэнцэнэ. Тэгэхээр анх ажилд орход амалдаг цалинг битгий гол. Ажил хийхдээ зөвхөн өнгө мөнгөнд нь анхаарлаа битгий хандуулаа, тэнд чиний аль ч сургуулиас олж авахгүй маш олон зүйлийг зааж өгнө. За тэгээд цалинг нь голохгүй ажилд орсон нэг хэсэг залуус байдгийм. Ажилд ороод л эхний хэдэн өдөр нь “Залуу хүн завтай байна гэдэг эмгэнэл” нтр сүр сүр юм бичээд л ажил дээрээ байгаа зургаа Фейсбүүкээр нэг зарлаад л... Тэгээл жоохон ажлынх нь ачаалал ихсээд, дарамттай санагдаад, өөрөө ч чадахаа байгаад л, хүн амьтанд загнуулаад ирэхээр “ингэн барин ийм жоохон цалингийн төлөө ажиллах ч гэж дээ” гэж бодоод нэг л өдөр “үхсэн, ямар алба уу” гээд хаяад явна даа. Дахиад л Sorry мэдээж хүн өөрөөсөө хичээл зүтгэл, чармайлт, асар их хатуужил гаргаж байж л юм сурийшдээ найзууда
Би хэд хэдэн танилуудаа жишээ болгон бичье л дээ. 
Би Оюутан байхдаа сарын 300К цалинтай зөөгч хийж байлаа. 300К-аас илүү үнэтэй маш олон чадварыг тэр ресторан надад олгосон юмдаг. Биеэ зөв авч явна, Хүнтэй сайхан харилцаж сурна, хааяаа даа нэг гадаадын хүмүүстэй хэл ус нэвтрэлцэх гэж хичээнгээ англи хэлээ сайжруулна, Хооллох соёл сурна, боломж нь гарвал зарим нэг айхтар өндөр үнэтэй хоолыг өөрөө хийж сурна. Хамгийн муудаа гэхэд л Архи, Виски, Конъякаа ялгаад сурчихна гээд зөндөө юм сурж авсым даа. Тухайн үед манай ахлах зөөгч байсан нэг ах бий. Ах тэр үед “ах нь 5-н жил зөөгч хийж байна даа” гэж ярьдаг байсан. Уг нь уул уурхайн мэргэжилтэй хүн л дээ. Шаардлагатай болоод л зөөгч хийдэг байсан байлгүй дээ. Хэн мэдхэв. Гэхдээ ахаас миний сурч авсан зүйл гэвэл хүн нэг зүйлдээ тууштай байж чадвал ямар ч амжилтанд хүрч болдог юм шүү гэдгийг харуулсан юм. Одоо монголын хамгийн дээд зэрэглэлийн ресторануудыг нэгийг удирдаад явж байгаа гайхалтай Mentor хүн.
Бас түүнтэй адилхан 10 жилд хамт нэг ангид сурч байсан найз маань бий. Миний мэдэх хамгийн супер залуу. Манай ангийн дарга, онц сурлагтан, Дуулна, бүжиглэнэ, Сагс тоглоно, Волейбол тоглоно. Бүх л юмаараа надаас илүү болхоор атаархаад байдаг юм. Яахв? мань нь чамаас нэг юмаараа илүү болноо :D. Зөөгч хийхдээ хүртэл надаас илүү сайн. Мань хүн СУИС төгссөн сэтгүүлч мэргэжилтэй залуу. Бас л оюутан байхаасаа л надтай хамт зөөгч хийдэг байсан юм. Гэтэл сургуулиа төгсөөд зөөгчийн ажлаасаа гарах уу? Гэхэд шууд л үгүй гэдгийм даа. Тэгээд л зөөгчөөсөө ахлах зөөгч, зохион байгуулагч, менежер гээд л явж өгсөн дөө. Харин өнөөдөр бас л Монголын хамгийн том ресторанд удирдах албан тушаал хашиж байна даа. Андаасаа сурч авсан зүйл бол хүн хамгийн дуртай зүйлээ хийж байхдаа хамгийн аз жаргалтай байдгым гэдгийг ойлгосон. Мэдээж дуртай зүйлээ хийж байгаа хүн ажлаа сайн хийнэ. Сайн хийж байгаа хүн амжилт гаргах нь тодорхой. 
Бас нэг найз маань бий. Амьдралын минь хамгийн том түшиг тулгууруудын нэг. Оюутан байхдаа Замын-Үүд, Эрээнд очиж зуны айгам халуунд хамаг хөлсөө дуслуулан байж цемент, шохоо, тоосго, блок, гурил будаа өргөхгүй юм байхгүй. Уг нь бол инженер мэргэжилтэй. Сургуулиа төгсөөд Солонгос явж бас л хар ажил хийнэ. Солонгосоос ирээд олсон хэдэн төгрөгөөрөө хувийнхаа бизнесийг хийж эхэлсэн юм даа. Тэгээд саяхан гадагшаа явж англи хэлээ сайжруулж жинхэнэ утгаар нь бизнесмэн болох гээд явсан даа. Хичээлийнхээ хажуугаар бас л хар ажил хийж байгаа сурагтай. Яаж зүгээр суухав дээ. Найзыгаа хараад яаж ийм их хичээл зүтгэл хаанаас нь гараад байдаг юм бол доо гэж дэндүү бишэрмээр. Ээж аав нь юугаар ч дутаалгүй өсгөсөн, элбэг дэлбэг хангалуун айлын ганц хүү ч гэлээ ажлын хэцүүг нь хэцүү гэхгүй хүндийг нь хүнд гэхгүй гололгүй хийдэг зан чанар нь надад хөлс их дусаавал мөнгө их олноо гэдгийг ойлгуулдаг юм.
Ингээд яриад байвал өчнөөн жишээ бий. Нөгөө ажил хийдэггүй хирнээ дэлхийн айхтар том том бизнесмэн, тэрбумтануудын хэлсэн үг нтрыг чухам ойлгосон аятай шейр хийдэг залуусд хэлэхэд. Мэдээж тэр хүмүүсийг Role model-оо болгох нь буруу биш л дээ. Гэхдээ бид хаа холын өндөр амжилтанд хүрсэн хүнээс биш зүгээр л дэргэдээ байгаа найз нөхөд хүрээлэл дундаасаа жижигхэн ч гэсэн амжилтанд хүрсэн хүмүүсээс үлгэр дуйрайлал аваад тэрийг нь өөртөө шингээх нь хамгийн чухал. Нэгэнт л Стив Жоббс шиг дэлхийг өөрчилөхгүйгээс хойш ядаж л сайхан амьдарч байгаа найзуудаасаа суралц. 
Амьдралд та нарыг хүлээгээд өчнөөн боломж байхад биеийн амрыг бодоод дээшээ хараад хэвтээд байвал тэнгэрээс од унаад ирэх юм шиг битгий бод. Эхлээд сур, сурч байж хөдөлмөрлөнө, хөдөлмөрлөж байж амьдрана нөхдөө. Дахин хэлье АЖИЛ ХИЙ!