Барилгын "ХАР АЖИЛ" хийн гүйцэтгэдэг залуусын цалинг 1 саяаас дээш болгон, Хөдөлмөрийн үнэлэмжийг дээшлүүлнэ

Барилгын "ХАР АЖИЛ" хийн гүйцэтгэдэг залуусын цалинг 1 саяаас дээш болгон, Хөдөлмөрийн үнэлэмжийг дээшлүүлнэ

"Ажилчдын нэгдсэн төв" төрийн бус байгууллага нь монгол залуусийн хөдөлмөрийн үнэлэмжийг дээшлүүлэх зорилгоор нэгдэн нийлсэн, хэсэг залуусын санаачлагаар саяхан байгуулагдсан байгуулага юм байна.

Тус байгууллага нь монгол залуусийн үнэ цэнэ, хөдөлмөрийн чадамж, амьдралын баталгаат орлого болон ажлын байрны тасралтгүй санал, ажил олгогч болон ажилчдын эрх ашгийг дээдлэх зорилгоор байгуулагджээ.

Мөн хөдөлмөрөө баталгаатай үнэлүүлж тогтмол ажлын байртай болж, ажил амьдралаа дээшлүүлэх хүсэлтэй хэнд ч тус төвийн үүд хаалга үргэлж нээлттэй байх ажээ.

"Ажилчдын нэгдсэн төв" ТББ зургаадугаар сарын 6-ны өдөр Ялалтын талбайд нээлттэй өдөрлөг зохион байгуулах бөгөөд барилгын салбарт ажиллаж буй залуусыг ирж нэгдэхийг уриалж байна.

“Ажилчдын нэгдсэн төв” ТББ барилгад ажиллаж буй залуучуудыг элсүүлэн хөдөлмөрийн аюулгүй байдлыг хангах чиглэлээр зөвлөгөө мэдээлэл өгч, хамгаалалтын хувцсаар хангаад шууд захиалагчтай холбож өгөх үүргийг гүйцэтгэх юм байна. Ингэснээр ажилчид нэг ажлаа дуусгаад, дараагийн ажлаа хайж хугацаа алдахгүй шууд дараагийн ажилдаа орох, тогтвортой орлоготой болох, хөдөлмөрийн аюулгүй байдал хангагдах боломж бүрдэх аж. Мөн захиалагчаас хийж гүйцэтгэсэн ажлын мөнгийг нь ШУУД авах бөгөөд ингэснээр ажилчдын цалин хоёр дахин өсөх бүрэн боломжтой юм.

Өмнө нь Захиалагчаас өгсөн мөнгө "Нягтлан, инженер зуучлагч" гэсэн дамжлага дамжсаар Жинхэнэ ажил хийж гүйцэтгэсэн хүмүүст өчүүхэн бага мөнгө ирдэг гэнэ.

“Ажилчдын нэгдсэн төв” ТББ-ын гишүүн О.Чинбишрэлт "Барилгын туслах буюу хамаг хүнд ажлыг хийж байгаа бригадын зохион байгуулалттай залуус өдөрт 30-35 мянган төгрөгийн цалин авдаг. Ажлаа дуусгасан ч цалингаа авч чадахгүй удах тохиолдол бас бий.

Харин “Ажилчдын нэгдсэн төв” ТББ ажилчдаа бүртгээд, хөдөлмөр хамгааллын хувцсаар хангаад, тогтмол цалин олгож, нийгмийн даатгал төлөх боломжийг бүрдүүлнэ. Ажилчдаа бүртгэж авахдаа гэрээ байгуулаад цалин дээрээс нь бага багаар хувцасны мөнгийг авах бөгөөд цалин одоогийн дунджаас хоёр дахин нэмэгдэх боломжтой гэж харж байгаа. Дээр хэлсэнчлэн барилгын салбарт хөдөлмөрийн мөлжлөгийн схем бий болчихсон. Яг ажлыг нь хийж байгаа хар ажилчид хүссэн цалингаа авч чадахгүй байна. Тиймээс шууд захиалагчтай холбогдох нь манай байгууллагын гол давуу тал" хэмээв.

Уг байгуулагыг байгуулсан залуус барилгын салбарт ажиллаж, хүнд хэцүү хөдөлмөрийн мөлжлөгийг үзэж туулсан бөгөөд "хар ажил" гэж хэлж заншсан хүнд ажлуудыг хийдэг залуучуудыг нэгтгэж, тэдний хөдөлмөрийг үнэлүүлэх гол зорилготой юм байна. Барилгын салбарын "Хар ажил" хийдэг залуус хэн нэгний зуучлалаар ажилладаг ба тэдний эрх ашгийг хэн ч хамгаалдаггүй, ажлаа дуусгасан ч цалингаа авч чаддаггүй, гэнэтийн осол гарахад хамгаалах хувцас хэрэглэлгүй байдгаас гадна нөхөн төлбөр авч чаддаггүй учраас эрүүл мэндээрээ хохирдог олон тохиолдол гардаг байна.

"Ажилчдын нэгдсэн төв" төрийн бус байгууллагын залуус "Монгол залуус бид яагаад заавал ажил олгогч эздийн хүслээр, тэдний үнэлэмж багатай цалинг царайчлаж, тогтворгүй алсын баталгаагүй ажлыг хийж, эх орондоо итгэл муутай амьдрах ёстой гэж. Бид нэгдэн нийлж, хийж бүтээж, бусдад өөрсдөө чаддаг, хийморьлог залуус гэдгээ харуулах цаг нь иржээ. Бид өнөөгийн зарим залуус шиг хэт их улс төржиж, эх оронч царайлж, цээжээ дэлдэж хийрхэлгүйгээр, зүгээр л залуучууд ирээдүйнхээ төлөө итгэл дүүрэн ажиллаж амьдрахад нь гүүр болох гэсэн залуусын нэгдэл билээ. Хувь хүн болон бригаддуудыг нэгдэн нийлэхийг уриалж байна.
Бид өөрсдөө бүтээн байгуулалтаа хийчих хэмжээний хүн амтай байж энэ хүмүүсээр яах юм бэ? Ирээдүйгээ бид өөрсдөө бүтээх ёстой!!!

"Ажилчдын нэгдсэн төв" ТББ холбогдох утасны дугаар: 
97101777