МАН-ын бүлгийн дарга Д.Тогтохсүрэн өчигдөр /2019.09.30/ мэдээлэл хийх үеэрээ содон гэмээр нэг үг хэлнэ лээ. Тэрбээр “Ерөнхийлөгчийн хоригийг хүлээж аваад гуравдугаар хэлэлцүүлэг рүү орно гэвэл нэг асуудал бий. Тэр нь МАН дангаараа Үндсэн хуулийн нэмэлт өөрчлөлтийг баталж болохгүй. АН болон бусад намуудыг оролцуулж батлах ёстой. Тэгэхээр гуравдугаар хэлэлцүүлэг хийх, эсвэл хоёроо задлах асуудал ч байгаа” гэв.
Тэр содон сонсогдоод байгаа нь хоёрдугаар хэлэлцүүлгээ задлах тухай юм. Энэ нь Үндсэн хуулийн нэмэлт, өөрчлөлт /ҮХНӨ/-ийн хоёрдугаар хэлэлцүүлгээр дэмжигдсэн болон унасан заалтуудыг эргэн харах тухай болж таарах гээд байна.
Хоёрдугаар хэлэлцүүлгийн явцад Ерөнхийлөгчийн өргөн барьсан 20 зүйлд нэмэлт өөрчлөлт оруулах төслөөс 7 нь, АН-ын 20 гаруй саналаас 3 нь найруулгын түвшинд дэмжигдсэн бол 62 гишүүний анх өргөн барьсан төсөл бараг танигдахгүй болтлоо өөрчлөгдсөн.
Анхны хэлэлцүүлгээр дэмжигдсэн парламентын засаглалыг бэхжүүлэхэд чиглэсэн хэд хэдэн заалтыг Ардын намын “ах нар” унагасан нь АН хэлэлцүүлгээс гарах, Ерөнхийлөгч засаглалын хэлбэрээр барьцаа ахиулах шалтгаан болоод буй. УИХ-ын 73 дугаар тогтоолд тавьсан хориг ч мөн энэ хэлэлцүүлгийн үр дүнгийн араас ирж буй сануулга. Товчхондоо төрийн шинэчлэл хийх гол гол өөрчлөлтүүд нь бүгд унасан. Ийм нөхцөлд Үндсэн хуулийн хэлэлцүүлэг цааш явах боломж тун бага. МАН-ын бүлэг АН болон Ерөнхийлөгчийн тамгын газрынхантай одоо хийж буй зөвшилцлийн шалтгаан нь энэ.
Хоёрдугаар хэлэлцүүлгийн явцад УИХ-ын гишүүдийн тоог 99, бүрэн эрхийн хугацааг 5 жил болгох зөвшилцлөөсөө олонх буцаж, Ерөнхий сайд нь танхимаа бүрдүүлдэг байх, давхар дээлийг тайлах гэхчлэн Үндсэн хуулийг өөрчлөх гол шалтгаан болсон заалтуудаа унагачихсан нь улс төрийн нөхцөл байдлыг ээдрээтэй болгочихоод байгаа юм.
УИХ дахь МАН бүлгийн дарга Д.Тогтохсүрэн “Өнөөдрийн улс төрийн нөхцөл байдал тийм ч амар биш байгаа” гэдгийг тодотгосон. Тиймээс одоо улс төрд зөвшилцөл ус агаар шиг хэрэгтэй гэдэг нь тодорхой.
Харин тэр зөвшилцлийн гол агуулга Ерөнхийлөгч болон АН-аас ҮХНӨ-өөр өргөн барьсан ч хоёрдугаар хэлэлцүүлгийн явцад эрх баригчдын унагасан зарчмын гол заалтууд байхыг үгүйсгэхгүй. Тухайлбал, парламентын бүрэн эрхийн хугацаа, гүйцэтгэх засаглалын эрх мэдэл, "давхар дээл", АН-ын автортай Ерөнхийлөгчийг парламентаас сонгох зэрэг заалтыг эргэн харах шаардлага гарч мэдэх юм.
Г.Хантулга
СОНГУУЛИЙН ХУУЛЬ: 78 гишүүн сонгох тойргийн том, жижиг мажоритар хувилбарыг 2024 онд шийдэж, хаалттай жагсаалтад багтах 48 нэрсийг ил зарлана гэж батлахаар бэлтгэж байна
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Зөвлөлдөх зөвлөлийн бүрэлдэхүүнд нэр дэвшигчийг бүртгэж байна
Ногоон эдийн засгийн хамтын ажиллагааг эрчимжүүлэх, Эдийн засгийн түншлэлийн хэлэлцээр байгуулах зэрэг асуудлыг хөндөж ярилцлаа
БАЙНГЫН ХОРОО: Хянан шалгах түр хорооны төсвийн асуудлыг хэлэлцэнэ
УИХ-ын дарга Г.Занданшатар Дархан-Уул, Сэлэнгэ аймгийн тариалангийн бүс нутагт ажиллана
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ж.Мөнхбат, Д.Тогтохсүрэн, Д.Амарбаясгалан нарын боловсруулсан ҮХНӨ-ийг хийх ТӨЛӨВЛӨГӨӨГ Ардын намынхан гишүүддээ ч үзүүлэхгүй НУУЦАЛЖ байна
6 сэтгэгдэлСэтгэгдэл бичих
Еээээ одоо болиочээ. Яаж цаг хожоод байгаа СДА-нууд вэ? Эрдэнэтийн 49 Оюутолгойн гэх асуудлаа хэлэлцэхгүй худлаа ҮХ-ийн нэмэлт өөрчлөлт гээд цаг аваад байхын тэртээ тэргүй Монголыг үхүүлсэн Үх хуулийг ямар юмыг нь нэмэх хасах гээд байгаан шууд шатааж хаяад шал өөр 76 луйварчингүй олон намгүй төвлөрсөн төлөвлөгөөт эдийн засгийг үндэс болгосон үндсэн хууль батлах нь зөв дөө. Муу хогийн парламент арил цаашаа. КККККККККК
Zuv zarchimch bn
нэг талдаа гараасаа билээ
Ингэвэл харин өөр шүү. Тэр унагасан чухал заалтуудаа эргэж хараад засч сайжоуулбал дэмжихэд бэлэн л байна. Хэдэн тэнэг улс төрчийнхөө балагийг МАН эдэлж байгаа нь энэ дээ.
Угаасаа дээрхи заалтуудыг оруулаад дэмжсэн бол эдийд бараг хуулиа баталчихсан бусад асуудлаа ярьж өвөлдөө бэлтгэж байх ёстой.Тэнэг улс төрчид өө
өөр арга байхгүй байхаа