Жижиг, дунд үйлдвэрлэл эрхлэгчдийг дэмжих зорилготой "ЖИНХЭНЭ ЖДҮ" булангийнхаа энэ удаагийн дугаарт охид бүсгүйчүүдийн дунд трэнд болсон ганган чамин загварын үндэсний хэв шинжтэй хувцаснуудыг үйлдвэрлэдэг “БОРГОЛЖИН” брэндийг онцоллоо.
МУИС-ийн нягтлан бодогчийн ангийн хоёр найз сургуулиа төгсөөд, мэргэжлээсээ тэс хөндлөн хувцас загварын бизнест дурлаж, “БОРГОЛЖИН” брэндээ үүсгэн байгуулжээ.
Анх хоёр оёдлын машинтай эхлүүлж байсан тэдний бизнес хоёрхон жилийн дотор Монголын нийгэмд өөрийн гэсэн орон зайг бий болгож, хэрэглэгч, үйлчлүүлэгчдээ татсан томоохон брэнд болтлоо хөгжжээ.
Э.САРАНТУЯА: "БОРГОЛЖИН" БРЭНДИЙГ ГАДААДЫН ЗАХ ЗЭЭЛД ГАРГАХААР ТӨЛӨВЛӨЖ БАЙНА
/"Борголжин" брэндийн үүсгэн байгуулагч/
-"Борголжин" брэндийн үүсгэн байгуулагчийг ийм залуухан бүсгүй байдаг гэж ёстой төсөөлж байсангүй. Та манай уншигчдад өөрийгөө танилцуулаач?
-Намайг Э.Сарантуяа гэдэг. “БОРГОЛЖИН” брэндийг Б.Батчимэг гэх найзтайгаа хамт 2017 оны есдүгээр сард үүсгэн байгуулж байсан. Бидний хувьд МУИС-ийн нягтлан бодогчийн ангийг 2013 онд төгссөн. Нэг ангийн найзууд. Хоёулаа адилхан сонирхолтой байсан учраас мэргэжлээсээ огт өөр хувцас загварын бизнест хөл тавьж, хүсэл мөрөөдлийнхөө төлөө хамтдаа хөдөлмөрлөж эхэлсэн нь өнөөдрийн "Борголжин" брэндийн эхлэл байсан. Анх бид хоёр нэг нэг оёдлын машинтай л бизнесээ эхлүүлж байлаа.
"БОРГОЛЖИН" брендийн үүсгэн байгуулагчид
-Нэрний тухайд. Яагаад "Борголжин" гэж нэрлэсэн бэ?
-Манайх анх маш олон төрлийн хэвлэлтэй цамцнууд гардаг байсан учраас Сэвгэр, Борголжин гэх мэтээр ялгаж нэрлэдэг байсан. Тухайн үед "Борголжин" нэртэй цамц маань олон ширхгээр худалдаалагдаж, манайх руу маш олон хүн Борголжин цамц мөн үү гэж залгасан. Тийм учраас бид брэндээ "Борголжин" гэж нэрлэсэн. Яг үгийн гарлыг сийрүүлвэл “Жирэвгэр сахал” гэсэн утгатай үг юм билээ.
-Өнөөдрийн байдлаар хэчнээн хүнийг ажлын байраар ханган ажиллаж байна вэ?
-Одоогоор 60 гаруй ажилтантай, зориулалтын тоног төхөөрөмжөөр хангагдсан өөрсдийн үйлдвэрлэлийн байр болон Улаанбаатар хотод 3 орон нутгийн 2 нийт 5 салбар дэлгүүртэйгээр үйл ажиллагаагаа явуулж байна.
Бид 2017-2020 оныг хүртэл нийт 100000 хүртэлх бүтээгдэхүүнийг борлуулсан. 2020 онд бид гадаадын зах зээлд бүтээгдэхүүнээ гаргахаар төлөвлөж байна
-Монголд жижиг, дунд үйлдвэрлэл эрхлэхэд хамгийн ихээр тулгамддаг асуудал нь санхүүжилт байдаг. Танайх энэ асуудлаа хэрхэн, яаж шийддэг вэ. ЖДҮ-ийг дэмжих сангаас зээл авч үзсэн үү?
-Манайх багаас нь эхлээд олсон орлогоороо өөрсдийгөө санхүүжүүлээд явчихсан учраас одоогийн байдлаар ямар нэгэн зээл авч үзээгүй л байна.
-Яг таньтай адилхан хувцас урлах дуртай, өөрийн гэсэн бизнес эрхлэх хүсэлтэй бүсгүйчүүдэд хандаж зөвлөгөө өгөхгүй юу?
-Би ганцхан зүйлийг л хэлмээр байна. Хэрэв та шийдсэн л бол тууштай байгаарай. Ямар үед битгий шантраарай л гэж хэлмээр байна.
Харин дараа нь бид “БОРГОЛЖИН” брэндийн үйлдвэрээр зочилж, дараах видео сурвалжлагыг бэлтгэлээ. Тэд та бидний цагаан сарын гоёлыг бэлдээд тун завгүй байсан ч найрсаг дотноор хүлээж авч, үйлдвэрээ танилцууллаа.
13 сэтгэгдэлСэтгэгдэл бичих
ЖДҮ- гээс эдэнд хүссэнээр нь тусал. Амжилт хүсье Дүү нартаа
Маркетингийн менежрийг хараад дурлачихлаа. Бүх зүйл нь бүрдсэн гоё бүсгүй юмаа. Ийм эхнэртэй болох юмсан.
Ulam ikh amjilt husie
Танай хамт олонд ажлийн өндөр амжилт хүсье
mundag ymaa iim ailsag hudulmurch humuusee tur zasag mini demjeed ugvul mongol uls mni hurdan hugjoh bh daa
Мундаг юмаа. Сайхан санагдлаа. Та бүгдэдээ амжилт хүсье.
Ondor amjilt hvcie.
баяр хүргэе
сайн байна ийм хүмүүсээ төр олж харж дэмжихгүй юм ийм хүмүүст өгөх мөнгийг нь замаас нь УИХ-ын гишүүд сайд дарга нар аваад идэж уугаад баяжаад байхаар үхэж далд ороосой үмхий парзит гэж хэлэхээс өөр арга алга
Мундаг юм аа, сэтгүүлчид та нар ингээд бор зүрхээрээ амжилттай яваа жинхэнэ ЖДҮ-чдийг тод гаргаж байгаарай
Э.Сарантуяа гэгч охин мундаг байна ... баяр хүргэе. Бас монгол хэлнийхээ үгийн баялагыг нэмэгдүүлэх хэрэгтэй юм шиг... 2 үг хэлээд л "байгаа" гэж ярихаар монгол хэлний үгийн баялаг муу байна гэж бодогдож байна ...
хаана байдаг вэ дэлгүүр нь
Zaisan star mall in 3dawhar, 25in Gem mall 301 r pawilon,