2020 оны 3-р сарын 14
13 цаг 43 минут

MGL-1 FIGHTING CHAMPIONSHIP аварга тамирчин АНУ-ын UFC холбоонд ялалт байгууллаа

Холимог тулааны MGL-1 FIGHTING CHAMPIONSHIP холбооны гүйцэтгэх захирал Таеквондогийн Дэлхийн аварга Ө.Гантөмөртэй хийсэн ярилцлага.

- Өнгөрсөн 3-р сарын 7-ны өдөр UFC 248 тулаанд Монгол улсын тамирчин ялалт байгууллаа. Энэ тамирчны тухайд?

- Өдрийн мэнд хүргэе Энэ үнэхээр сайхан мэдээ байлаа Манай холбооны 2009.09.30 нд MGL-1 Fighting championship 2 дугаар тэмцээний мэргэжлийн кикбоксын 65 кг жингийн аварга, Эрдэнэт хотод 2018.06.30 нд болсон Холимог  тулааны Дэлхийн аварга, Монгол Улсын тулааны анхны гавъяат тамирчин Ж.Нарантунгалагт  хүндэтгэл үзүүлэх MGL-1 Fighting championship 11 тэмцээний холимог тулааны 66 кг жингийн аварга Шандас мма-ийн тамирчин Данаагийн Батгэрэл нь АНУ-ын Лас Вэгас Хотод болсон  UFC  холбооны 248 дугаар тулаанд Аргентин Улсын тамирчин Гуйдо Кэнниттэй тулалдаж ТКО буюу техникийн илт давуу ялалт байгууллаа. Энэ бол Манай холбооны аваргуудын АНУ-д байгуулсан 6 дахь ялалт байлаа. Бидний 10 жилийн өмнө мөрөөдөж байсан мөрөөдлийг биелүүлсэн багш МУ-ын Гавъяат тамирчин Ж.Нарантунгалаг, Японы мэргэжилтэн багш Ари Жүн Ичи, менежер Анар нарт баярлалаа. 11 дахь жилдээ үйл ажиллагаагаа явуулж буй манай холбооноос дэлхийн хамгийн том холбоонд аварга Д.Батгэрэл ялалт байгууллаа. 

- Та сая 2 дугаар тэмцээн ,11 дүгээр тэмцээн гэж ярьсан танай холбоо цуврал тэмцээн зохион байгуулдаг юм уу хэдэн жил болж байна. Холбооныхоо талаар яриач?

- 2009 онд мэргэжлийн тулааныг Монгол оронд хөгжүүлэхийн төлөө Холимог тулааны Дэлхийн аварга МУ-ын гавъяат тамирчин Ж.Нарантунгалаг, ОУХМ - Ч.Наранбаатар,Ч.Махбал, Б.Галбаатар болон миний бие нийлж Монголын Тулааны шилдэг Тамирчдын холбоо гэж үүсгэн байгуулж байсан Дэлхийн мэргэжлийн тулаан болох кикбокс, холимог тулааны шилдэг тамирчдыг бэлдэх,дэлхийд таниулах зорилготой MGL-1 FC 1 дүгээр тэмцээнийг 2009 онд зохион байгуулж байлаа. Үүний үр дүнд бид дэлхийн холимог тулааны бүх холбоонд монгол орноо төлөөлсөн аваргуудаа явуулж чадсандаа баяртай байна.

- Хэд дэхь тэмцээнээ уралдаанаа зохион байгуулаад байна. 

- Бид 10 жил тасралтгүй үйл ажиллагаа явуулж байгаа, бид аваргын төлөө тулаан, гадаад орны тамирчидтай уулзалт тулаан MGL-1 FIGHTING CHAMPIONSHIP 13, мөн шинэ тамирчдын ранг ахиулах MGL-1 FIGHT NIGHT 3 тэмцээн, бас 2017 онд МАСТЕР ТУЛААНЧ холимог тулааны шоуг VTV хамтран 2 сарын турш хийсэн. 2013 онд нэг жил тэмцээн хийгээгүй. Хүүхэд залуусбие хамгаалах урлагийг сонирхон хичээллэж,  өөр өөрийн тулааны төрөлдөө аваргууд болж, холимог тулааныг сонирхож байгаа нь илт мэдэгдэж байсан. Тэр дайчин залуусыг хараад ядаж жилдээ нэг удаа тэмцээн зохион байгуулах хэрэгтэй юм байна гэсэн бодол төрсөн. Мэдээж тэмцээн хийх болгонд санхүү хэрэгтэй. Үүнд  Холбооныерөнхийлөгч Ц.Уугангэрэл, Хүндэт ерөнхийлөгч Н.Ганболд нарын болон тэргүүн дэд ерөнхийлөгч З.Тэмүүн, Н.Удаанжаргал, дэд ерөнхийлөгч Ж.Пунцаг, З.Төмөртөмөө, Г.Батхүү нарын дэмжлэгээр, мөн ивээн тэтгэгч тулааны урлагт сэтгэлтэй хүмүүсийн хүчээр одоо 11 дахь жилдээ ороод явж байна.

