Тус хөтөлбөрийн энэ оны сонгон шалгаруулалтын дүн гарч, есөн бичил, жижиг дунд үйлдвэрлэгчид санхүүжилт авлаа. Шалгаруулалтад тэнцэж, санхүүжилт авсан эдгээр үйлдвэрлэгчид эрүүл мэнд, эмнэлгийн яаралтай тусламж, хүний эрхийг хамгаалах, спортоор дамжуулж залуучуудын хөгжлийг дэмжих зэрэг олон чиглэлээр төсөл хэрэгжүүлэх юм байна.
Австрали Улс БТХ-өөр дамжуулан, Монголын хөгжил дэвшилд хувь нэмрээ оруулах, ядуурлыг бууруулахад нь Монголын иргэд, байгууллагад дэмжлэг үзүүлж, Австрали, Монголын иргэд хоорондын харилцаа холбоог хөхиүлэн дэмждэг. БТХ нь Австралийн тусламжийн төсвөөс санхүүждэг, жил бүр сонгон шалгаруулалтын журмаар олгодог уян хатан жижиг хэмжээний буцалтгүй тусламжийн хөтөлбөр юм.
2003 оноос хойш БТХ нь 100 гаруй Монгол байгууллагад нийгэм, эдийн засгийн салбарт ядуурлыг бууруулах, эрүүл мэнд, хөдөө аж ахуй, залуучуудыг хүчирхэгжүүлэх, хүйсийн тэгш бус байдлыг багасгах, хөгжлийн бэрхшээлтэй иргэдэд хүрэх үйлчилгээг хүртээмжтэй болгох зэрэг өргөн хүрээний чиглэлээр үндэсний болон орон нутгийн хөгжилд чухал ач холбогдолтой нийгэм, эдийн засгийн асуудлаарх 140 гаруй төсөлд санхүүжилт олгожээ.
Энэ жилийн шалгаруултад амжилттай оролцож сонгогдсон 9 байгууллагын нэг бол Монголын Пара Бочигийн Холбооны хөгжлийн бэрхшээлтэй хүүхдүүдийг спортоор дамжуулан идэвхжүүлэх төсөл юм. Энэхүү төсөл нь улсын хэмжээнд тархины саажилт, булчингийн дистрофи өвчтэй хүүхдүүдийг Бочи спортын дугуйлан, уралдаан, болон үндэсний тэмцээнд оролцоход нь дэмжинэ.
Түүнчлэн, хөгжлийн бэрхшээлтэй хүүхдүүдэд тулгардаг асуудал, тэдний хөгжил, улс орондоо оруулж болох боломж, чадварын талаарх мэдлэг, ойлголтыг нэмэгдүүлэх нөлөөллийн арга хэмжээ зохион байгуулагдах юм. Төслийн үйл ажиллагаа нь Улаанбаатар хот болон аймгуудын 5241 хүүхдэд хүрэхийг зорьж буй юм. Сүүлийн жилүүдэд монголд, ялангуяа баруун аймгуудад улам ихсэж байгаа тул хөдөө орон нутагт байгаа хөгжлийн бэрхшээлтэй хүүхдүүдэд хүрч ажиллах зорилготой уг төсөлд оролцож, 34 сая төгрөгний санхүүжилт авчээ.
Г.Хан
1 сэтгэгдэлСэтгэгдэл бичих
mongolig australid zaryaa