Хүүхдээ амны хаалтгүй, нимгэн хувцастай гадаа битгий тоглуул, эцэг, эхчүүд ээ

Шинэ төрлийн коронавирусийн халдвар аль хэдийнэ дэлхий нийтийн  хамарчихаад байна. НҮБ-ын гишүүн 194 орны 191-т нь энэ вирусийн халдвар тарсан, өчигдрийн байдлаар. Санаа амарч, сэтгэл тэнийх цаг болоогүй гэсэн үг.  Гэвч манайхан сэтгэл амарч, хөл хөдөлгөөн нэмэгдэх маягтай байна. Гадаа дулаарч, урин дулаан цаг ирсэнтэй ч холбоотой байх.  Өдөртөө +10-аас дээш хэм хүрч, дулаарч эхэллээ.  Энэ долоо хоногийн дундуур бага зэрэг хүйтрэх цаг агаарын мэдээлэл байгаа. Цаашид цаг агаар улам дулаарна.  Гадаа жаахан дулаарахад л хүүхдүүд гарч, тоглож эхэллээ. 

Өнгөрсөн амралтын өдрүүдэд хаврын урин дулаан өдөр тохиож,  хүүхдүүд өдөржин л гадаа тоглолоо.  Манай байрны өмнөх талбай нэлээд том, хүүхэд тоглоход болохоор. Хүүхдүүд унадаг дугуйгаа гаргаж унаад, скүүтэрээ ч "хөлөглөж" эхэллээ.  6, 7, цаашлаад 10-аараа гадаа тоглож байгаа харагдсан. Хамгийн эрсдэлтэй нь тэр хүүхдүүдийн тал нь амны хаалтгүй гадаа тоглож байна. Бас нимгэн хувцастай.  Орой нар бууж, сэрүүн орж байхад хүртэл хөнгөн нимгэн хувцастай тоглосоор байсан.  

Цэцэрлэг, сургуульдаа явахгүй, өвөлжин гэртээ хоригдсон хүүхдүүд гадаа гарч тоглохын хүслэн болж байгаа нь мэдээж.  Гэхдээ Монголд вирус илрээд, бүр 10 тохиолдол бүртгэгдчихлээ. Хэдийгээр гаднаас зөөвөрлөгдөж ирсэн, дотооддоо илрээгүй байгаа ч эрсдэл өмнөхийг бодвол хэд дахин нэмэгдсэн.  Аюул хаана ч биднийг отож байхыг үгүйсгэхгүй. Түүнээс гадна, эмч, мэргэжилтнүүд дулаан орохоор вирус идэвхижих магадлалтай гэдгийг ч анхааруулаад л байна. Яг баталгаатай биш л дээ. Гэхдээ бас тийм байх боломжгүй ч гэсэн үг биш. 

Тиймээс эцэг, эхчүүд ээ, ажилдаа явахдаа үр хүүхдүүдийнхээ аюулгүй байдалд анхаар. Эзгүй хойгуур чинь өдөржин гадаа тоглоод байх вий.  Амралтын өдөр ч гэсэн хүүхдүүдээ гадаа битгий тоглуулаад бай. Тэр дундаа амны хаалтгүй, нимгэн хувцастай гадаа гаргаж, бусад хүүхдүүдтэй хамт тоглуулна гэдэг эрсдэлийг эрс нэмж байгаа хэрэг.  ЭМЯ-аас өчигдөрхөн л хоёроос дээш хүн хамт байвал бөөгнөрөл гэж үзнэ, эрсдэлтэй гэж мэдэгдлээ. Тийм байхад 6, 7, цаашлаад 10 хүүхэд хамт, амны хаалтгүй нийлж тоглоно гэдэг маш аюултай биш үү. 

