Манайхан мах их иддэг хэрнээ ясыг нь ер ашигладаггүй. Бидний нээх тоодгүй үхрийн булууны яс гадаадын улс оронд их үнэд хүрдэг. Их ач холбогдолтой болохоор тэр шүү дээ.
Яс тэр тусмаа үхрийн булууны яс тэр чигээрээ үнэт кальци юм. Зүгээр цай чанахдаа данхандаа хийгээд буцалгаад уухад л ашиг тусаа өгдөг. Эрүүл залуу байх энгийн зүйлсээс эхэлнэ. Хамгийн аугаа юм хамгийн энгийн зүйлээс эхэлдэг гэж нэг суут сэтгэгч хэлсэн удаатай. Тэгвэл хамгийн аугаа атлаа хамгийн энгийн зүйл болох үхрийн булууны ясыг хэрхэн ашиглахаа мэдэхгүй байгаа бол дараах зөвлөгөөг дагаарай.
Эрүүл мэндийн ашиг тусыг нь танилцуулбал:
1. Үений эрүүл байдал холбоос, шөрмөс, ясны төгсгөлүүдэд байдаг коллаген ширхэгтэй их холбоотой. Коллаген гэдэг нь гликозамингликан /ГАГ/-ыг оролцуулсан том биомолекул бөгөөд энэ нь үеийг эрүүл байлгадаг маш чухал молекул юм. Ясны шөл нь ГАГ-уудын агууламж өндөртэй. ГАГ-уудын нэг нь глюкозамин бөгөөд үүнийг агуулсан хүнсний нэмэлтүүдийг хүмүүс тогтмол хэрэглэж байгаа. Зөвхөн глюкозаминаас гадна ясны шөлөнд хондроитин, гиалуроны хүчил гэх мэт бусад ГАГ-ууд ч агуулагддаг.
2. Ясны шөл нь үс, арьс, хумсыг маш сайхан болгодог. Үс, арьс, хумсны гол бүтэц болох коллагеныг маш олон төрлийн нэмэлт бүтээгдэхүүн болон гоо сайхны бүтээгдэхүүнүүдээс хүмүүс хэрэглэдэг. Ясны шөлийг тогтмол ууснаар хямд үнээр найдвартай коллагеныг биедээ шингээх боломжтой.
3. Гэдэсний салстыг эмчлэхэд шаардлагатай желатин ясны шөлөнд агуулагддаг. Желатин нь пролин, глицинээс тогтсон уураг юм. Гэдэсний салстын нэвчимтгий чанар ихэссэнээр харшил, аутоиммун өвчнүүдийн тохиолдол ихээр нэмэгддэг ба хэт нэвчимтгий байдлыг желатин бөглөж, засварлан сэргээдэг. Желатин нь ходоодны шарх, чихрийн шижин, булчингийн болон халдварт өвчнүүд, шарлалтын үед хэрэглэхэд үр дүнтэй. Хүүхдийн сүүнд желатин нэмж өгөхөд хүүхдүүдийн хоол боловсруулах замын зовиурууд арилж байсан байна.
Шийр, толгой зэрэг нь желатины агууламжаар бас их бөгөөд стүүжин /студень/-ийг бага хэмжээгээр хэрэглэх нь эрүүл мэндэд тустай аж. Желатины найрлага дахь глицин нь глутатион хэмээх маш хүчтэй антиоксидантын найрлагад ордог учраас бүх биеийн чөлөөт радикалын гэмтлээс сэргийлэхэд тустай. Ясны шөлний найрлагад агуулагдах глицин нь элэгний хорт бодисуудыг цэвэрлэж зайлуулахад шаардлагатай байдаг. Бүх төрлийн хоргүйжүүлэх дэглэмүүдэд элгийг хамгаалж, элэгний үйл ажиллагааг дэмжих нь маш чухал байдаг. Тийм болохоор ясны шөлийг хэрэглэж глициныг авах хэрэгтэй.
4. Ясны шөл махны хэт их хэрэглээг бууруулдаг. Желатины хэрэглээ хангалттай байх нь махнаас авах уургийн хэрэгцээг 50 хүртэлх хувиар бууруулдаг байна.
5. Үе мөчний коллаген, коллаген зэрэг нэмэлт бэлдмэлүүдийг хэрэглэхээс илүүтэйгээр ясны шөл гаргаж, шөлтэй хоолондоо тогтмол хэрэглэж байх нь эдгээр бэлдмэлүүдээс илүү үр дүнтэй, шингэцтэй, олон талын ач тустай, хямд байх буй заа.
5 сэтгэгдэлСэтгэгдэл бичих
Хэдэн удаа буцалгаж болдог юм бол?
Болохгүй талаас нь бодож сэтгэлээ гэж буруу талаас нь ярьж байхаар болгох сайжруулах талаас нь сэтгэх чухал, зөв л өнцгөөс хэлсэн бн. Нийлэл хот байтугай дор хаяж Лүн сум хүртэлх малын мах сүү тун осолтой болсон цаг. Төв цэвэрлэх байгууламжаас туул голруу ордог аймшгийн бохир сэлэнгэ мөрөн ч хүрч байгаа шүү дээ. Энэ мэтийг л болиулах шийдэх талаар ярих нь тун чухал бнда
хөдөөнөөс л идэшний үхрээ авна ш дээ
монгол хүн хүн гэж дандаа юмыг болохгүй талаас нь сэтгэж байх юм.Яаж үйлс нь бүтэж явдаг юм. манайх ясыг цайнд хийж уудаг. Шөл сайн гаргаж хэрэглэдэг. Зөв л юм бичсэн байна. Дээдсээс хэрэглэж ирсэн уламжлалт арга шүү дээ
Хотын үхэр хог цаас идэж байгаа юум чин кальц байж чадах уу