- Та холимог тулааны Америкт ялсан 6 дахь ялалт гэлээ. Энэ талаар тодруулан яриач.

- Тиймээ АНУ-ын холимог тулаанд Монгол улсаас ялалт байгуулсан 6 дахь нь юм. MGL-1 FC аварга Р.Отгонтулга, Х.Амартүвшин, Д.Батсүмбэрэл, 2-р байрны шагналт Н.Отгонбаатар, мөн Шижирээ гэж залуу ялалт байгуулж байсан. 3-р сарын 7-нд  Дэлхийн хамгийн том холбоонд Д.Батгэрэл ТКО буюу хүнд цохилтоор ялалтыгбайгууллаа.

- Та аваргууд ялалт байгуулсан гэлээ. MGL-1 FC аварга, тамирчдыг яаж сонгож тулалдуулдаг бэ.

- Тэмцээн болохоос 2 сарын өмнө сорил тулаан жин болгонд хийж, ялсан тамирчинг тухайн жингийн аваргатай тулалдуулдаг байсан. 2016 оноос хойш сорил тулааныг жил болгоны эхээр хийж, доод тал нь 2 ялсан тамирчин холбоонд тулалдах эрхээ авдаг болсон. 2017 оноос хойш жилд 2 удаа тэмцээн зохион байгуулдаг болсон бөгөөд тамирчид ранг буюу чансаанд бичигдэх болсон нь холбооны бас нэгэн амжилт байлаа. 

- Мэргэжлийн кикбокс, холимог тулаан тэмцээн хийдэг гэсэн өөр төрлөөр хийдэг үү.

- MGL-1 FC 1,2 дугаар  тэмцээнийг кикбоксын дүрмээр хийж байсан. Холимог тулааны Дэлхийн аварга Ж.Нарантунгалагийн санаачилгаар 2010 онд MGL-1FC 3 дугаар тэмцээнийг анх холимог тулааны дүрмээр 63, 73, 83, 93 нэмэх 93 кг жинд шилдэг 4 тамирчинг оруулж, анхны аваргаа тодруулж байсан. Үүнээс хойш кикбокс холимог тулааны аваргуудыг тодруулж байгаад 2016 онд сорил тулаанд кикбоксын тамирчин ирээгүй, харин холимог тулааны тамирчид олон болсноор холимог тулааны аваргууд шалгаруулах болсон. 2015 оны 60 кг жингийн хамгийн сүүлийн аварга одоо маш амжилттай ONE CHAMPIONSHIP тулалдаж байгаа З.Шинэчагтга шүү дээ. Өөр төрлөөр хүүхэд залууст бие хамгаалах урлагийг сурталчлах зорилгоор хийх санаа байгаа. Яг боловсруулаад цаасан дээр буулгасан юм алга байна. 

- Монголд шинээр MFC холбоо гарч ирсэн энэ холбооны талаар?

- Тийм бас нэг холбоо гарч ирсэн. Өрсөлдөөн бий болгох давуу талтай.

2018 онд манай холбоо У.Зориг захиралтай СПС ТВ-тэй хамтран 2 тэмцээн зохион байгуулсан. Тухайн үед манай холбооны дэд ерөнхийлөгч байсан. 

Тэрнээс хойш манай тэмцээнээс хуулбарлаж СПС ТВ-ийн зүгээс тэмцээн хийх болсон. Зарим зүйл дээр зөвлөх юм байдаг. Жишээ нь, 70 кг жинтэй хүнийг 61 кг жинтэй хүнтэй тулалдуулах жишээтэй энэ мэргэжлийн тулаан байж болохгүй нэг зүйл, бээлийн нимгэн бэртэл гэмтэл авахмагадлал маш өндөр бид тамирчдынхаа эрүүл мэндийг бодохгүй бол ирээдүй гэж үгүй шүү дээ. Мөн холимог тулааны аварга хамгийн сүүлд тулаан хийдэг ёстой.