Ганцхан энэ жил л, вирусийн тархалт бууртал хүүхдүүдээ гадаа битгий тоглуул, эцэг, эхчүүд ээ. Хүүхэд чинь үнэхээр гарах гээд байвал амны хаалттай, нимгэн биш хувцастай, цөөн хэдэн минут л салхилуулбал яадаг юм гэхээс. Эсвэл гэр бүлээрээ, олон хүн бөөгнөрөхгүйгээр газар руу, цэвэр агаарт гарч, салхилсан нь дээр. Бусдаар бол гэрт нь байлга. Хөл хорионы үе болохоос сургуулийн зуны амралт биш гэдгийг сана.  Гэртээ уйдаад байвал комьпютер ч болов тоглуул. Вирус тусаж байснаас дэлгэц жаахан илүү ширтэх нь дээр. 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

АН, МАН тэргүүтэй 12 нам, эвслийн мөрийн хөтөлбөрийг Үндэсний аудитын газраас буцаалаа38 минут 1 секундын өмнөЯпонд залуус халдвар авах нь ихэсчээ45 минут 4 секундын өмнөЛивийн экс Ерөнхий сайд коронавирусын улмаас нас баржээ50 минут 4 секундын өмнөКоронавирус шинж тэмдэггүй хүнээс ч халдаж байна55 минут 4 секундын өмнөEQ чадвараа хѳгжүүлэх энгийн алхамууд1 цаг 1 минутын өмнөСолонгосын хойгийн нөхцөл байдлын талаар...1 цаг 6 минутын өмнөТАНИЛЦ: SAMSUNG гар утасны үргэлжлэл Galaxy S201 цаг 11 минутын өмнөЧернобылийн ойролцоо түймэр гарч цацраг идэвхт бодис 16 дахин ихэсчээ1 цаг 16 минутын өмнөЯдарсан царайг тань сэргээх энгийн таван маск1 цаг 21 минутын өмнөКПОП: Уран бүтээлчдээ илүүтэй тодотгодог фэндомууд1 цаг 26 минутын өмнө“Apple” компани нэг сая гаруй нүүрний хамгаалалт үйлдвэрлэнэ1 цаг 31 минутын өмнөДэлхийн гуравдугаар дайнд Хятад улс ялна1 цаг 36 минутын өмнөШувуу агнахгүй байхыг анхаарууллаа1 цаг 41 минутын өмнөСингапурын эрх баригчид эмнэлгийн маскыг үнэ төлбөргүй тарааж эхлэв1 цаг 46 минутын өмнөДуэйн Уэйд, Аарон Гордонтой “тулна”1 цаг 51 минутын өмнөС.Амарсайхан: Сүхбаатарын талбайн цэцэрлэгт хүрээлэнг тохижуулах иргэн Т.Ганболдын саналыг хүлээн авлаа1 цаг 54 минутын өмнөМейвезерийн охиныг хүчирхийлэл үйлдсэн хэргээр баривчилжээ1 цаг 56 минутын өмнөСаудын Араб, ОХУ нефтийн асуудлаар хэлэлцэнэ1 цаг 56 минутын өмнө"Точка"-ийн стиллэг залуусын гангараа2 цаг 1 минутын өмнөГерманд халдвар авсан хүний тоо 95 мянга давжээ2 цаг 6 минутын өмнөКэти Перри охин төрүүлнэ2 цаг 11 минутын өмнөБНСУ-д орон даяар 14330 санал авах байр ажиллана2 цаг 16 минутын өмнөХүн төрөлхтнийг газрын хөрснөөс арчих шахсан тахлууд2 цаг 16 минутын өмнөCOVID-19: Халдвар авсан эмч амиа хорложээ2 цаг 21 минутын өмнөСингапур коронавирусийн хяналтаа алджээ2 цаг 26 минутын өмнөХадлангийн талбайг уснаас хамгаалах ажил өрнөж байна2 цаг 31 минутын өмнө“Манчестер Сити” багийн хамгаалагч Кайл Уокер гэртээ үдэшлэг зохион сахилгын шийтгэл хүртжээ2 цаг 36 минутын өмнөЭнэтхэгт халдвар авсан иргэддээ зориулан галт тэргийг тусгаарлах тасаг болгон хувиргажээ2 цаг 41 минутын өмнөС.Гантулга: Гэр бүлийн хүрээнд үйлдэгдсэн бага насны хүүхдийг хүчиндэх гэмт хэрэг нуугдмал шинжтэй байгаа нь гэмт хэрэг давтан үйлдэгдэх шалтгаан болж байна2 цаг 44 минутын өмнөТим Данкан алдрын танхимын гишүүн боллоо2 цаг 46 минутын өмнө
© 2008 - 2020 он. Зохиогчийн эрх хуулиар хамгаалагдсан.