Өнгөрсөн 7 хоногт Канг Вон мужийн Кү Сонг дүүргийн захиргаанд Инчеон хотын Нам Дун дүүргийн Кү Вол хорооны нэгэн иргэнээс ирсэн шуудан тус дүүргийн захиргааны ажилчдын нүдийг нээжээ.
Учир нь тус шуудангийн илгээмжийн хайрцагт хүүхдийнхээ 1 насны ойн бөгжийг нэгэн захидлын хамт илгээсэн байна.
Захидлыг сийрүүлбэл “Хэд хоногийн өмнө бага хүү маань 1 ой хүрч бид уламжлалын дагуу тэмдэглэсэн. Тэгээд ойр дотны хүмүүс болон найз нөхдийн хүүд маань бэлэглэсэн бөгжнүүдийг их гал түймрийн хохирогч нарт нэмэр болгох үүднээс хандивлаж байгаа юм. Энэхүү бөгжинд хүүхдийн гэнэн цагаан хайр шингэсэн гэдэгт бид итгэж байна. Иймээс хохирсон хүмүүсийн сэтгэлийг бага ч болов дэвтээх сайн үйлсэд зориулаарай” гэж бичсэн байсан бөгөөд хайрцаг дотор 5 ширхэг хүүхдийн алтан бөгж, 1 ширхэг алтан бугуйвч хийсэн байжээ.
Харин тус хотын дарга Ким Чол Сү “Хайрцагийг задлан гарч ирсэн зүйлийг хараад өөрийн эрхгүй нулимс гарсан бөгөөд 90-ээд оны эдийн засгийн уналт /IMF/-ын үед Солонгос даяараа алтаа хандивлаж байсан үе санаанд орлоо” гээд “Энэ хүнийг заавал олж баярлаж талархсан сэтгэлээ илчлэх болно” гэсэн байна.
Мөн тэрээр “Хэнийг нь ч үл таних хүнээс хүүхдийнхээ дурсгалын үнэ цэнэтэй зүйлийг сэтгэл харамгүй өгч байгаа нь манай улсын иргэдийн нэгдмэл чанар хэвээрээ гэдгийг тодхон харуулж байгаа явдал боллоо” хэмээн онцлон хэлжээ.
Эх сурвалж: WWW.MGLRADIO.COM
3 сэтгэгдэлСэтгэгдэл бичих
Sain bain uu xymyys ee Setgegdel bichixdee bitgii xaraal muuxai yg xelleg xereglej bai l daa Sonin xevlel inteneteer unshix soyold suraltsax xeregtei baina daa Busad unshigchidaa xyndelj baimaar baina
Ямар мундаг юм бэ манайхан аягүй бол хуваагаад идчихнээ
ХУЦ "ПИЗДА"