НДЕГ-ын дэд дарга Г.Сарантай тэтгэврийн нэмэгдэл болон тэтгэврийн зээлийн асуудлаар ярилцлаа.
-НДЕГ-аас тэтгэвэр тэтгэмжийн нэмэгдэлд хэрхэн анхаарч ажиллаж байна вэ. Ирэх онд тэтгэвэр хэрхэн нэмэгдэх талаар мэдээлэл өгөхгүй юу?
-2019 оны хоёрдугаар 01-ний өдрөөс өмнө тэтгэвэр тогтоолгон авч байсан 408.3 мянган тэтгэвэр авагчийн тэтгэврийн хэмжээг 24-30 мянган төгрөгөөр буюу дунджаар 7.6 хувиар нэмсэн. Тэтгэврийн нэмэгдэлд 119.5 тэрбум төгрөг зарцуулснаар бүрэн тэтгэврийн доо хэмжээ 270, хувь тэнцүүлсэн тэтгэврийн доод хэмжээ 310 мянган төгрөг болсон. Монгол Улсын хүн ам хэд билээ. Тэдний 408 мянга нь тэтгэвэр авч байна гэж бодоод үзээрэй. Одоо 2020 онд иргэдийн тэтгэврийг мөн л инфляцийн түвшинтэй уялдуулан 8 орчим хувиар нэмэгдүүлнэ. Үүнд Нийгмийн даатгалын сангаас нийт 150 тэрбум төгрөг зарцуулах тооцоололтой байна. Энэ нэмэгдэл мэдээж хүмүүсийн амьдралд хүрэлцэхүйц биш боловч энэ их ачааллыг нийгмийн даатгалын байгууллага үүрээд явж байгааг хэлэх хэрэгтэй.
-Тэтгэврийн зээлийн хүүг үе шаттайгаар бууруулж байгаа. Зээлийн хүүг тэглэх боломжтой юу?
-Тэтгэврийн зээлийн хүүг бид үе шаттайгаар бууруулсаар байгаа. 2018 онд хугацаа нь 12 сар хүртэлх тэтгэврийн зээлийн хүү 12 хувь байсныг энэ онд 10 хувь болгож бууруулсан. Харин 2020 оны нэгдүгээр сарын 01-нээс 12-24 сарын хугацаатай зээлийн хүү 15.6 байснаас 13 хувь болж буурна. Зээлийн хүүг бууруулах асуудал бол яг үндсэндээ нийгмийн даатгалын байгууллагын үндсэн үүрэг биш юм. Гэхдээ бид даатгуулагч, ажил олгогчдыг төлөөлж байдаг байгууллагын хувьд гараа хөдөлгөж, ажиллах ёстой. Тиймээс анх 18 хувийн хүүтэй олгодог байсан тэтгэврийн зээлийг үе шаттай бууруулсан. Ингэж бууруулахад мэдээж мөнгөний асуудал яригдана.
-Зээлийн хүүг бууруулахад шаардлагатай мөнгөн хөрөнгийг хэрхэн хаанаас бүрдүүлдэг юм бэ?
-Нийгмийн даатгалын сангийн чөлөөт мөнгөн үлдэгдлийг арилжааны банкинд хадгалуулан өсгөж, түүний зөрүүнээс олсон орлогоос тодорхой хувийг байршуулаад арилжааны банкууд тэтгэврийн зээлийг хүүг бууруулах ажлыг хийсэн юм. Хэлэхэд их амархан ч энэ ажлыг хийхэд маш их хүндрэлүүдийг туулсан. Яагаад гэвэл арилжааны банкууд нийгмийн хариуцлага ухамсарлаж байгаагүй гэж хэлж болно. Удаа дараагийн уулзалтуудыг сайдын түвшинд, Ерөнхий газрын дарга, удирдлагууд, ажлын хэсгийн түвшинд ажиллаж байж энэ үр дүнд хүргэсэн.
