Аймгийн Онцгой комиссоос сэтгүүлчдэд мэдээлэл хийлээ. Өнгөрөгч долоо хоногт Улсын Онцгой комиссоос өгсөн чиглэлийн дагуу Сэлэнгэ аймгийн Алтанбулаг боомтоор ирж буй иргэдийг Орхон аймагт хүлээн авах, тусгаарлах ажлыг зохион байгуулсан. Иргэдийг тусгаарласан байрыг холбогдох байгууллагууд хамгаалалтад аваад байна. Дээрх ажлыг аймгийн Эрүүл мэндийн газар, Мэргэжлийн хяналтын газар, Онцгой байдлын газар, Цагдаагийн газар, БОЭТ, Эрдэнэт сувиллын цогцолборын албан хаагчид, эмч мэргэжилтнүүд хамтран зохион байгуулж буй. Үүнтэй холбоотойгоор Улсын Онцгой комиссоос томилогдсон ажлын хэсэг манай аймагт ажилласан. Энэ удаад дараах мэдээллийг өглөө.
Аймгийн Онцгой байдлын газрын дарга Г.Ганбаатар: Эрүүл мэндийн яамнаас хоёроос дээш хүн нэг дор цуглахыг бөөгнөрөл гэж үзнэ гэж мэдэгдсэн. Тиймээс эцэг, эхчүүд хариуцлагатай байх хэрэгтэй байна. Ихэвчлэн 14-18 насны хүүхдүүд гадуур их бөөгнөрч байна. Өнөөдрөөс эргүүл ажиллаж сургууль, орон сууцны байруудын гадаах талбайд бөөнөөрөө тоглож буй хүүхдүүдийн эцэг, эх, асран халамжлагчдад “Зөрчлийн тухай” хуулиар хариуцлага тооцно. Мөн сургууль, цэцэрлэгүүд, багш нарт өөрийн сурагчдад хараа хяналт тавих чиглэлийг өгнө гэлээ.
Эрүүл мэндийн газрын дарга Ц.Мөнхцэцэг: Өнөөдрийн байдлаар Орхон аймагт 86 иргэнийг тусгаарлаж, ажиглалтад аваад байна. 3 сарын 22-нд 1 дүгээр ээлжээр 44, 23-нд 2 дугаар ээлжээр 37 иргэнийг тус тус хүлээн авсан. Үүн дээр урьд нь тусгаарлалтад байсан 5 иргэн бий. Тэднийг Эрдэнэт сувиллын цогцолбор болон БОЭТ-ийн Халдвартын тасагт байрлуулсан. Сэжигтэй нэг тохиолдлыг, ойрын хавьтлын хүмүүсийн хамт тусгаарласан. Харин ажиглалтын байранд байгаа иргэдэд вирусийн шинж тэмдэг илрээгүй байна. Мөн гэрийн тусгаарлалтад 16 иргэн бий. Тусгаарлах байрыг хотын төвөөс хол байрлуулах хэрэгтэй гэх байр суурьтай хүн цөөнгүй бий. Гэхдээ одоогоор хотоос зайдуу байршилд нөхцөл, шаардлага хангах байгууламж, газар байхгүй. ХӨСҮТ-өөс хотод тусгаарлахад хориглох зүйлгүй гэх зөвлөмжийг өгсөн гэсэн юм.
www.erdenet.mn
Хүрээ амаржих газрын удирдлага М.Мөнхсайхан, Д.Цэцгээ, жижүүр эмч, төрөх тасгийн эмч нартай хариуцлага тооцоё
ФИДИК-ийн загвар гэрээний үнэ тогтоох, ажил хүлээлцэх асуудал
“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна
“Нээлттэй –Хөвсгөл-2023” арга хэмжээ Улаанбаатарт болно
Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана
ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА
ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ
Хүүхэд хамгааллын хөтөлбөр
7 сэтгэгдэлСэтгэгдэл бичих
Тооцооч тэгээд худлаа яриад л байхаас хийсэн юм байхгүй гадаа зөндөө л хүүхэд масктай маскгүй тоглож бна
Тоглоомын талбайд байж болдоггүй, харин суан фитнес амралтанд бол бхйж болох нь ээ дээ, аан.
Hvvhdvvd l gehiin ter narantuul deer baigaa boognrloo ehleed ogsoogoochee
Arai denduu olin huuhduud gaduur selguuzej bna aa arga hemjee avaad ehelvel arai iim nazgai bhgui l bolov uu
Багш яаж хараа хяналт тавих вэ? бүх айлаар хэсээд шалгаад явна гэсэн үг үү. Эцэг эх нь хариуцлагатай бай
Хариуцлага тооцоод өгвөл сайн байна. Арай гэж хүүхдээ гэрт нь тогтоогоод л гарахыг нь хориглоод байж байтал ангийнхан нь утасдаад дуудчихна. Хүүхэд болохоор үсрээд л гарчихна.
хүүхдээ маллаж чаддаггүй хүний үг байна даа