Оскар хүртсэн "JOKER" болох Хоэкинг Фениксийн талаар бидний мэдэхгүй 5 зүйл

Кино урлагын хамгийн том наадам болох Оскарын шагнал гардуулах ёслолын хамгийн том шигтгээ бөгөөд үзэгч, шүүмжлэгчдээс нэгэн дуугаар "Шилдэг эрэгтэй жүжигчин" хэмээн хүлээн зөвшөөрөгдсөн "Joker" уран сайхны киноны гол дүрийн жүжигчин Хоэкин Фениксийн талаарх сонирхолтой 5 баримтыг хүргэж байна.

1. Хоэкинг Феникс 4 настайдаа нэрээ солихоор шийдэж байжээ

Хоэкинг Феникс 1974 оны аравдугаар сарын 28-ны өдөр Пуэрто Рикогийн Сан Хуанд мэндэлжээ.

Байгаль дэлхийтэйгээ илүү ойр байх хүсэлдээ хөтлөгдсөн 4 настай настай бяцхан Хоэкинг өөрийн нэрээ "Leaf" хэмээн өөрчлөх шийдвэр гаргаж байжээ. "Навч" гэх утга бүхий нэр нь түүний хэд хэдэн кинод бичигдэж үлдсэн байдаг бөгөөд 1991 онд 16 насны төрсөн өдрөөрөө хуучин нэрээ буцаан авсан аж.

2. Хоэкинг ба Ривер

Түүний жүжигчний карьер 4 насаар ах Ривер Феникстэй хамт эхэлж байжээ. Тэд хамтдаа телевизийн цувралд тоглосон бөгөөд Хоэкинг уг бүтээлээрээ шилдэг залуу уран бүтээлчид олгодог шагналыг хүртэж байжээ.

Хоэкин улмаар 1986 онд  сансар огторгуйн адал явдлыг харуулсан Харри Венирсийн кинонд дүр бүтээхээр болов. Гэсэн хэдий ч, энэ нь түүний жинхэнэ карьерын эхлэл биш байлаа. Түүний сэтгэлд хоногшсон уран бүтээлийн нэг бол найруулагч Гус Ван Сантын 1995 онд хийгдсэн  "To Die For" кино юм. Уг кинонд тэрээр алдарт жүжигчин Никол Кидмантай хамтран тоглож байжээ.

Гэвч түүний ах Ривер Феникс 23 насандаа хар тамхи хэтрүүлэн хэрэглэсний улмаас нас барьжээ.

3. Амьтны эрх ба Хоэкин

Хоэкин гурван настай байхдаа загас агнуурын аялалд хамт явж загас агнахыг харж байжээ. Багадаа харсан энэ зүйл нь түүний амьдралыг хэв маягийн үндэс суурийг тавьсан гэхэд болно. Тэрбээр цагаан хоолтон бөгөөд амьтдын эрхийг хамгаалах байгууллагын төлөөлөгч юм. Мөн Хоэкин амьтны арьсаар хийсэн хувцас өмсөхийг эсэргүүцэгчдийн нэг юм.  Амьтан буудах шаардлагатай кинонд оролцон тоглохоор болвол тэрбээр синтетик материалаар тэднийг хийсэн байх ёстой гэж үздэг аж.

4. 2008 онд реппер болно хэмээн худал шуугиан тарьж байжээ

Хоэкин Финекс 2008 онд Жеймс Грэйн бүтээл болох "Хоёр амраг" кинонд тоглосныхоо дараагаар гэнэтийн эргэлт хийж,  жүжигчний карьераа зогсоож,  хип хоп, рэп чиглэлээр уран бүтээл туурвих талаараа олон нийтэд мэдэгджээ.

Түүний бие бялдар эрс өөрчлөгдөж, их хэмжээгээр жин нэмж, үс сахлаа ургуулан стилээ хүртэл өөрчлөөд авчээ. Гэвч энэ бүгд нь түүний шинэ уран бүтээлдээ бэлдсэн худал түүх байжээ.

5. Тэр эргэн ирсэн нь

2010 онд тэрээр инээдмийн жанр бүхий "Her" кинонд тоглосноор дахин дэлгэцнээ гарч ирэв. Гэвч бид өнгөрсөн оны 10 дугаар сарын 9-ны өдөр нээлтээ хийсэн Тодд Филипсийн бүтээл болох "Жокер" уран сайхны киноны гол дүрээр нэр алдраа улам бүр цуурайтуулсан юм. Бэтманы хамгийн том дайсны дүрийг маш өвөрмөцөөр тэрбээр бүтээсэн нь үзэгчид төдийгүй кино шүүмжлэгчдээс өндөр үнэлгээ авсан. Тийм учраас энэ удаагийн Оскарын наадмаас "Шилдэг эрэгтэй жүжигчин"-ий төрөлд ялалт байгуулсан билээ. Энэ бүтээл нь түүний үзэл санааг үндэс сууриар нь өөрчилсөн гэхэд болно. Мөн тэрбээр тус кинод тоглохын тулд 52 паунд буюу 23 кг жин хасахдаа өдөртөө ердөө ганцхан алим иддэг байжээ. Энэ их хичээл зүтгэл нь түүнд өнгөрсөн нэг жилийн хугацаанд дэлхийн кино урлагаас хүртэж болох бүхий л том шагналуудыг олгосон юм.