ЖДҮХС-гаас 2018 онд аж ахуйн нэгж, иргэдэд олгох ёстой зээлийг нэр бүхий улстөрчид хамаарал бүхий компаниуддаа олгуулахад нь нөлөөлсөн байж болзошгүй дуулиан өнөөг хүртэл тасраагүй байгаа. Прокурорын байгууллагад ЖДҮХС-тай холбоотой УИХ-ын 13 гишүүний хэрэг хянагдаж байгаа ч тэдний дээр энэ парламентаас хэд хэдэн хүн нэмэгдэх нь тодорхой болоод байгааг албаны эх сурвалж мэдээллээ. Энэ хүмүүсийн хамгийн эхэнд УИХ-ын гишүүн Б.Жавхлан жагсаж байгаа гэнэ. Эх сурвалжийн мэдээлснээр “Б.Жавхлан гишүүн өөрийн хамаарал бүхий компаниудад тэрбум гаруй төгрөгийн зээл олгуулсан нь үнэн. Тухайн үеийн ХХААХҮ-ийн сайд Б.Батзориг болон ЖДҮХС-гийн захирал С.Төгсбилэг нартай найз нөхөр, албан тушаалын харилцаагаа ашиглан дээрх зээлийг ногоон гэрлээр шийдүүлсэн” гэсэн юм. ЖДҮДС-гийн зээлийн асуудлыг хэвлэлийнхэн олон нийтэд анх дэлгэж байх үед буюу өдгөөгөөс 16 сарын өмнө Б.Жавхлан гишүүний нэр гарч байсан ч “Үндэслэл нь хангалттай нотлогдоогүй” шалтгаанаар хэргийг нь хэрэгсэхгүй болгож байсан. Гэвч энэ удаад түүнийг эх сурвалж, хууль хяналтын байгууллагынхан хөдлөшгүй баримтаар хуулийн хаалга татуулах хэмжээнд хүрчээ.
Түүнийг ЖДҮХС-гаас “Пример инвестмент групп” ХХК-иар 900 сая, “Жетте майнинг” ХХК-д 800 сая, “Алтан олом” ХХК-д 250 сая төгрөг олгуулахад нөлөөлсөн тухай баримтыг хэвлэл мэдээллийн хэрэгслээр сүүлийн өдрүүдэд цацах болсон. Энэ талаар УИХ-ын гишүүн Б.Жавхлан өмнө нь буюу 2018 оны арваннэгдүгээр сарын 5-нд “…Өчигдрөөс эхлэн твиттер, фэйсбүүк, хэдэн сайтаар зохион байгуулалттайгаар надтай холбоотой мэдээлэл явууллаа. Харамсалтай юм болж байна. Миний нэр холбогдоод байгаа “Пример инвестмент групп” компанид хүсэлт тавьж, өчигдөр уулзлаа. Яах аргагүй Дархан-Уул аймагт үйл ажиллагаа явуулж байгаа, жижиг, дунд үйлдвэр мөн байна. Төрөөс явуулж буй Жижиг, дунд үйлдвэрлэлийг хөгжүүлэх хөтөлбөрт хамрагдсан нь үнэн байна. Миний хувьд ямар ч холбоо байхгүй. Тус компани анх 2014 онд байгуулагдсан юм байна. Миний хувьд 2010-2015 онд “Долоон болдог” ХХК-ийн бага хэмжээний хувьцаа эзэмшигч гэдгээ Хөрөнгө орлогын мэдүүлэгтээ мэдүүлж ирсэн. Харин 2015 оноос хувьцаа эзэмшихээ больсон. Тэгэхээр намайг холбогдуулаад байгаа “Пример инвестмент групп” компанитай би ямар ч холбоогүй” гэж байлаа.
Ийн ярьсны хүчинд 2018 оны зургадугаар сарын 8-нд ЖДҮХС-гийн Төрийн банк дахь 100900037019 данснаас “Пример инвестмент групп” ХХК руу “Зээл олгов” гэсэн тайлбартайгаар 900 сая төгрөг, 2018 оны наймдугаар сарын 17-нд “Жетте майнинг” ХХК руу дээрх байдлаар 800 сая төгрөг тус тус шилжүүлсэн нь ч гэрчийн мэдүүлэг болоод баримтаар нотлогджээ.
Гэвч дээрх компаниудад зээл олгуулахын тулд Б.Жавхлан гишүүн ХХААХҮ-ийн сайд асан Б.Батзориг, ЖДҮХС-гийн захирал С.Төгсбилэг нар руу хамаарал бүхий компаниуддаа зээл гаргуулахыг утсаар захисан тухай эх сурвалжууд болон гэрчүүд хуулийн байгууллагад мэдээлсэн байна. Энэ нь ч баримтаар нотлогдоод байгаа бололтой. Ийн ярьсны хүчинд 2018 оны зургадугаар сарын 8-нд ЖДҮХС-гийн Төрийн банк дахь 100900037019 данснаас “Пример инвестмент групп” ХХК руу “Зээл олгов” гэсэн тайлбартайгаар 900 сая төгрөг, 2018 оны наймдугаар сарын 17-нд “Жетте майнинг” ХХК руу дээрх байдлаар 800 сая төгрөг тус тус шилжүүлсэн нь ч гэрчийн мэдүүлэг болоод баримтаар нотлогджээ.