- Холимог тулаанд аваргын хамгийн сүүл тулаан хийдэг ёстой гэлээ. Энэ талаар?

- Тийм, холимог тулаанд аваргын тоглолт оргил тулаан байх зарчим үйлчилдэг. Доошоо рангийн зэрэглэлээрээ тамирчид тулалддаг юм. MGL-1 FC гэдэг чинь монгол улсын нэг номер гэсэн үг шүү дээ. Энэ нэг болонхоёр номерын тамирчид олон улсад тулалдах эрхтэй байдаггэсэн хэм хэмжээг тогтоохын тулд манай холбоо ажиллаж байгаа. Энэ хэм хэмжээг зөрчин MFC хамаагүй тамирчдыг оруулж тэмцээн зохион байгуулсан тал дээр бид холбооны зүгээс зохих саналыг хүргүүлсэн байгаа.

- Холимог тулаан бусад тулаанаас юугаараа ялгаатай бэ.

- Анх Монголд дүрэмгүй зодоон гэж ойлгодог байсан. Аварга Сумъяабазар ах, Сумо бөхийн аварга Д.Дагвадорж нар 2002 онд Мэргэжлийн бөхийн гэж нэрлээд анхны тэмцээнийг зохиож байсан түүхтэй.

Харин бид бие хамгаалах урлагийн тамирчид, тулаанытамирчид төдийгүй бөхийн  барилдааны бүх төрөл орж болдог гэсэн үүднээс Холимог тулаан гэж нэрлэн тэмцээнээ зохион байгуулах болсон. Анхны тэмцээнийг зохион байгуулах гэж Япон Улсын мэргэжилтэн багш Араи Жүн Ичи багшаар шүүлгэж, зөвлөгөө аван хийж байлаа. Араи багшийн хувьд холимог тулаан, кикбокс,каратегээр монголд одоо хүртэл идэвхитэй үйл ажиллагаа явуулж, монголын тамирчдыг сурган хүмүүжүүлэхэд асар их хувь нэмэр оруулж байгаа багш юм. Манай Дэлхийн аварга Ж.Нарантунгалагийн багш шүү дээ

- Та сая бие хамгаалах урлаг гэлээ. Монголд бие хамгаалах урлагийн хэдэн холбоо байдаг вэ.

- Бие хамгаалах урлаг дотроо маш олон янз байдаг.Жишээ нь, ИКО карате Олон Улсын Каратэгийн холбоонысалбарын Дарга Д.Чинзориг, Шинэ киокушин каратэгийн холбооны салбарын дарга Гомбогэрэл, Олон Улсын таеквондо, Дэлхийн таеквондо, Монгол -Зо Үндэсний бие хамгаалах урлагийн холбоо үүсгэн байгуулагч Д.Отгонбаяр, Гардан тулааны холбооны үүсгэн байгуулагч МУ-ийн тулааны гавьяат багш Г.Хаянгарваа гээд маш олон холбоо байдаг.

Одоо Фитнесс болгон бас тулааны багштай болсон байна. Тасралтгүй, эрчимтэй үйл ажиллагаа явуулдаг холбоодыг  нэрлэлээ. Энэ холбоодоос гарсан тамирчид одоо манай тэмцээнд өрсөлдөж байгаа. Та бүхэнд баярлалаа гэж хэлье.

- Монгол Улсын  тулааны урлагийн хэдэн гавьяат байгаа бэ.

- Холимог тулааны LEGEND, ONE CHAMPIOHSHIP  Дэлхийн аваргын бүсийг манай холбооны үүсгэн байгуулагчдын нэг  Ж.Нарантунгалаг монгол орондоо авчирч МУ-ын гавъяат тамирчин цолоор шагнагдсан.

Байлдааны самбийг монголд анх оруулж ирж, тухайн үеийн цагдан сэргийлэхийн ажилтнуудад зааж байсан Г.Хаянгарваа багш МУ-ын гавъяат багш болсон юм. Энэ хүний амьдрал тулааны урлаг болон бидэнтэй шууд холбоотой. Яагаад гэвэл энэ хүн анхны Монголын бие хамгаалах урлагийн бүх холбоод оролцсон Сонсогчийн алдар гардан тулааны тэмцээнийг зохион байгуулсан. Энэ тэмцээнд тухайн үеийн хамгийн шилдэг сайн тамирчид тулалдаж, дараа нь гадагшаа мэргэжлийн тэмцээнд явдаг байсны нэг нь би. 

