2020 оны УИХ-ын сонгуульд нэр дэвшигчид эхнээсээ тодорхой болж эхэллээ. Хамгийн сонирхолтой нь энэ удаагийн сонгуулиар МАН нам нэр дэвшигчээсээ мөнгө татахгүй. Чадвартай, боловсролтой хүнийг нэр дэвшүүлнэ гэсэн яриа эрвээхий мэт ниссэн нь үнэн бол өвгөн нам эрс шинэчлэлийг 2020 онд авчрах нь мэдээж.
Энэхүү шинэчлэлийн эхэнд Хөгжлийн банкны гүйцэтгэх захирал Г.Амартүвшин, Хавдар судлалын үндэсний төв (ХСҮТ)-ийн захирал Ж.Чинбүрэн, Монголын үндэсний телевизийн дарга Ч.Батцэнгэл, Сангийн дэд сайд Х.Булгантуяа нар яригдаж байна.
Ирэх УИХ-ын сонгуульд энэ мэт чадварлаг залуу багаар МАН хүрээгээ тэлэх нь үнэн бол иргэдийн итгэл сэтгэлийг зөв хөтлөх магадлалтай юм. Ингэхийн тулд МАН ахмадуудаа яах вэ. УИХ-д дархлагдсан мэт олон жил суусан гишүүд ах намд олон. Тэд өнөөг хүртэл нам болон монгол улсад юу хийж бүтээсэн бэ. Цаг цагаараа байдаггүй гэдэг шиг залуу үедээ суудлаа, байр сууриа тавьж өгөх нь тийм ч их буруу зүйл биш.
Нөгөөтээгүүр УИХ гэдэг бол хувь хүний хүсэл сонирхлыг эрхэмлэгч суудал биш. Тиймээс хийж бүтээх эрмэлзэлтэй, хийж бүтээх насандаа яваа, аливаа хариуцлагыг бүрэн үүрч чадах чадвартай багаар бүрдэж байж монгол орон хөгжинө. Энэ нь нэг харах өнцөг байж болох юм. Тэгвэл 2020 оны УИХ-ын сонгуульд эрс шинэчлэл хийх гэж буй жагсаалтын эхэнд бичигдсэн нөхөд хэн бэ. Хөгжлийн банкны гүйцэтгэх захирал Г.Амартүвшин энэ залууг танихгүй хүн цөөн. Тэрбээр ирэх сонгуульд МАН-аас нэр дэвшихээр болж, өөрийн хүсэлтээр өнгөрсөн оны арванхоёрдугаар сарын 31-ний өдөр ажлаа хүлээлгэн өгчээ. Түүнийг олон нийт "шарк" Г.Амартүвшин гэдгээр нь илүү сайн мэднэ. Нэрт эрдэмтэн Бямбын Ренчин гуайн зээ юм. Хөгжлийн банкны гүйцэтгэх захирлаар томилогдохоос өмнө "Хас" банкны Гүйцэтгэх захирлаар ажиллаж байсан. Эдийн засгийн мэдлэг сайтай залуу.
Харин дараагийн хүн нь Хавдар судлалын үндэсний төв (ХСҮТ)-ийн захирал Ж.Чинбүрэн 2020 оны УИХ-ын сонгуульд нэр дэвшихээр мөн л арванхоёрдугаар сарын 31-ний өдөр албан тушаалаасаа чөлөөлөгджээ.Өнөө цагийн алтан гартай гэгддэг цөөн эмч нарын нэг. Энэ хүн эрүүл мэндийн салбарт нэг алхам хийх бүрэн чадвартай нэгэн.
Дараагийн хүн нь Монголын үндэсний олон нийтийн телевизийн дарга Ч.Батцэнгэл. Үдшийн хэмнэл студидэд сэтгүүлч, Залуучуудын нэвтрүүлгийн редакцад ерөнхий редактор, Ерөнхий продюсер, Дэд захирал гээд нэг салбартаа ажлыг доороос нь хийж эхэлсэн залуу. МАН-аас нэр дэвшихээр сонгогдоод байгаа гэж яригдаж буй чадварлаг боловсон хүчний нэг. Түүнийг УИХ-д ч суух боломжтой гэж судлаачид харж байгаа. Нэг үгээр хэлвэл нэр цэвэр залуу боловсон хүчин.
Сангийн яамны дэд сайд Сангийн яамны дэд сайд Х.Булгантуяаг бол хүн бүхэн мэднэ. 2006-2007 онд “Паладин Ресурс” ХХК-д зөвлөх, 2008-2010 онд Дэлхийн банкны “Төрийн санхүүгийн удирдлагыг сайжруулах” төсөлд зөвлөх, удирдагч, 2010-2011 онд “Оюутолгой” ХХК-ийн төслийн менежер, бизнес стратегийн ахлах зөвлөх, 2012-2013 онд “Петровис” ХК-ийн Бизнес хөгжлийн хэлтсийн дарга, 2013 оноос МАН-ын нарийн бичгийн дарга гэсэн албан тушаалууд дээр ажилласан. Залуу хүн гэхэд улстөрийн мэдлэг өндөртэй нэгэн.