Өөр нэгэн ноцтой баримт нь Б.Жавхлан гишүүн АНУ-д суралцаж байхдаа танилцсан, Монголд ирээд түүний туслахаар ажиллаж байсан С.Төгсбилэг гэх залууг ЖДҮХС-гийн захирлаар томилуулсан байна. Өөрөөр хэлбэл, түүний зээл ногоон гэрлээр бүтсэн шалтгаан нь ч дээрх томилгоотой холбоотой байх магадлалтай юм. Үүний дээр Б.Жавхлан гишүүний зөвлөх н.Эрдэнэцогт гэдэг хүний оролцоотой “Жетте майнинг” ХХК нь мах, махан бүтээгдэхүүний үйлдвэрлэлийн төслөөр 800 сая төгрөг, барилгын чиглэлээр дагнадаг “Пример инвестмент групп” ХХК нь арьс, ширний үйлдвэрийн төслөөр 900 сая төгрөг авсан нь ч олон нийтийг хардахад хүргээд байгаа юм. Түүнчлэн тэрбээр ХХААХҮ-ийн сайд асан Б.Батзоригийг УИХ-ын гишүүнээс нь түдгэлзүүлэх асуудлыг хэлэлцэх үеэр “…Нэг нөхрийн маань асуудал яригдаж байна. Гишүүд минь бүгдээрээ “…Батзориг гишүүн ажлаа үргэлжлүүлэх ёстой” гэдэг дээр санал нэг байгаа. Би ч санал нэг байна. Батзориг гишүүний холбогдож байгаа асуудалд гишүүд маань, төрийн албан хаагчид гээд олон хүн холбогдоод явж байна. Хувиа бодож энэ үйлдлүүд дээр оролцоогүй гэдгийг бид бүгдээрээ эрх биш харж байгаа байх. Тэгэхээр чөлөөлсөн ч, чөлөөлөөгүй ч дараагийн цохилт бидэн дээр, УИХ дээр ирдгээрээ ирнэ. Нам дээр ч ирнэ. Улс төрийн цохилтууд ирнэ” хэмээн өмөөрч байлаа.
Юутай ч жил гаруйн өмнө “Би ЖДҮХС-гаас ямар ч зээл аваагүй. Надтай холбоотой компани нэг ч аж ахуйн нэгж зээл аваагүй” хэмээн мэдэгдэж асан УИХ-ын гишүүн Б.Жавхланг АТГ болоод бусад хууль, хяналтынхан шалгаж эхэлсэн бололтой.
Б.Жавхлан нь Дархан-Уул аймгаас УИХ-д сонгогдсон бөгөөд 2010-2016 онд Монголбанкны Тэргүүн Дэд Ерөнхийлөгчөөр ажиллаж байсан билээ. Түүнийг өмнө нь “Үнэ тогтворжуулах хөтөлбөр”-өөс их хэмжээний мөнгө зувчуулсан, бодлогын алдаа гаргасан, авлига авсан байж болзошгүй зэрэг хэд хэдэн асуудлаар хууль хяналтын байгууллагаас шалгаж байсан ч тэрбээр уснаас хуурай гарч байсан нэгэн билээ. Энэ талаар эргэн сануулбал, тухайн үеийн Монголбанкны Ерөнхийлөгч Н.Золжаргал, Тэргүүн Дэд Ерөнхийлөгч Б.Жавхлан, Дэд Ерөнхийлөгч Э.Батшугар нарыг 2012-2016 онд Чингэс бондоос нийт 5.6 их наяд төгрөг буюу 2.3 тэрбум ам.долларыг Үнэ тогтворжуулах болон Орон сууцны хөтөлбөрт дур мэдэн зарцуулж, зувчуулсан, мөн бусад байдлаар улсад нийт 14 их наяд төгрөгийн хохирол учруулсан хэрэгт сэжиглэж байлаа.
Дархан-Уул аймгаас УИХ-д сонгогдсон Б.Жавхлан ард түмний боломжийг ингэж л эрх мэдэл албан тушаалаа урвуулан ашиглаж, “хулгайлжээ”. ЖДҮХС-аас зээл авсан гэдэг нь хөдлөшгүй баримтаар тогтоогдчихсон гэх мэдээллийг эх сурвалж онцолж байлаа. Хууль хяналтын байгууллагад УИХ-ын гишүүн Б.Жавхлангийн талаар гэрчийн мэдүүлэг, санхүүгийн баримт, зээл гаргуулахын тулд холбогдсон гар утасны бичлэг, мессэж зэрэг нь байгаа гэнэ. Удахгүй энэ талаарх ноцтой баримтыг хэвлэл мэдээллийн хэрэгслээр дэлгэх аж. Ийнхүү Б.Жавхлан гишүүний хууль бус үйлдэл мөрдөн шалгах ажиллагааны явцад авагдсан хөдлөшгүй баримтаар тодорхой болсон гэдгийг албаны эх сурвалж онцолж байлаа.
