2020 оны 3-р сарын 13
8 цаг 00 минут

"Emart" махны үнээ үндэслэлгүйгээр нэмсэн нь тогтоогдвол 20 саяар торгуулж, тусгай зөвшөөрлөө цуцлуулах уу

Энэ сарын 2-нд Монгол Улсад ирсэн Франц иргэнээс коронавирусийн халдвар илэрч, монголчуудыг айдаст автуулав. Халдвар илэрсэн өдөр хөлтэй нь хөлхөж, хөлгүй нь мөлхөж гэдэг шиг хүн бүхэн зах гарч, дэлгүүр хоршоонд бөөгнөрч, шатахуун түгээх станцид очерлоод амжив. Тэглээ гээд өргөн хэрэглээний бараа бүтээгдэхүүний үнэ нэмэгдлээ гэж дуулдсангүй. Гэтэл Монголдоо томоохондоо тооцогддог Имарт сүлжээ дэлгүүр 24-хөн цагийн дотор махны үнээ нэмсэн тухай нэгэн иргэн өөрийн фэйсбүүктэй постолжээ. 

Түүний хэлж байгаагаар "Гуравдугаар сарын 8-нд Имартын Чингис салбараас үхрийн татсан мах авахад кг нь 16600, хонины нуруу 10600 байсан. 10-ны өдрийн 15.00 цагт мах авах гээд иртэл үнэ нь хэвээрээ ч мах нь дуусчихсан байсан.  Ингээд 11-ний өдөр мах авах гэтэл хонины нуруу 12100, үхрийн мах 18100 болчихсон байсан. Тиймээс өргөдөл гомдол гаргаж, ханддаг газар нь хандаж хариуцлага тооцуулна" гэв. 

Emart: Бид махны үнээ ЖААХАН нэмсэн / 1500төгрөг/

Харин Имарт худалдааны төвийнхөн "Бид Баяндэлгэр хүнс компанийн фирмийн махыг худалдаалдаг. Энэ компани маань махаа бэлтгэж, тээвэрлэхдээ, чанарын шаардлага тавиад явдаг газар. Мөн коронавирусийн энэ үед махны нийлүүлэлт ганц манай дээр ч гэлтгүй бусад захуудад ч гэсэн хэцүү байгаа. Манайд мах нийлүүлдэг Баяндэлгэр хүнс компани нөхцөл байдалтайгаа нийлүүлээд манайх махны үнээ нэмэх шаардлага тулгараад байна гэсэн хүсэлт өгсөн. Үүнийх нь дагуу бид махаа тасалдуулахгүйн тулд хүлээж аваад махны үнээ жаахан нэмсэн. Огцом айхтар нэмээгүй. Бага зэрэг нэмсэн" гэх тайлбарыг өгcөн байх юм.

Коронавирусийн халдвараас урьдчилан сэргийлэх зорилгоор ихэнх газрыг хааж, эдийн засаг хүнд байхад хэцүү үеийг далимдуулж Имартынхан махны үнээ ийнхүү нэмж байгаа нь ямар учиртай вэ. Үүнийхээ бурууг мах нийлүүлдэг компани руу чихэж, нэмсэн 1500 төгрөгөө бага зэрэг нэмсэн гэж монголчуудыг басамжлаад амжив.

ХХААХҮ-ийн сайд Ч.Улаан: Зохиомол хөөрөгдөл үүсгэж, үнэ өсгөж байгаа мэдээллийг хүлээж авна

Тэрбээр "ХХААХҮЯ-д 109 малчин лавлах ажиллаж байгаа. Энэ лавлахаар дамжуулж зохиомол хөөрөгдөл үүсгэж, үнэ өсгөж байгаа мэдээллийг хүлээж авна. Засгийн газар 8 нэрийн хүнсний хангамжийг тогтвортой байлгах бүхий л арга хэмжээг авч байна.  Хүнсний гол хангамжийн 3-4 сарын нөөцийг бүрдүүлж чадсан. Цаашид улирлын хэрэгцээг хангахуйц хүнсний нөөцийг бий болгох чиглэл бариад ажиллаж байна.  Бий болсон амаргүй нөхцөл байдлын үед зохимолоор хүндрэл үүсгэх, үнэ ханш хөөрөгдөх, ард иргэдийг бухимдуулсан үйлдэл гаргахгүй байхыг бүх шатандаа анхаарах хэрэгтэй байна" гэсэн тайлбарыг өгөөд байгаа.

Махны үнийг нэмэх шалтгаан өнөөдрийн байдлаар Монголд гаргаад ирье гэсэн ч үнэндээ алга.  Махны нөөц хангалттай юу гэвэл хангалтай. Шатахууны үнэ өсөх нь байтугай "буурна" гэж салбарын сайд Д.Сумъяабазар хэлээд байна. Үнэндээ өөр шалтаг алга.

Ер нь бол хүнд хэцүү цаг үед үнээ нэмэх бодлого барьж байгаа аж ахуйн нэгжүүдийг л буруутгахаас өөр арга алга. Ерөнхий сайд хүртэл энэ чиглэлд анхаарч ажиллахыг өнгөрсөн өдрүүдэд олонтаа сануулсан. Түүгээр ч барахгүй үндэслэлгүйгээр үнээ нэмсэн аж ахуйн нэгжүүдийг Зөрчлийн тухай хуулиар таван саяас 20 сая хүртэлх торгууль ногдуулж, аж ахуйн нэгжийн тусгай зөвшөөрлийг цуцлах хүртэл арга хэмжээ авахаар болоод байгаа.

