Сайхан мэдээ: Шороон замын тоосжилтыг шийддэг шинэ технологи нэвтэрчээ

Хэт хуурай сэрүүн уур амьсгалтай манай оронд агаар дахь тоос, тоосонцорын хэмжээ 2-3 дахин их байдаг. Хүн амын тал хувь нь суурьшсан Улаанбаатар хот тоос, тоосжилтын түвшингээрээ дэлхийд дээгүүрт бичигддэг.

Өвлийн утаатай залгаад л хавар, зуны улиралд нийслэлчүүд тоосон дунд амьдарч байна. Сүүлийн жилүүдэд бүтээн байгуулалт, уул уурхайн салбар хөгжихийн хирээр нарийн тоосонцор улам ихсэж байгааг мэргэжилтнүүд хэлдэг. Энэ жилийн хувьд Нийслэлийн баруун, зүүн бүсэд авто замын томоохон засварын ажлыг эхлүүлээд байгаатай холбоотогоор баруун, зүүн аймгууд руу зорчих иргэд түр байгуулсан шороон замаар зорчиж байгаагаас үүдэн урд явж байгаа машин болон зөрж байгаа автомашиныг олж харахад бэрх болоод байгаа. Хотоос гараад л салхи татуулан давхих дуртай манайхны хувьд уг шинэ замаар хурдтай давхиж, гүйцэж түрүүлэх мэтээр хөдөлгөөнд оролцсоноос аваар осолд өртөж, амь нас,  эд хөрөнгө эрүүл мэндээрээ хохирсон тухай харамсалтай мэдээлэл нилээд тархаад байгаа.

Хэдийгээр эдгээр замуудад усны машинаар ус цацаж тоосыг дарж байгаа ч газар хатахад эргээд л тоосоор бүрхэнэ. Мөн усны машин нь хааяа нэг замыг шүрших нь энэ их тоосыг дарахад хангалтгүй. Ойрын өдрүүдэд хур тунадас орж газрын хөрсийг чийглэснээр тоос хэсэгхэн хугацаанд дарагдаж байгаа. Гэвч өдөр болгон бороо орохгүй болохоор бид дахиад л тоосон дундаа амьдарсаар...

Энэ мэт иргэдийн эрүүл мэнд, амьдрах орчинд сөргөөр нөлөөлж буй зүйлийг хүн бүр яриад байдаг ч ярьсан зүйл бодитой ажил болж, үр дүнгээ өгсөн ажил нь ховор.

Харин өнөөдөр тоос, тоосонцорыг 85-100 хувь дарж чаддаг гайхалтай бүтээгдэхүүн, технологийн талаар сонслоо. Ихэд олзуурхан энэ талаар сонирхоход АНУ болон Герман улсуудад үйлдвэрлэгдэж дэлхийн зах зээлд гарсан бүтээгдэхүүн юм байна. Нарийн мөхлөгт тоосонцор гаргадаг үйлдвэр, уурхай болон хучилтгүй шороон замын тоосыг дарахад олон улсад ашигладаг эко тоосжилт дарах бүтээгдэхүүн Монголд ороод ирчихсэн байна. “Eco Soil” ХХК эдгээр бүтээгдэхүүнийг оруулж ирсэн бөгөөд Налайхын замын тоосжилтийг дарах туршилт хийж үзжээ. Ингэхдээ тусгай бодисуудыг гадны компанийн албан ёсны эрхтэйгээр олон улсын стандарт шаардлагийн дагуу монгол улсын стандарчлал хэмжил зүйн газраар баталгаажуулан цацсан байх юм. Нэг цацахад 40 хоногийн турш тоос гарахгүй байсан талаар тэндэхийн оршин суугчид ам сайтай байв. 

Тус компанийн ашиглаж буй Дастлок, Питросойл зэрэг бүтээгдэхүүнийг 1 метр квадрат талбайд 1.3л-1.5л зарцуулдаг юм байна. Ингэхдээ хөрсний чийг алдалтыг удаан барих, хөрсийг наягтруулж, барьцалдуулан нарийн мөхлөгт тоосжилтыг бууруулж, өвлийн хүйтэнд ашиглах боломжтой, эдийн засгийн хэмнэлттэй эко бүтээгдэхүүн ба олон улсын Standard No: BNQ2410-300/2010-12-01 стандартаар баталгаажсан байна. Тиймээс энгийн ус цацснаас хэд дахин үр дүнтэй, усны хэрэглээ бууруулсан, агаарт ялгарах CO2, хүлэмжийн хий багасдаг, техникийн ашиглах хугацаа уртасч, байгаль орчны доройтол, тоосжилтоос үүсэх, хүний эрүүл мэндэд нөлөөлөх сөрөг нөлөөллийг бууруулах зэрэг давуу талтай бүтээгдэхүүн, технологи аж. Мөн уул уурхайн ашиглалтын явцад үүссэн PM2.5, PM10 тоосонцоруудын агаарын дэгдэлтийг дарах орчин үеийн мананжуулагч системүүдийг ашиглаж байгаа юм байна.

Бид замын тоосжилтыг дарах гээд машин машинаар ус цацахаас өөрийг хийж чаддаггүй. Гэтэл үүнээс өндөр үр дүнтэй, ус бага зарцуулдаг уг технологийг ашиглавал илүү ашигтай санагдана. Энэхүү бүтээгдэхүүнийг ашиглан тоосжийг бууруулж эрүүл агаараар амьсгална гэхээр сонирхохгүй байхын аргагүй.

Замын тоосжилт, уурхайн тоосжилт ихэссэн энэ цаг үед Ecosoil компанийн оруулж ирж байгаа уг бүтээгдэхүүн технологийг нэвтрүүлэх талаар сонирхон үзэж тоосжилт бууруулах талаар идэвхитэй ажиллахыг холбогдох байгууллага, аж ахуй нэгжүүдэд уриалмаар байна.