Шинэ төрлийн коронавирусийн халдварын дэгдэлт буурахгүй хэвээрээ байгаа билээ. Өмнөд хөршид гэхэд энэ вирусээр нас барагсдын тоо хоногтоо 100-гаас буурахгүй байна. Манай улсад одоогоор халдварын тохиолдол бүртгэгдээгүй байгаа хэдий ч урьдчилан сэргийлэх арга хэмжээг шат дараатай авсаар байна.
Энэ хүрээнд Хан-Уул дүүргээс төрийн үйлчилгээ авахаар ирсэн иргэдийнхээ халууныг хэмжиж, амны хаалт хэрэглээгүй иргэнд үйлчлэхгүй байх шийдвэр гаргажээ.
Энэ талаар Хан-Уул дүүргийн Засаг даргын Тамгын газрын Эрүүл мэнд, биеийн тамир, спорт, индексийн асуудал хариуцсан мэргэжилтэн О.Одцэрэнгээс тодруулахад “Шинэ төрлийн коронавирусийн халдвараас иргэдийг урьдчилан сэргийлэх үүднээс Хан-Уул дүүрэг нийслэлийн дүүргүүдээс анхлан дүүргийн “Иргэдэд үйлчлэх төв байр”-аар үйлчилгээ авахаар ирсэн иргэд болон ажилтан, албан хаагчдын халууныг хэмжиж, гадуур хувцсыг өлгүүлэх, гарыг нь ариутгаж, зөвлөмж мэдээллээр ханган ажиллаж байна.
Иймд иргэд та бүхэн төрийн үйлчилгээг авахдаа амны хаалтаа зүүж хэвшээрэй.
2 сэтгэгдэлСэтгэгдэл бичих
Бусад дүүргүүдээс анхлан ч гэх шиг. Бас нэг амбийцтай санаатай. Гол зорилго нь улс төрийн л пиар юм байна.
Эрлээд маскаараа хангачихаад галзуу галзуу юмаа ярь. Гадуур маск олдохгүй байна. Ядаж л ЗДТГ-ын байрны үүдэнд орж иоэхэд зарах хэрэгтэй. Хүнд бас сонголт өгөх хэоэгтэй. Зөвхөн нэг талын шаардлагаар явна гэж байхгүй. Эсвэл ард иргэд ДИТХ,ДЗД-ыг огцруулах санал өргөн барь. Дандаа дарамталсан хүчирхийлсэн арга хэрэглэх юм. Ядаж зөв гарчигтай, зөв уриалсан юм бич. Хааж боохоороо бүү түрий барь