- Та Таеквондогийн Дэлхийн аварга хэзээ болсон бэ.

-Тиймээ, миний хувьд 73 кг жинд Bulgaria Улсын Plovdiv хотод болсон 2019 онд Олон улсын таеквондогийн 21 дүгээр Дэлхийн аварга шалгаруулах тэмцээнээс тулааны төрлөөр Дэлхийн аварга гэсэн алдрыг анх удаа хүртсэндээмаш их баяртай байдаг. Манай баг хамт олон Дэлхийн 96 орноос  багаараа 11 байранд орж Монголын түүхэнд өмнө байгаагүй амжилт үзүүлж чадсан. Баг хамт олныг дасгалжуулж амжилттай оролцуулж чадсан багш Хөдөлмөрийн гавъяаны Улаан тугийн одонт Баярмөнх, холбооны нарийн бичгийн дарга Оргил бусад багийн хамт олондоо цаашдын спортын тулаанд нь амжилтын дээдийг хүсье

- Танай үед хичээллэж байсан залуус одоог хүртэлбие хамгаалах урлагаар хичээллэдэг үү?

- Тиймээ, би түрүүн хэлсэн. Бие хамгаалах урлаг олон төрөл байдаг. Миний үед гарсан тамирчид бол тулааны урлагийн анхдагч нар гэж хэлж болно. 1995 оны Олон Улсын Таеквондогийн Шигшээ багаас гэхэд анхны эмэгтэй тулааны Дэлхийн аварга Жагаа, Гэрэлээ Мөн анхны кикбоксын дэлхийн аварга Контакткай карате Саруул-Од, ОХУ -ын Каратэгийн аварга Батжаргал Контакткай каратэ, Японы Улсын Мэргэжлийн кикбоксын аварга Ц.Амарбаясгалан, Холимог тулааны Дэлхийн аварга МУ-ын гавъяат тамирчин Ж.Нарантунгалаг болон миний бие гээд бүгд манай үеийнхэн анхдагч байж чадсандаа сайхан байдаг шүү. Бахархах зүйлтэй, одоо энэ залуусын үргэлжлэл шавь нар нь бие хамгаалах урлагийг үргэлжлүүлсээр явна. 

- Одоо холбооны цаашдын үйл ажиллагааны талаар яриач.

- Манай холбооны энэ жилийн төлөвлөгөө Короно вирусын тархалттай холбоотойгоор бүх тэмцээн хойшлогдож байна. 2 дугаар сард төлөвлөгөөгөөрбол холимог тулааны 2 шинэ аварга төрөхөөр байлаа. Бид энэ жилээс сорил тулаанд шалгарсан тамирчид, тулаанд орж байгаа тамирчиддаа  Тамирчдын карт нээж байгаа. Энэ картыг холбоо баталгаажуулах бөгөөд Монголд MGL-1FC тэмцээнд тулалдсан түүх он сартайгаа, ялалт ,ялагдал бүгд тэмдэглэгдэх тул тухайн тамирчны мэдээллийг энэ картнаас харж мэдэж болохоороо давуу талтай юм.

- Холбооны аваргуудаас ямар ямар аварга хаана тулалдаж байна.

- Одоо ONE CHAMPIONSHIP 70 кг жингийн аварга МУ-ын гавъяат тамирчин Ж.Нарантунгалаг, мөн Ц.Амарсанаа, 65 кг жингийн аварга З.Шинэчагтга, АНУ -ын  UFC холбоонд 66 кг жингийн аварга Д.Батгэрэл, Велатор холбоонд 70 кг жингийн аварга Х.Амартүвшин тулалдаж байна.

- Гадаад явж байгаа тамирчинг яаж холбодог бэ.

- Манай холбооны сайн аваргуудад гадаадын холбоодоос санал тавьдаг. Мөн С.Анар гэж манай киокушин каратегаар хичээллэдэг залуу  Солонгосын Улсын холимог тулааны ROAD холбоо мөн АНУ -ын UFC холбоонд,бас Японы мэргэжилтэн багш Араи Жүн Ичи ONE CHAMPIONSHIP, СПС телевизын захирал У.Зориг ONE CHAMPIONSHIP гэрээ хийж өгч тулалдуулж байна. Мэргэжлийн холбоод тамирчинтай менежереер холбогдож гэрээ байгуулах дуртай байдаг юм. Бидний гол зорилго сайн аварга төрүүлэхэд оршино. Холимог тулааны аль ч холбоо тэр сайн тамирчинг авахыг хичээдэг.

