Т.Баярхүү: 95 сая ам.доллартай тэнцэх мөнгийг оффшор бүсэд угаагаад, эдийн засагт оруулж ирснийг шалгаж байна

Оффшор бүсээс Монголд 300-гаад  тэрбум төгрөг орж ирсэн гэсэн мэдээлэл ойрын үед онцлох сэдэв болж хувираад байна. Энэ асуудлаар иргэний нийгмийн байгууллагууд ч АТГ-аас асуулт нэхэж, жагссан. Тэгвэл АТГ-ын Хэвлэл, олон нийттэй харилцах асуудал хариуцсан ахлах комиссар Т.Баярхүүгээс оффшор бүсээс орж ирсэн гэх мөнгөтэй холбоотой тайлбар тодруулга авлаа.

-Оффшор бүсээс 300 орчим тэрбум төгрөгтэй тэнцэхүйц хэмжээний ам.доллар орж ирсэн гэх мэдээлэл байгаа. Энэ талаар тодорхой мэдээлэл өгөөч?

-Энэ бол мөрдөн шалгах ажиллагааны хүрээнд тогтоогдсон асуудал. Одоогоор энэ хэрэгтэй холбоотой зарим асуудлыг мөрдөн шалгаж байгаа учраас нарийн дэлгэрэнгүй мэдээлэл өгөх боломжгүй. Тоон мэдээллийн тухайд, 2018 онд нийтдээ 74.9 сая. 2019 онд нэмээд 20 орчим сая ам.доллар Монголд орж ирснийг тогтоосон. Нийтдээ 95 сая ам.доллартай тэнцэхүйц хөрөнгө, мөнгөний асуудал яригдаж байна. Гэхдээ энэ бол эцсийн тоо биш.

Тодорхой хэмжээнд албан тушаалаа урвуулж ашигласан, хахуульд авсан мөнгөө оффшор бүсээр дамжуулаад, эргээд Монгол Улсад оруулж ирсэн. Үндсэндээ угаагдаад, эргээд хөрөнгө оруулалт, байшин барилга, тоног төхөөрөмж гэх мэт хэлбэрээр орж ирээд, эдийн засгийн эргэлтэд орчихсон байна гэсэн үг. Үүнийг нь бид тогтооно. Зарим хөрөнгүүдийг битүүмжлээд, хамгаалчихсан байгаа. Хэрэг шүүхээр шийдэгдвэл ийм хэмжээний хөрөнгө хураагдах магадлалтай гэсэн асуудал яригдаж байна.

-Ихэнхдээ аль улсаар дамжуулж угаасан мөнгө юм бол. Энэ хэрэгт ямар хүмүүс холбогдсон гэдгийг тогтоосон уу.  Энэ талаар мэдээлэл өгч болох уу?

- Яг аль улсаар мөнгөө дамжуулсан, ямар хэрэгтэй холбоотой, хэн гэдэг хүн холбогдсон зэрэг нь одоохондоо мөрдөн шалгах ажиллагаа явагдаж байгаа тул дэлгэрэнгүй мэдээлэл өгөх боломжгүй.

-Оффшор бүсээс орж ирсэн хөрөнгийг улсад хурааж авах ажил нааштай байгаа гэсэн мэдээлэл бас гарсан.  Энэ талаар мэдээлэл өгвөл?

-Хэрэг шүүхээр эцэслэн шийдвэрлэгдсэний дараа эд хөрөнгө, барилга байшинг хурааж, улсын орлого болгоно. Түүнээс бэлэн мөнгө хэлбэрээр орж ирсэн асуудал биш гэдгийг дахиад хэлье. Харин оффшор бүсэд нийтийн албан тушаалтнууд данс эзэмшихийг хориглосон хууль гарсан даа. Энэ хууль, журамтай холбоотойгоор тухайн үед бэлэн мөнгөө оффшор бүсээс татсан нийтийн албан тушаалтнуудын асуудал тусдаа. Харин гэмт хэргийн замаар олсон мөнгө оффшор бүсэд угаагдаад, манайд эргээд ямар нэг байдлаар эдийн засгийн эргэлтэд орж ирснийг шалгаж байгаа гэсэн үг.

-Бизнесээсээ олсон орлогоо оффшор бүсэд аваачиж хадгалж болно, хамаагүй гэж зарим нь яриад. Зарим нь болохоор оффшор бүс л бол тэнд хэн ч байлаа гэсэн мөнгөө аваачиж хадгалж болохгүй гээд байх юм. Та зөв ойлголт, мэдээлэл өгөөч?

-Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд 2017 оны 4 дүгээр сард нэмэлт, өөрчлөлт оруулаад хуульд заасны дагуу хувийн ашиг сонирхлын болон хөрөнгө, орлогын мэдүүлэг гаргадаг албан тушаалтан, түүний хамаарал бүхий этгээд нь тухайн албан тушаалтны албан үүрэг гүйцэтгэх хугацаанд оффшор бүсэд өөрийн нэр дээр банкны данс нээлгэх, мөнгөн хөрөнгө байршуулах, хөдлөх, үл хөдлөх хөрөнгө өмчлөх, хувь нийлүүлэх замаар хуулийн этгээд үүсгэн байгуулахыг хориглосон. Уг хуулиар оффшор бүс нутагт хамаарах гадаад улс, түүний нутаг дэвсгэрийг Засгийн газар тогтоож өгөхөөр зохицуулсан. Тэрнээс өмнө оффшор бүс нутаг гэж юуг ойлгох талаар дотоодын хуулийн зохицуулалт байгаагүй. Хуульд өөрчлөлт ороод Засгийн газраас тогтоосон, оффшор бүс гэж зарлагдсан улс орнуудад байгаа дансаа хааж, компани, хуулийн этгээд байгуулсан бол татан буулгах, тэнд байршиж байгаа хөрөнгөө эргүүлж татах, мэдэгдэх гэх мэт үүргийг хуульд зааж өгсөн.

Хэрвээ нийтийн албан тушаалтан энэ хуулийг зөрчвөл албан тушаалаас нь эгүүлэн татах үндэслэл болохоор байгаа. Мөн хууль бусаар гэмт хэргийн замаар олсон мөнгийг оффшор бүсээр дамжуулаад угаагаад, буцааж эдийн засагт оруулж ирж байгаа асуудал нь бол гэмт хэрэг. Түүнээс биш оффшор бүс гэхээр л тэнд хэн ч бизнес хийж болохгүй гэж ойлгож болохгүй. Хувийн компаниудын хувьд татварын хөнгөлөлттэй орчинд хууль ёсны  бизнесийн үйл ажиллагаа явуулах нь асуудал бол тусдаа асуудал.

 

7
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

7 сэтгэгдэлСэтгэгдэл бичих

31.164.68.125Зочин   • 2 сарын 10. 12 цаг 44 минут

Aluurchin elbegdorj ba tyynii bogsiig doloogch manangiin hulgai luivarchid mafiin shaaruud bygd gadaad ulsuudaar mongolchuudaas husaj hulgailsan allagiinmongoo offshort hadgalj, baishin cav, ord harsh, yildvertei bolcon. Edgeer hulgaichdiin hulgai horongiig oruulj irne y,unshigch

202.179.25.31ЗОЧИН   • 2 сарын 10. 10 цаг 59 минут

ОДОО ОФФШОРТ МӨНГӨ НУУСАН ХҮМҮҮСИЙГ АГНАХ АЖИЛЛАГАА ДЭЛХИЙД ТАРХАЖ БАЙГАА ГЭСЭН.ТЭДНИЙГ ХЭН Ч ӨМГӨӨЛӨХГҮЙ.ХУЛГАЙН МӨНГИЙГ АМИАР НЬ СОЛЬЖ АВДАГ АРГА ДЭЛГЭРЧ БАЙГАА ГЭСЭН ШҮҮ.ГЭР БҮЛДЭЭ ТОМ ГАЙ ДУУДАЖ БАЙГАА.

193.34.232.12Зочин   • 2 сарын 10. 10 цаг 24 минут

naad pizdaanuudaa buudchixaach,vxsenees ni aisan yum,iljignvvd,,,

150.129.141.69иргэн   • 2 сарын 10. 9 цаг 59 минут

Баярцогтын оффшор таг чиг болжээ.Одоо бараг 4 жил боллоо.