Ийнхүү МАН ирэх УИХ-ын сонгуульд битүү морьд сойхоор зэхэж байгаа нь үнэн бол ялалт байгуулах магадлал өндөр байна. Энэ мэт олон чадварлаг залуус тус намд байгаа. Тиймээс тус намын дарга залуусаа дэмжиж 2020 оны УИХ-ын сонгуульд оролцвол монголын хөгжлийн өнгийг тодорхойлж болох магадлалтай. "Жижиг тойргоор сонгууль явуулахад мөнгөөр саналаа худалддаг бол том тойрогт мөнгө тараах явдал гарахгүй, царцаан нүүдэл ашиглах боломжгүй" гэж УИХ-ын дэд дарга Л.Энх-Амгалан, МАН-ын генсек Д. Амарбаясгалан хоёр ярьж байна.
А.Гал
15 сэтгэгдэлСэтгэгдэл бичих
Батцэнгэлийг нь харахаар ТВ5-ын Ганбаяр л харагдаад байдгийн
ЭД НАР БИТҮҮ МОРЬ БИШ ЭЭ..... ЭД НАР ЧИНЬ МАНАН-1 МАНАН-2 -НЦОРУУД БАЙХГҮЙ ЮУ????? ЧИНБҮРЭН ЭМЧ ГЭХЭД Л САРАНГЭРЭЛ АВГАЙН ШОУГААР ЯВЖ БАЙНА. УДАХГҮЙ ХАНУУЛ ДЭЭР ЭНЭ АВГАЙ БӨӨРӨӨРӨӨ ТИЙЧЛЭЭД УНАНА....ТЭР ЦАГТ ЧИНБҮРЭН ХЭН Ч БИШ... ЗА ТЭГЭЭД МИЕЭГОМБЫН ЭНХБОЛД 60 ТЭРБУМЫН ХАМААТАН НУТАГ НЭГТ БҮУҮСГУЙ САНГИЙН ДЭД САЙД ГУАЙ БУЛГАНТУЯА БОЛ 60 ТЭРБУМААС БОСЧ БАЙГАА "БИТҮҮ" БИШ ЗАДГАЙ УЖАА ГҮҮ.....ТЭДНИЙГЭЭ ХААХ ГЭЖ ОРЖ ИРЭХ САНААТАЙ БҮТЭХГҮЙ БАЙХӨӨ МАНАН-2 БҮЛЭГЛЭЛИЙХЭН УНАГАНА.... НААД ШАРК ТАНК БҮТКҮЙ БАС НЭГ ЗОЛБИН 60 ТЭРБУМЫН НӨХӨӨС БАЙГАА....
Сайхан залуучууд олон байгаа. Булгантуяа, Боловсролын яамны Б.Баярсайхан, Санхүүгийн зохицуулах хорооны Даваасүрэн, Эрдэнэс Таван толгойн Ариунболд, Эдийн засагч Н.Энхбаяр, Хасын Ганхуяг гээд л цаашаа явна. 50 хувь нь шинэ хүмүүс гарч ирэхэд хангалттай.
Хуульч Б.Гүнбилэг, Д.Гангабаатар, О.Мэндсайхан, Б.Улаанбаатар гээд МУИС-иас угшилтай олон сайхан залуучууд байна даа. Эднээс аль ч талаар бараг тохой илүү, төрийн ажлын арвин туршлагатай Цэдэвийн ЦОЛМОН гэж бэлэн парламентч байгаа. Найраагүй, шударга өрсөлдөөний замаар хүмүүсээ тодруулаад ард түмэндээ өргөн барихтун. Сонгоод л өгнө.
ийм гарууд дэвшсэнээс жунай мэ 2 нь дээр
Чи бол просто мочь байна.
ene emch demii bizdee.Eleg solino geed 4 hun tsaash haruulsan
Телевизын дарга дэмий байхаа ????
өө...энэ бизнесмен нэртэй худлаа гарууд хэрэггүй ээ..доктор профессорууд хэрэгтэй байна..
Намууд 2020 оны сонгуульд нэр дэвшүүлэхдээ хөрөнгөлөг, баян, хувийн өмчийн эзэд нөхдүүдийг биш, хуульч, эдийн засагч, улс төрийн өндөр боловсролтой хүмүүсийг илүүд үзэж дэвшүүлээсэй билээ. Тэгж байж шинэчлэгдэнэ дээ
Дэмжиж байна. МАН ийм л залуусаа нэр дэвшүүлбэл олонхи болох магадлал өндөр шүү.
bulgantuya darga chin bituu mori bish bizde 2016 on ner deshij bsan uu
zov zov odoo tsus selbex bolson
ямар нам байх нь хамаагүй 76- ын 25 нь мэдлэгтэй хуульч нар байх хэрэгтэй байна хуулийн баталдаг газар биз дээ тэмүүжин батчимэг энхбаяр цолмон гүнбилэг мөнхжаргал гээд л мэдлэг боловсролтой хүмүүс гаргаж дэлхийтэй хөл нийлүүлж алах хэрэгтэй байна Орос улс ямар арга хэмжээ авч байгаа талаар анхаарах хэрэгтэй дээ
Батцэнгэл нь дэмий байхаа