- За ярилцлага өгсөнд баярлалаа. Танд ажлын амжилт хүсье.

- Монгол Улсынхаа төрийн далбаа, уухай дууг дэлхийд хадааж байгаа холимог тулааны аваргууддаа баярлалаа. Мөн Холбооны удирдлага болон нийт гишүүд, ивээн тэтгэгч байгууллага, тулааны урлагийг сонирхон дэмжигч бүхэндээ баярлалаа.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй5 сар 16. 16:26“Дом, шившлэгтэй” хэвлэлийн хурлууд үргэлжилсээр…5 сар 16. 16:16УИХ-ын дарга Г.Занданшатар МУБИС-ийн оюутнуудад d-parliament цахим системийг танилцууллаа5 сар 16. 14:30Ц.Содномдорж: Д.Баярмагнай прокурортой Сингапурт саатуулагдсан гэдэг ор үндэслэлгүй мэдээлэл5 сар 16. 11:02Прокурор асан Д.Баярмагнай: Сингапурт казино орсон нь ҮНЭН. Хулгай хийсэн нь үнэн юм бол тэд намайг хилээрээ гаргах уу5 сар 14. 10:58Газрын түрээсийн төлбөрийг Чойжин ламын сүм музей төлж, хувийн хэвшил орлогыг нь авдаг байсныг зогсоолоо5 сар 13. 21:08ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв5 сар 12. 16:29Токиод “дархлагдсан” Элчин сайд Д.Батжаргалын бүрэн эрхийн хугацаа дуусчээ5 сар 12. 12:46БНСУ-ын Ерөнхийлөгч монгол иргэдийг визгүй зорчиход анхаарч ажиллахаа илэрхийлжээ5 сар 11. 19:08Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА5 сар 11. 13:26М.Батбаяр: Наадмын найруулагчид 19 хүний нэр яригдаж байгаа, баасан гарагт тодруулна5 сар 11. 13:25“Автомашингүй өдөр“ зам хаагуур хаах вэ5 сар 11. 13:24Лам “Сэржим өргүүлэх“ нэрийдлээр 15 настай охиныг дуудаж, хүчирхийлсэн байж болзошгүй хэрэг гарчээ5 сар 11. 12:40Ипотекийн зээлийн хүүг буруулах боломжийн талаар Засгийн газрын хуралдаанд танилцуулж байна5 сар 11. 12:37Ослын улмаас дөрвөн бяцхан үрс эцэг, эхээ алдаж, ТӨР оршуулгын зардал өгөхөөс ТАТГАЛЗЖЭЭ5 сар 11. 12:32Гар утас, машины дугаарт АЧ ХОЛБОГДОЛ өгдөг буруу хандлагаа “Үсэг булаацалдаж“ хүүхдүүддээ ӨВЛҮҮЛЖ болохгүй5 сар 11. 12:31Д.Амгалан: Төрийн банк эрх мэдэлтэй албан тушаалтай хүмүүсийн мөнгө угаах хэрэгсэл болсон байна5 сар 11. 12:31Ц.Элбэгдорж: Надад алдаж явсан үе бий, Гэхдээ “Пулемёт, онгоц, шалдан“ бол ХЭТРҮҮЛЭГ5 сар 11. 12:30ТЦА: ОХУ-ын Элчин сайд цагдаагаас зам асууж буй 4 жилийн өмнөх зургийг гаргаж буруу ташаа мэдээлэл түгээж байна5 сар 11. 12:29Ноён Бондгор хямд үнээр дүнзэн байшинтай болох боломжийг бүрдүүллээ5 сар 10. 18:04Ерөнхий сайд Л.Оюун-Эрдэнэ бэр эгч Ч.Ундралаа дарга болгожээ5 сар 10. 13:52В.Путин 10 гаруй улсад мэндчилгээ дэвшүүлэхдээ Монгол улсад мэндчилгээ дэвшүүлсэнгүй5 сар 9. 13:39Эрт илрүүлэг, үзлэг шинжилгээнд хамрагдсан 0-17 насны хүүхдүүдээс хавдрын сэжигтэй тохиолдол гурав илэрчээ5 сар 9. 11:54
© 2008 - 2022 он. Зохиогчийн эрх хуулиар хамгаалагдсан.