202.9.46.132Зочин   • 2 сарын 10. 9 цаг 34 минут

дулэгнээ д байхаар нэр устайни хэлээд ард тумний хурэнгийг хохирлгуй болгоод хурдан ажиллаач ийм юм ырисаар олон жил боллооо ымарч арга хэмжээ авахгуй л ыриаад байх юм

182.160.36.191Зочин   • 2 сарын 10. 9 цаг 14 минут

элбэгдорж ба түүний хамсаатан элчин сайд байсан баттөр ганхуяг хар пүрэвсүрэн гээд гэмт хэрэгтнүүд байгаа

202.131.229.34зочин   • 2 сарын 10. 9 цаг 12 минут

Орж ирсэн, оруулж ирснийг дэмж, гаргаад байгаад хатуу шийтгэл өг

Шинэ мэдээ

Баянхошуунд зам тээврийн ноцтой осол гарлаа2 цаг 33 минутын өмнөАНУ яагаад Украин, Гүржийг НАТО-д элсэхийг дэмжив?2 цаг 33 минутын өмнөХашигдсан жараахайнуудыг чопперчин залуус гол руу хийжээ2 цаг 38 минутын өмнөБ.Үржинханд:Хүүхдийг наад захын хэрэглээний эд зүйлээр нь гачигдуулсан бол зөрчил гэж үздэг2 цаг 43 минутын өмнөСогтуугаар машин жолоодож яваад осолджээ2 цаг 48 минутын өмнөАрхитектурын гайхамшиг2 цаг 53 минутын өмнөАвстралийн Ерөнхий сайд гадаадын иргэдийг “Гэртээ харь” гэлээ2 цаг 58 минутын өмнөУрин цаг наашилж, усны шувууд тал нутагт иржээ3 цаг 3 минутын өмнөГерманы орон нутгийн сонгуульд ялалт байгуулсан МОНГОЛ БҮСГҮЙ Х.ОЧМААТАЙ ярилцлаа3 цаг 8 минутын өмнөХачигт халдвараас урьдчилан сэргийльe3 цаг 13 минутын өмнөХятад улсад ШИНЖ ТЭМДЭГГҮЙ халдварын тохиолдол нэмэгджээ3 цаг 18 минутын өмнөШУУД: NBA тоглогчид NBA 2K тоглоомоор өрсөлдөж байна3 цаг 23 минутын өмнөБНСУ-д халдварын тоо 10156-д хүрлээ3 цаг 28 минутын өмнөГол, мөрөн, нуурын мөс хайлах үзэгдэл идэвхжиж байна3 цаг 38 минутын өмнөНефть олборлолтын талаар АНУ Саудын Араб, ОХУ-тай хэлэлцээ хийхгүй3 цаг 43 минутын өмнөМалын хулгайн хэргийг халуун мөрөөр нь илрүүлжээ3 цаг 43 минутын өмнө"Манчестер Юнайтед" Санчо, Грилиш хоёр авах өрсөлдөөнд нэгдлээ3 цаг 48 минутын өмнөТа амны хаалтыг байнга зүүж, гараа тогтмол угааж хэвшээрэй3 цаг 53 минутын өмнөШар усны үерийн аюулаас сэрэмжлээрэй3 цаг 58 минутын өмнөОХУ-ын иргэдийг гадаадаас татах нислэгийг түр зогсоожээ4 цаг 3 минутын өмнөД.Нямхүү: Сөүл-Улаанбаатарын нислэгээр ирсэн 37 хүнээс коронавирус илрээгүй4 цаг 8 минутын өмнөХөлбөмбөг: Хамгийн өндөр орлоготой 10 хөлбөмбөгчин4 цаг 13 минутын өмнөДэлхий дахинаа шинээр 82 700 тохиолдол бүртгэгдэж, 6500 өвчтөн нас баржээ4 цаг 18 минутын өмнөОХУ-д коронавирусээр халдварласан хүний тоо 4000 давжээ4 цаг 23 минутын өмнөЯпон орлогоо алдсан айл өрх бүрт 2.7 мянган ам.долларыг хуваарилах төлөвтэй байна4 цаг 28 минутын өмнөЭ.Бат-Үүл: Элбэгээ "Х.Баттулгын шүүхийн уриалга"-аас айхгүй, ардчиллаа хамгаалан тэмцэхээр ирж байна4 цаг 33 минутын өмнөЭМЯ-наас мэдээлэл хийж байна4 цаг 38 минутын өмнөАНУ-ын нийт иргэнд гэрээсээ гарахгүй байхыг зөвлөжээ4 цаг 43 минутын өмнөЦ.Элбэгдорж: Олон сайхан хүний сэтгэл, тус дэм, угтаж үйлчлэх нь мянга талархаад барамгүй4 цаг 48 минутын өмнөХубэй мужийн эрх баригчид 14 эмчид "Амь үрэгдсэн баатар" цолыг нэхэн олгожээ4 цаг 53 минутын өмнө
© 2008 - 2020 он. Зохиогчийн эрх хуулиар хамгаалагдсан.