Өмнө нь автомашины шагналтай хоёр ч уралдааныг амжилттай зохион байгуулсан Сүлд спиннингийнхэн энэ удаа Тоёота Акуа төмөр хүлгийг гаднаа сойж, өөрийгөө өөрчилсөн, ялан дийлсэн зоригт бүсгүйд өгөхөөр зэхжээ.
Монголын эргэлтэт дугуйн холбоо, Сүлд спиннинг клуб өөрийгөө ялан дийлэх зорилготой бүсгүйчүүдийн ээлжит тулаанаа эхлүүлж байна. FAT to FIT хэмээн нэрлэсэн энэ удаагийн тэмцээнд 75-95 кг-ын жинтэй 150 бүсгүй оролцохоор бүртгүүлж, өчигдөр биеийн хэмжилтээ хийлгэж, эрүүл мэндийн зөвлөгөөгөө авлаа. “Хүүгээ гаргаад 80 кг хүрсэн. Өмнө нь аэробек, фитессээр хичээллээд урам хугарсан. Харин спиннинг их гоё” хэмээн ярьсан бүсгүй биеийн жиндээ жаахан гутарсан ч гоё сайхан болох зорилгоо тодорхойлж, түүнийхээ төлөө зориг гарган ирсэн нь энэ. Ийм л зорилготой 150 бүсгүй нэг гараанаас гарч, өөрийгөө олж, цаашлаад унах унаатай болохоор шийджээ.
“Fat to fit” уралдаант шоу өнөөдрөөс албан ёсоор эхэлж хоёр сарын хугацаанд үргэлжилж 12-р сарын 15-нд буюу шинэ жилийн баярын өмнөхөн ялагчаа тодруулах юм. Тус спиннингийн хамт олон өмнө нь мөн л автомашины шагналын сантай жин хасах уралдаан зарлаж байсан билээ. Тодруулбал эхний уралдааны ялагч хоёр сарын хугацаанд 30 кг хасч Suzuki sx4, хоёр дахь уралдааны ялагч 22 кг хасч приус 30 автомашины эзэн болж байсан юм.
1 сэтгэгдэлСэтгэгдэл бичих
Suldiin ene zaluu hudlaa gar gesen deee Hogiin amitan