Зовох цагт нөхрийн чанар танигдана гэгчээр өвчин зовлон тархаж магадгүй энэ хүнд хэцүү цаг үед стратегийн өндөр ач холбогдолтой махны үнийг ийнхүү үндэслэлгүйгээр нэмж буй аж ахуйн нэгжүүдийн "толгойг" илээд сууж болохгүй байх. Тиймээс ШӨХТГ-аас энэ мэт үйлдлүүдэд анхаарлаа нэн яаралтай хандуулж, асуудлыг шийдвэрлэх хэрэгтэй. Магадгүй бусад аж ахуйн нэгжүүд махны үнээ нэмж буй энэ мэт үйлдлийг даган дуурайж стратегийн өндөр ач холбогдол махны үнээ нэмээд хэлвэл коронавирусийн асуудлаас болж цалингүй, түрээсгүй, орлогогүй болчихоод гэртээ сууж буй иргэд юугаараа махаа худалдаж авах вэ. 

Имарт худалдааны төвийн махны үнэ нэмсэн асуудалд хариуцлага нэхэж, шаардлага тавих нь зүйтэй болов уу.

Ч.Ган

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Шинэ мэдээ

АТГ-аас УИХ-ын сонгуульд өрсөлдөх 606 нэр дэвшигчийн ХОМ-гийг зарлалаа1 цаг 26 минутын өмнөУлаанбаатарт шөнөдөө 4 хэм дулаан6 цаг 43 минутын өмнөХөдөлмөрийн аюулгүй байдал, эрүүл ахуйн мэдлэг олгох сургалтыг цахимаар зохион байгуулав6 цаг 48 минутын өмнөНаран дээр сүүлийн гурван жил болоогүй хүчтэй дэлбэрэлт болжээ6 цаг 53 минутын өмнө“Ремдесивир” эм нааштай үр дүн үзүүллээ6 цаг 58 минутын өмнөМосквагийн метронд гар буу далайсан эр зорчигчдыг үймүүлжээ7 цаг 3 минутын өмнөАфганистан улс хоёр ерөнхийлөгчтэй боллоо7 цаг 8 минутын өмнөБритни Спирсийн шинэ цомог манлайлж байна.7 цаг 13 минутын өмнөЛуврын музей долоодугаар сарын 6-нд нээгдэнэ7 цаг 18 минутын өмнөТокио дахь эзэн хааны ордны цэцэрлэгт хүрээлэнгүүдийг нээжээ7 цаг 23 минутын өмнөГал сөнөөгчийн хувцас хатаах тусгай зориулалтын төхөөрөмж хийжээ7 цаг 28 минутын өмнөБ.Нямтайшир: Ардчилсан Монголд анх удаа нэр дэвшигч шоронгоос сонгуульд өрсөлдөхөөр болж байна7 цаг 36 минутын өмнөБи–г умартахуйд стресс арилмуй7 цаг 43 минутын өмнөЯпоны цагдаа нар “корона-луйвар”-ын хэрэг ихсэж байгааг анхааруулжээ7 цаг 48 минутын өмнөНэр дэвшигчдийн үнэмлэхийг гардуулж байна7 цаг 51 минутын өмнөД.Сүндий "Сахигтун Үндсэн хуулийн эвсэл"-ээс Чингэлтэйд нэр дэвшинэ7 цаг 55 минутын өмнөОрхон сумын 70 өрх өрхийн амьжиргаагаа сайжруулах төсөлд хамрагджээ7 цаг 58 минутын өмнөХолимог тулааны UFC холбооноос энэ сарын 6-нд Лас-Вегасын UFC APEX ордонд болох UFC 250 тэмцээний тулаануудыг зарлалаа.8 цаг 3 минутын өмнөХүмүүсийг хамгийн их уйлуулдаг кинонуудыг нэрлэжээ8 цаг 5 минутын өмнөТакадагава: Анхны шавиа алдсандаа маш их харамсаж байна8 цаг 13 минутын өмнөТайландад гацсан монгол бүсгүй өндөр настай ээжийг минь авраач хэмээн гуйжээ8 цаг 23 минутын өмнөДэлхийн хамгийн хурдан тамирчдын гүйлтийн нууц юу вэ?8 цаг 28 минутын өмнөТарж удамшсан, дийлж хурдалсан Тэсийн голын унаганууд8 цаг 33 минутын өмнөКомноос сэрэхдээ францаар чөлөөтэй ярьдаг болсон байжээ8 цаг 38 минутын өмнөЛи Ё Хун: БНСУ-д сонгуультай холбоотойгоор халдварын тоо нэмэгдээгүй8 цаг 39 минутын өмнөУИХ-ын 2020 оны сонгуульд нэр дэвшигчид өнөөдөр албан ёсоор үнэмлэхээ гардан авлаа8 цаг 43 минутын өмнөЕвропын хамгийн үнэтэй уран зураг8 цаг 43 минутын өмнөАрилжааны банкнууд дахь зээлийн дансны тоо 5.3 хувиар буурчээ8 цаг 44 минутын өмнөCOVID-19: Буриадад хоногт 24 тохиолдол шинээр илэрчээ8 цаг 48 минутын өмнөСЕХ сонгуульд оролцогчдод хүн хоорондын зай барьж, амны хаалт зүүхийг анхаарууллаа8 цаг 48 минутын өмнө
© 2008 - 2020 он. Зохиогчийн эрх хуулиар хамгаалагдсан.