Үндэсний тэргүүлэгч www.zaluu.com сайт ЖДҮ эрхлэгчдийг дэмждэг "Жинхэнэ ЖДҮ" булангийнхаа энэ удаагийн дугаарт үндэсний хувцсаа урлаж, уламжлалт өв соёлоо хадгалж авч явах үйлсийн түүчээ болсон "Ур ундрах" компанийг онцоллоо. Тус компанийн захирал А.Алтантуяа 13 настайгаасаа эхлэн зүү, утас нийлүүлж, үйл мэтгэж эхэлснээс хойш 40 гаруй жил ур ундруулсаар байгаа юм.
-Компанийнхаа талаар яриач. Хэдэн оноос эхэлж үйл ажиллагаа эхэлсэн бэ?
-Манай компани 2002 оноос эхлэн үйл ажиллагаагаа явуулж байна. Энэ хугацаанд малгай, дээл, бүс гээд монгол хувцсыг иж бүрнээр нь урлаж ирлээ. Одоо манай компани захиалга аваад, үйлдвэртээ ч оёж байна. Ажилчид маань гэрээрээ ч захиалга аваад дээл оёж байгаа. Би заавар, зөвлөгөөг нь дандаа өгдөг. Би өөрөө мастер оёдолчин хүн. Тиймээс аль болохоор хүнд чанартай дээл хувцас оёж өгөхийг эрмэлздэг. Тодорхой тооны байнгын үйлчлүүлэгчтэй ч болоод авсан. Манайд захиалга өгч чадахгүй хүн уйлж байна шүү дээ. Заавал танайхаар оёулмаар байна, үйлчлүүлж сурсан гээд. Аливаа бүтээгдэхүүнийг үйлдвэрлэх, дээл, хувцсыг оёход бүтээгдэхүүн нь чанартай байх ёстой. Тиймээс манай компани Энэтхэг, Тайландаас даавуу авдаг. Мөн Солонгосоос ч даавуу авчирч, дээлээ хийж байна даа.