Үндэсний шуудан
18 сэтгэгдэлСэтгэгдэл бичих
UGUR HAR MALNUUDAAA!!!! UCH TUCHNUUN ZUUN TERBUMAAR N ZUGEER AVTSAN BAINA GEED BAIHAD YUUU CH HELEHGUI MURTLUU YUM HIIJ BAIGAA KOMPANID ZEEL AVHAD N TUSLAHAAR BUUN YUM BOLOOD BAIHIIMAA ZEEL CHINE HUUTEIGEE TULUGDDUG YUM SHUU DEE HAR HULSNII MALNUUDAAA. EH ORNOO ZARAAD GADAADAD ZUGTAATSAN ELBEGDORJ TERGUUTEI LALARIIN HULGAICHUUDIIG EHLEED OLJ IRJ HARIUTSLAGA TOOTSOH HEREGTEI
их хурлын гишүүд тангарга өргөх хэрэг байна уу? худлаа ярина гэмт этгээдийг хамгаалана Батзориг бол эрүүгийн хэрэг хүлээлгэх гол гэмтэн этгээд байна яагаад хамгаалаад байна ЖДҮ- чидийг бүгдэд нь эрүү үүсгээч яст мэлхий шиг АТГ-хэн
Жду Гээд ямар хариуцлага хулээх биш
Kitchen all JIDU mon uu? Uul uurhain olon litsenz bolon ezemshil oroltsoo ikhtei khun dee, ee dee shalgahad sikh yum garna daa...
луйварчин хурдан зайлуулайх хэрэгтэй бна НОТЛОГДЖЭЭ
Ажрахгүй цаадуул чинь. Хүрэлсүхийг хар л даа. Улаан цайм гардуулчихаад одоо бараг Хэнтийд гарчихсан юм шиг даналзаж тангаргаа өргөх нь холгүй явж байгаа биз дээ? Цаадуул нь ч мэдээж сонгоод явуулна л даа. Хүрэлсүхтэйгээ бас л нэг ойролцоо юмнууд байгаа шүү дээ. Арвин, Бат-эрдэнэ, Бандааш нарын зүйлгүүдийг торохгүй гаргаж байсан энэ аймаг одоо Хүрэлсүх, Оюун-Эрдэнэ нарыг ч бас ногоон гэрлээр ёслоод өнгөрүүлнэ.
Ми овогтынхон сандралдаад байна уу даа
АМАА ТАТ. ХЭНТИЙЧYYД БИДНИЙГ ДОРОМЖЛОХГУЙ ШYY. ЕЕРИЙГЕЕ ЭХЛЭЭД ХИЧЭЭЖ СУР
songood yavuulj bgaa ayumnuud ni dandaa neg hugiingaruud bgaad bgaa bolohooor uneheeer ergelzdeg shuu hentiichuud mini.
Энэ гэж нэг долир юм намын нэр унагаж байна шуу хурдан зайлуулах хэрэгтэй дээ
muu lalar
Энэ ардын намд хулгай хийж албан тушаалд хунээ тавиагуй хун байхгуй шуу дээ дээр нь жду гээс хулгай хийнэ иймд энэ намд дахин буу итгэл огч сонгож болохгуй шуу ард тумэн минь шинэчлэл хийе
энэ нөхөр Сумъяа сайд 2 гишүүн болохоосоо өмнө угаасаа ЖДҮ хусдаг бсан шүү дээ. Санд ажилдаг бүсгүйтэй учиртай бсан түүгээрээ дамжуулж зээл авдаг бсан гэсэн дээ
одоо ч жангаа идэх хугацаа нь ойртож байна даа
Гол нь хохиролоо яаж тооцож төлүүлэх вэ.Ийм явдал дахиж гаргуулахгүйн тулд бүх хөрөнгийг нь хураа
Нээх худлаа бүлт бүлт шаасан гарууд, боломж, мэдээлэлд ойрхон, өндөр албан тушаалаа ашиглаад явах юм. Ер нь 76 хүн баахан ашиг сонирхолтой байхаар, нэг хүний засаглалтай байсан нь дээр бишүү. Халдашгүй эрх гэдгийг устгамаар байнаа
жавхлан та херенгее хураалгаад шоронд 15 жил тавтай морилно уу.
УИ Луйварчид Монголоо хөгжүүлж хүн ардынхаа амьдралыг дээшлэхгүй зөвхөн өөрсдөө баяжиж хөрөнгөжөөд байгаагийн нэг илрэл, хөрөнгө мөнгөөр зодож сонгогдоод, иргэд хууртаж саналаа өгөөд...