-Арилжааны банкууд санал санаачилгаараа, нийгмийн хариуцлагаа ухамсарлаад, ахмадуудын тэтгэврийн зээлийн хүүг бууруулах боломжтой гэсэн үг үү?
-Боломж бий шүү дээ. Арилжааны банкууд яагаад нийгмийн хариуцлагаа ухамсарлаж энэ ажлыг хийж болохгүй гэж. Зүгээр л нэг нутгийн зөвлөлийн ёолк дээр эмнэлэгт шаардлагатай тоног төхөөрөмжийн мөнгө цуглуулж чадаж байхад арилжааны банкууд өндөр настнуудын тэтгэврийн зээлийн хүүг бууруулахад яагаад хуруугаа хөдөлгөж, сэтгэл нь өвддөггүй юм бол гэж гайхдаг.
-Тэтгэврийн зээлийн хүүг үе шаттай бууруулахад нийгмийн даатгалын сангаас хэчнээн төгрөг зарцуулсан байдаг вэ?
-2016 оноос хойш хэрэгжсэн гурван удаагийн тэтгэврийн зээлийн хүү бууралтад 359 мянган тэтгэвэр авагч хамрагдсан байгаа юм. Тэгээд нийтдээ 417.6 тэрбум төгрөгийг тэтгэврийн зээл олгоход зарцуулсан. Тэгэхээр хүү нь 18 хувьтай байсан үетэй харьцуулаад үзэхэд, 7.9 тэрбум төгрөгийг зээлийн хүүгийн дарамтнаас тэтгэвэр авагчдаа чөлөөлж авсан байна. Энэ бол том давуу тал. Цаашдаа ч бид тэтгэврийн зээлийн хүүг бууруулахаар арилжааны банкуудтай хамтарч ажиллана. Ажиллахаас өөр аргагүй. Төрийн байгууллагын оролцоо шууд байхгүй бол арилжааны банкууд хэзээ ч тэтгэврийн хүүг бууруулахгүй гэсэн үг.
-Тэтгэврийн зээлийн хүүг үе шаттай бууруулж байгаа нь ахмадууд тэтгэврийн зээл авах байдлыг нэмэгдүүлдэг үү?
-Тэтгэврийн зээлийн хүүг бууруулахад сөрөг тал бас байна. Банкинд ачаалал үүсдэг. Юу вэ гэвэл, хүүнээс айгаад зээл авч чаддаггүй байсан ахмадууд бүгдээрээ зээл авдаг болж байна. Өмнө нь 58 хувь нь авдаг байсан бол бараг 100 хувь руу дөхөж мэднэ. Муухайгаар хэлэхэд, үр хүүхэд нь “Та зээл авч надад утас авч өг” гэдэг ч юм уу байдлаар үр хүүхдийн шахалт шаардлагаар зээл авах нь их байна.
-Үнэхээр ахмадуудын зээл авах шалтгаан нь ихэвчлэн үр хүүхдээс нь шалтгаантай байна уу?
-Судалгаа хийгээд үзэхэд, ахмадууд тэтгэврээ барьцаалаад яг юунд зарцуулахаар зээл авч байна гэхээр их сонин дүр зураг гардаг. Хамгийн өндөр хувь нь сургалтын төлбөр төлөх гэж авдаг юм байна. Монгол хүн хэн ч байсан өөрийн хүүхдийн ирээдүйн төлөө зээл авч, оюунд нь хөрөнгө оруулахад зарцуулж байна. Энэ байж болох юм. Гэтэл дараагийн их хувийг эзэлж байгаа зээл авах шалтгаан нь цагаан сар. Маш өндөр зарлага гаргадаг энэ баярт зориулж ахмадууд маань тэтгэврийн зээл авч байна. Сургалтын төлбөр авна гэж авдгаасаа их мөнгө зээлдэг нь харамсалтай.
