Ихэнх жолооч нар зам зөвхөн машинтай зорчигчид л хамаатай юм шиг авирлах нь бий. Уг нь явган зорчигчид ч гэсэн хамаатай юм. Гарц хажууханд нь байхад чигээрээ дайрдаг үхэр шиг явган зорчигч ихтэй, манайх. Гэхдээ гарцаар, цагаан шугамаар гардаг маш олон зорчигч бий. Тэдэнд зам тавьж өгдөг жолоочийн тоо сайн өсөхгүй л байна. Тэр ч битгий хэл явган хүний гарч харагдаж, хэн нэгэн гарах гэж байвал жолооч нар зам тавьж өгөхгүй, эсрэгээрээ хурдаа нэмдэг.
Нэгдүгээр эгнээгээр явж байгаа машин гарцаар гарч буй явган зорчигчид зам тавьж өгч байхад хоёрдугаар эгнээгээр явж буй машины жолооч хурдаа нэмж дайрдаг тохиолдол ч элбэг. Үүнээс болоод осол аваар гарч, иргэд эрүүл мэндээрээ хохирч байгаа жишээ ч цөөнгүй л байна. Уг нь Замын хөдөлгөөний дүрэмдээ явган хүний гарц дөхвөл жолооч хурдаа хасаж, зорчигч гарах гэж байгаас эсэхийг харна. Гарцан дээр явган хүн давуу талтай гэсэн утгатай заалт бий. Энэ дүрмийг дагадаг жолооч цөөхөн байна.
Ядаж л хүүхэд, хөгшид гарцаар гарах гэж байхад зогсоод, зам тавиад өгчих сэтгэлтэй байгаач дээ, жолооч нар аа. Хөл муутай хөгшид, бага ангийн хүүхдүүд гарцаар гарах гээд аргаа бараад зогсож байгаатай олон л таарч байлаа. Жолооч нар нь үхэн хатан дайраад л. Ийм соёлгүй байж яаж болох билээ. Таны хүүхэд, өндөр настай аав, ээж ч гэсэн гарцаар гарах гээд зогсож байхад жолооч нар үхэн хатан дайрч байна гээд төсөөлөөд үз. Тэгээд бусдын үр хүүхэд, аавж, ээжийн төлөө сэтгэл гарга. Гарцан дээр явган зорчигчид зам тавьж өг.
9 сэтгэгдэлСэтгэгдэл бичих
гэрлэн дохиогүй гарцаар гарч байгаа тохиолдолд гүйж л гарна ш дэ араар нь бараг шүргэх шахаад л өнгөрнө
Зөв сэдэв хөнджээ.Зарим нэг ухамсар мөчид жолооч нараас болж ийм ? гарах юм.Төмөр замын дээд сургуулийн урдах төв замаар гарах гэж бөөн айдас.Баруун талын гарцны ногоон гэрэл асаад гарах гэхлээр зүүн талаас чигээрээ ирж бгаа машинууд ялангуяа автобус ороод ирэх юм.Энд камер суурилуулж өгөөч.тээврийн цагдаагийнхан.
жижиг туслах зам дээр зам тавьж бараг л өгдөггүй шдээ . ногоон гэрэл асчихсан байхад явуулахгүй зүтгээд байдаг шдээ.
нийгэмшээгүй оркууд хар хурдаараа ороод ирдэг юмаа. Ингэж л хайран хүмүүс цаг бусаар үхээд байна ш дээ!!!!
metro hot ntr geed bas yun erliiz ner tomyo gargaad irewde. neg bol angliar bicheed eswel mongol hel vgee heregleldee yah ged hel ewdeed baidag ym be
Явган зорчигч нарт зам тавьж өгч байгаа соёлтой жолооч нар yнэлээд хэсэг нь байнаа. Гэвч их олон биш байгаа нь сэтгэл гонсойлгомоор шүү. Харин явган хүний гарц, тэмдэг тэмдэглээгээгээр, тодруулбал: ногоон гэрлээр зорчиж явахад сигналаа орилуулаад дайраад байхыг яаанаа арай л аймаар биш гэж үү!!! Зарим жолооч нар!!!
Гарцаар гарч байхад л дайрна,дайрчих шахна. Бас болоогүй ээ утсаар ярьчихсан бүдүүлэг юмнууд их байна.
Манайд бол хурдаа нэмж сагсуурч байгаад л хэрэгтэн болдог юм
Гарцаар гарахаар болбол гэрэл биш машин сайн харж гардаг ш дээ.