Нийслэлийн Мэргэжлийн хяналтын газар, Нийслэлийн Өмчийн ашиглалт, удирдлагын газар, нийслэлийн Цагдаагийн удирдах газар, нийслэлийн Онцгой байдлын газарын төлөөлөл өнөөдөр “Урт цагаан” үйлчилгээний төвийн үйл ажиллагааг зогсоох асуудлаар нийслэлийн Хэвлэл мэдээллийн төвд мэдээлэл хийлээ.
Мэргэжлийн байгууллагуудын дүгнэлтээр Нийслэлийн өмчийн гуравдугаар байр буюу Урт цагаан үйлчилгээний төвийн барилга иргэдийн ажиллаж амьдрах нөхцөл эрүүл мэндэд сөргөөр нөлөөлөхүйц, аюулгүй байдлын шаардлагыг хангахгүй болох нь тогтоогдсон тул үйл ажиллагааг 2020 оны 02-21-ний өнөөдрөөс эхэлж зогсоох захирамжийг Нийслэлийн Засаг дарга гаргалаа.
Нийслэлийн Мэргэжлийн хяналтын газрын Дэд бүтцийн хяналтын хэлтсийн дарга Н.Гантулга: “Урт цагаан үйлчилгээний төв нь насжилт өндөртэй ашиглалтын шаардлага хангахгүй, галын эрсдэл үүссэн объект. ⚠️ Энэ байранд ажиллаж байгаа түрээслэгчдийн үйл ажиллагааг зогсоох талаар нийслэлийн Мэргэжлийн хяналтын газраас гурван удаа дүгнэлт гаргаж байсан.⚠️ Тус барилга байгууламж нь цахилгаан хангамжийн хувьд ч өндөр эрсдэлтэй. Мөн ус дулаан хангамжийн хувьд ч ашиглалтын шаардлагаас хэтэрсэн. Бид өнөөдөр хөрөнгө мөнгийг бус иргэдийнхээ аюулгүй байдлыг хангах асуудлыг нэгдүгээрт тавих хэрэгтэй" гэв.
Нийслэлийн Өмчийн ашиглалт, удирдлагын газрын дарга Ш.Үнэнбат “Урт цагааны үйлчилгээний төвийн ашиглалтын ам метр талбайг 9000 төгрөгөөр 30 аж ахуйн нэгж, хувь хүн түрээсийн гэрээ байгуулан өнөөдрийг хүртэл ажилласан. Эдгээр хүмүүс 300-400 хүнд дамлан өндөр үнээр түрээслүүлж нийслэлийн өмч ашиглалтын газартай байгуулсан гэрээгээ ноцтой зөрчиж байна. Мөн түрээслэгчид гэрээнд зааснаар тухайн объектод засвар хийх онцгой эрхтэй. Гэвч өнөөдрийг хүртэл засвар хийгээгүй. Цаашид эдгээр 30 аж ахуйн нэгжийн гэрээг сунгахгүй, харин 400 гаруй түрээслэгчийг хохироохгүй байх тал дээр анхаарна. Өнөөдрөөс эхэлж урт цагааны үйлчилгээний төвийн үйл ажиллагааг бүрэн зогсоож, цагдаагийн байгууллагынхан хяналт тавьж ажиллана.Харин Урт цагааны барилгыг нураах эсэх асуудлыг НИТХ-аар шийдэгдэнэ” хэмээн хэллээ. Нийслэлийн өмчийн гуравдугаар байр болох Урт цагааны барилга нь 1958 онд анх баригдсанаасаа хойш ганц ч удаа засвар хийгдээгүй байна.
8 сэтгэгдэлСэтгэгдэл бичих
Зөв.
Энийг жуулчны гудамж болговол таарна. Хотын төвд жуулчин татах юм алга. Дэлхийн жишигт нийцсэн барилга барих хэрэгтэй
Нураагаад дахин юм барих хэрэггүй Газрыг төрийн мэдэлд нийтийгн эзэмшилд авч автомашины зогсоол, уса оргилуур, цэцэрлэг бүхий талбай болгон тохижуулах саналтай байна Түгжрээ багасна
Шинэчилж засах цаг нь болсон юм билээ
Хийсэн юм бол түүнийгээ гүйцээ. Тэр 30 дээрэмчин өлсгөлөнгөө зарлана уу, Өлсөж үхнэ үү ард иргэдэд падгүй. 20 жил пу ч хийлгүй түрээсийн зөрүүгээр таргалсан өөөх нь хайлаг. Тэпнээс өндөр түрээс төлж байсан тэнэгүүдэд түрээсийн зардал хямдрана гэдгийг хэл. Ойлгохгүй бол хохь нь. Зах зээлийнхээ жамаар яваг. Тэр 30 этгээдийн завшил бол төрд бараа шахдаг хүмүүсийн үйл ажиллагаатай яг ижил юм.
Одоо тэгвэл монтел дээр байдаг төрийн өмчийн хуучнаар цахилгаан холбооны байрыг гар утасны лангуугаар дамлан дарга нь ашиг хүртэн ажиллуулж байгааг бас зогсоо
Оюупны ундраа авах байх өөр хүний нэр вээр бдаг компианаар авнө
Яг тэгнээ