ШЕЗ-ийн гишүүнд Давж заалдах шатны шүүхээс 4 хүн, анхан шатны шүүхээс 13 хүний нэрийг дэвшүүлээд байгаа. Тодруулбал, давж заалдах шатны шүүхээс Д.Цогтсайхан, Э.Мягмардорж, Э.Зоригтбаатар, Ц.Өрнөндэлгэр, анхан шатны шүүхээс Т.Мэндсайхан, А.Насандэлгэр, Ц.Оч, Х.Ганболд, А.Сарангэрэл, Л.Энхтайван, Д.Оюумаа, П.Уяат, Б.Баатар, Д.Мөнх-Эрдэнэ, Д.Мягмаржав, Ж.Оюунтунгалаг, Б.Хажидмаа нарыг нэр дэвшүүлээд байгаа юм.
Санал хураалт энэ сарын 6-нд явагдана. Тэгвэл санал хураалт болохоос өмнө Нийслэлийн Иргэний хэргийн давж заалдах шатны шүүхийн шүүгч Ж.Оюунтунгалаг, Төв аймгийн Эрүү, Иргэний хэргийн давж заалдах шатны шүүхийн шүүгч Ц.Өрнөндэлгэр нар Шүүхийн ерөнхий зөвлөлийн гишүүнд нэр дэвшигчдийн жагсаалтаас нэрээ татжээ.
Нийслэлийн Иргэний хэргийн давж заалдах шатны шүүхийн шүүгч Ж.Оюунтунгалаг "Миний бие Шүүхийн ерөнхий зөвлөлийн гишүүнд нэр дэвшигчдийн жагсаалтаас нэрээ татаж буйгаа илэрхийлэхийн дашрамд энэхүү өндөр хариуцлагатай, нэр хүндтэй албанд өөрсдийн бие даасан итгэл үнэмшлээрээ нэрийг минь дэвшүүлэн, итгэл үзүүлсэн шүүгч нараасаа хүлцэл эрж байна. Гэвч та бүхний үзүүлсэн энэ итгэл надад шударга ёсны үйлчилгээг иргэдэд хүргэх үйлс, шүүн таслах ажилдаа мэдлэг чадвар, сэтгэл зүрхээ дайчлан, шүүгчийн ёс зүйг чанд баримтлан ажиллах урам зориг өгсөн тул шүүгч нартаа чин сэтгэлийн талархал илэрхийлье” гэжээ.
Төв аймгийн Эрүү, Иргэний хэргийн давж заалдах шатны шүүхийн шүүгч Ц.Өрнөндэлгэр "Шүүхийн ерөнхий зөвлөлийн гишүүний өндөр хариуцлагатай албанд өөрсдийн итгэл үнэмшлээрээ Ц.Өрнөндэлгэр миний нэрийг дэвшүүлсэн шүүгч нартаа чин сэтгэлээсээ талархлаа.
Миний бие Шүүхийн ерөнхий зөвлөлийн гишүүнд нэр дэвшигчдийн жагсаалтаас нэрээ татаж буйгаа илэрхийлж, надад итгэл үзүүлсэн шүүгч нараасаа хүлцэл өчье” гэжээ.
Б.Аз
5 сэтгэгдэлСэтгэгдэл бичих
хамгийн чадварлаг мэндсайхан нь олон оноо аваад байхад хусах гээд байх юм
Яагаад нэрээ татав.Хѳрѳнгѳ мѳнгѳ нь дутавуу.Эсвэл дарсан хѳрѳнгѳ орлого илрэх гээд сандраад татав.уу.Эсвэл үе залгамжлуулж ѳѳрийн хүмсийг тавих дарамт шахалт ирэв.үү шалтгааныг тагнуул цагдаа АТГ албхн ёсоор шалгаж байх нь зѳв.
Mendsaihanii avgai Ouyngerel gej medleg chadvar muutai bulgan deel ungu unguur ni solij umssun heden ouytnuudiig daramtalj garshsan bagsh nertei hun bii
mendsaihan neree tatahgui yum bhdaa.
Яагаад нэрээ татаж байгаа шалтгаанаа хэлсэнгүй вэ. Шантаажинд орсон уу эсвэл албан тушаал амалсан уу нэг бол ариун бус хүмүүн байсан уу. сонин юм.