Мөнхбатын Бундмаа болон Батцэцэгийн Батгэрэл нар
Жудо бөхийн шигшээ багийн дасгалжуулагчид бүрэн бүрэлдэхүүнээрээ огцроод байгаа билээ. Тэд Токио хотноо болсон ДАШТ-д амжилтгүй оролцсон нь ийн хариуцлага хүлээх шалтгаан болсон юм. Үүний дараа жудогийн шигшээ багийг гавъяат дасгалжуулагч Халиуны Болдбаатар удирдахаар болсон.
Х.Болдбаатар хамтран ажиллах багаа өөрийн сонголтоор бүрдүүлж байгаа гэсэн мэдээлэл гарсан билээ. Тэгвэл Жүдо бөхийн үндэсний шигшээ багийн ахлах дасгалжуулагч Х.Болдбаатарын багт “Алдар” спорт хорооны дасгалжуулагч П.Нямлхагва, Ч.Болдбаатар, Б.Батгэрэл болон МУГТ, дэлхийн аварга шалгаруулах тэмцээний хүрэл медальт М.Бундмаа нар багтжээ.
Шигшээ багийн ахлах дасгалжуулагч Халиуны Болдбаатарын хувьд 48 настай. 1992 оны Барселоны олимпийн наадмын 7-р байр, 1996 оны Атлантагийн олимпийн наадмын 5-р байр, 1997 оны ДАШТ-ий шагналт 5-р байр, Дэлхийн цомын алт, Азийн наадамд 1998 онд алт, 1994 онд хүрэл, ААШТ-ээс 3 мөнгө, 2 хүрэл медаль, 1999 оны Универсиадын аваргын алтан медальт. Тэрээр Азийн наадмаас Монгол Улсын жүдо бөхийн анхны алтан медалийг эх орондоо авчирч байсан. Үндэсний шигшээ багт 2003-2005, 2006-2008 онд ажилласан бөгөөд олимпийн анхны алтан медальт Н.Түвшинбаярын дасгалжуулагч байв.
Үндэсний шигшээ багийн туслах дасгалжуулагч Мөнхбатын Бундмаа
1985 онд төрсөн. Тэр 2010 оны Токиогийн ДАШТ-ээс хүрэл медаль, Азийн наадмаас 2006 онд мөнгө, 2010 онд мөнгө, ААШТ-ээс 4 мөнгө, хошой хүрэл, 2007 оны Универсиадын алт, жүдо бөхийн Их Дуулга тэмцээнүүдээс хошой алт, 1 мөнгө, 1 хүрэл, Гранпри тэмцээнүүдээс хошой алт, 4 хүрэл медаль хүртэж байсан шилдэг тамирчин юм. М.Бундмаа 2017 оноос БНХАУ-ын Хонгконгийн жүдо бөхийн шигшээ багт ОУХМ Б.Батгэрэлийн хамт дасгалжуулагчаар ажиллаж байв.
Үндэсний шигшээ багийн туслах дасгалжуулагч Чимэд-Ёндонгийн Болдбаатар
1983 оны 10 сард төрсөн. 2011 онд Бакугийн Их Дуулга тэмцээнээс мөнгө, 2011 оны Амстердамын Гранпри, 2010 оны Абу-Дабигийн Гранпри тэмцээнүүдээс хүрэл, Чингис хаан дэлхийн цомоос хошой алтан медаль хүртэж байв.
Үндэсний шигшээ багийн туслах дасгалжуулагч Батцэцэгийн Батгэрэл
1989 оны 4 сард төрсөн. Жүдо бөхийн УАШТ-д2015, 2016 онуудад мөнгөн медаль хүртэж байсан. 2013 онд Ташкентын Гранпри, 2016 онд Улаанбаатарын Гранпри тэмцээнүүдээс мөнгө, 2013 онд Миамигийн Гранпри, 2014 онд Тбилисийн Гранпри тэмцээнүүдээс хүрэл медаль хүртсэн.
2017 оноос МУГТ М.Бундмаагийн хамтаар Хонгконгийн жүдо бөхийн шигшээ багт дасгалжуулагчаар ажиллаж байсан.
Үндэсний шигшээ багийн дасгалжуулагч Пүрэвдоржийн Нямлхагва
Армийн “Алдар” спорт хорооны жүдо бөхийн дасгалжуулагчаар ажиллаж байгаад үндэсний шигшээ багт ирж байна. 1996 болон 2000 оны хоёр олимпод оролцож байсан.
7 сэтгэгдэлСэтгэгдэл бичих
Ч.Болдбаатарын оронд Г.Болдбаатарын зургийг тавьсан байна. Сольж зөв зургийг оруулаарай.
Тамирчидын барилдаан дээр ажиллах чадварыг нэмэгдүүлж, сэтгэл зүйн талаар сайн ажиллахгүй бол нэлээн учир дутагдалтай бгаа шүү. Их халирамхай няцамхай . Гарч ирээд гар хөлийн үзүүрээр унадаг гадаад бөх байхгүй болсон бна.
Эмэгтэй дасгалжуулагч Гэрэлт Од маш сайн туршлагатай байсан. Яагаад болиулж байгаа юм бол. Нас хийж гүйцэтгэсэн ажил бол туршлага. Олимпийн мөнгөн медальтан төрүүлсэн биздээ. Шинэ хүн 1 жилийн дотор туршлага судлах гэсээр байтал олимп болно. Хуучин дасгалжуулагчийг давхар байлгаж байж амжилт гарна.
Эрдэнэт-Од
челеетийн эмэгтэй 57 59 76 кг ийн жингийн барилдааны дэлгэрэнгуй мэдээлэл бичиж тавибал их баярлана шуу
Дэлхийн аварга Болдбаатар мөн бол яагаад бичээгүй байна вэ? Цагаанбаатар гэдэг увс хүнийг сурган хүмүүсжүүлэх ажлаас алс хол байлгахгүй бол ёс суртахууны талаар маш доголдолтой этгээд байна лээ. Эсрэг хүйсний хүн байвал л буруу санаагаар шуналтан зүтгэж байдаг энэ нөхрийг тамирчин, ирээдүйн аварга болох охид хүүхнүүдээс тээр хоол байлгаарай гэж хэлэх хэрэгтэй.
Ч Болдбаатарыг Балжинням хүчээр хийгээгүй бол Цагаанбаатар байх байлаа