12 сэтгэгдэлСэтгэгдэл бичих
Улсад 30 н жил ажилласан эмэгтэй, 35 жил ажилласан эрэгтэйг тэтгэвэрт гарах эрх үүсгэмээр байна. Тэгвэл хүн бүхэн ажил хийх хүсэл сонирхолтой болно. Тэгэхгүй бол ажил хийх хүн олдохгүй тэтгэвэр гарах дөхөхөөр өршөөлийн хуульд хамрагдчихдаг гажиг тогтолцоог болиоч. Хэн их ажил хийнэ тэр хүн түрүүлж амрах эрхтэй баймаар байна. Компанийн өршөөлийн хууль гэж нөхөж мөнгө төлөөд өндөр тэтгэвэр авсан бүх хүнийг шалгаж хүчингүй болгий. Шударга баймаар байна.
Soyliin bguullagad Ulsad 32 jil ajillaad 310g avch bn arai denduu bgaa biz.
Тэнэгтээд байгаарай. Банк чинь бас бизнесийн байгууллага ш дээ. Тийм л ард түмэндээ хайртай төр юм бол тэр хүүний зөрүүг нь улсаас өгөх хэрэгтэй ш дээ. Ер нь бол хүү нь өндөр гээд байгаа юм бол зээл авахаа больчих хэрэгтэй ш дээ. Дандаа үнэгүй, хямд юм шаардах юм. Албатай юм шиг зээл авчихаад олон юм ярьцгаах юм.
Та нар анхнааснь яах гэж олон сараар өгч ард ирэгдээ өрөнд хиисэн юм
ahmaduud huuhdinhee surgaltin tulbur geh meted zeel avchihaad tetgeveree nem.tetgeverin zeelin huug buiruul geed jagsaad bg ni zuv yum uu-
Төрийн ажил арилжааны банкны гарт бна гэдэг үнэхээр эмгэнэлтэй, харамсалтай, яагаад заавал арилжааны банкаар дамжих ёстой юм бэ, төр бодлогоороо Төрийн банкаараа дамжуулаад хүүгээ тэглээд ямар боломж бна, лообийдуулаад ямар ч сонирхолгүй бгаатай холбоотой.
Ямар нэгэн арга залиар сүүлийн 5 жилд өндөр төлсөн нэртэй тэтгэвэрээ өндөр тогтоолгосон хүмүүсээ шалгаж тэтгэвэрийг нь бууруулаач тодорхой ажил эрхэлж байгаагүй хүмүүс төрийн алба 35 жил хашч НД төлсөн хүнээс 800 -с дээш төгрөгөөр тэтгэвэрээ тогтоолгоод доромжлоод яваад байх юм Хүүгийнхээ найзынхаа хүргэнийхээ компаниар шимтгэл төлүүлж ч байх шиг яаж бодсон нэг хүн тийм олон газар ажиллана гэж юу байсан юм бэ Зээлийн хүү гэж байхаар ийм шалгалтыг хурдан хийж тэтгэвэрийн сангаа тогтворжуулаач
Тэнэг юм ярих юм! Нэгнийх хүүг бууруулбал зөрүүлээд өөр үйлчилгээнийхээ хүүг нэмэх үү эсвэл үнийг л өсгөнө. Банкууд чинь ашгийн төлөө байгууллага шүү дээ. Чи бага хүүдээ их мөнгө өгөх бол том хүүдээ бага өгнө эсвэл өөр зардлаа хасах хэрэгтэй.
Hushchyyliin munguur huljduguu bolih tsag blsoon mash zuv
Tetgeveriin zeeliig buruulah heregtei zuv zuv demjij baina.
ulamjlalt bayariig temdegleh ni zuv ch tetgevriin hedee baritsaalj bayarlaj tsengeh ni oligtoi yum bish ee. vvn deer bid uursuduu l sanal sanaachlaga gargamaar yum. ail bvr idee budaa beleg selt geed olon yum beltgeh ni tetgevriin ahmaduudiig vnendee tuilduulj bna
Tetgewerig 28.5 jiltei hvvhdeeree garahad yagad huwi tentsvvleheer gargadag yum vol medeh hvn bna uu heleed ogooch