10 сая төгрөгийн цалин өгч, хаус бэлэглэх нам байна уу

Үндэсний аудитын газарт өчигдөр зургаан нам, хоёр эвсэл мөрийн хөтөлбөрөө гардуулж өглөө.  Одоо Аудитын газар нам, эвслийн мөрийн хөтөлбөр нь Монгол Улсын хөгжлийн урт хугацааны үзэл баримтлал, төсвийн тогтвортой байдлын тухай хуульд заасан тусгай шаардлагуудад нийцсэн эсэхийг хянана.  Бэлэн мөнгө тараах, үнэ төлбөргүй үйлчилгээ үзүүлэхээр амласан эсэх болоод дөрвөн жилд хэрэгжих боломжтой эсэхийг нь ч хянаж үзэх юм.  Түүний дараа намууд мөрийн хөтөлбөрөө олон нийтэд нээлттэй хүргэнэ.  Чухам ямар ямар зүйл амласныг нь тэр үед нарийн мэдэж болно.

Эхний ээлжинд намууд ямархуу гол зорилготой мөрийн хөтөлбөр боловсруулж байгаагаа товч танилцууллаа, өчигдөр.  Зарим нь мөрийн хөтөлбөрөө Аудитын газар гардуулж өгөхөөс ч өмнө гол зорилго, заалтаа ярьсан. Тухайлбал, МАН-ын мөрийн хөтөлбөрийн талаар УИХ-ын гишүүн, ЗГХЭГ-ын дарга Л.Оюун-Эрдэнэ МАН-ын тавдугаар бага хурлын дараа сэтгүүлчдэд мэдээлэл өгсөн. Тэрбээр "МАН-ын энэ удаагийн мөрийн хөтөлбөрт үндсэндээ дундаж орлоготой иргэдийг дэмжихэд чиглэх бөгөөд банкны зээлийн хүүг багасгах реформ, орон сууцжуулах хөтөлбөр тусгагдсан.  Нийгмийн даатгал төлж байгаа иргэн бүхэн орон сууцанд орох, түүнд нь төр оролцохоор байна" гэж ярьсан. Мөн зээлийн хүүг 1 хувь болгох асуудлыг ч дурьдаад авсан. 

Тэгвэл АН өчигдөр мөрийн хөтөлбөрөө өргөн барих үеэр УИХ-ын гишүүн З.Нарантуяа "АН-ын мөрийн хөтөлбөр бол “Монгол өрх хөгжлийн бодлого” нэртэй. Манай намын мөрийн хөтөлбөрийн гол чиглэл бол монгол айл өрх бүрийн амьдралын чанарт эрс өөрчлөлт гаргаж, өсөлтийг авч ирэх хөгжлийн хөтөлбөр гэж тодорхойлж байгаа. Бид бүтээдэг, сэтгэдэг, хийдэг хэсгээ дэмжинэ. Монгол өрх болгоныг дэлхийн дундаж орлоготой болгоход чиглэсэн. Ингэснээр иргэдийн дундаж цалин, бодит орлогыг 3 сая төгрөгт хүргэнэ" хэмээсэн. 

Харин МАХН ИЗННМУНН хамтарсан “Та бидний эвсэл” мөрийн хөтөлбөрөө өргөн барих үеэр МАХН-ын Ерөнхий нарийн бичгийн дарга Б.Тулга "Монгол хүний цалингийн дундаж хэмжээг таван сая төгрөгт хүргэхээр мөрийн хөтөлбөртөө тусгасан. Эдийн засгийн хүндрэл тооцоог маш сайн хийсэн" гэж мэдэгдсэн.  Тэгвэл ШИНЭ, "Үнэн ба зөв" гэх мэт 4 нам эвсэж, "Шинэ эвсэл" байгуулсан. Тэд мөрийн хөтөлбөртөө 200 мянган ажлын байр нэмэгдүүлэх гэх мэт ерөнхий зүйлсийг оруулсан талаараа ярьсан. 

Намуудын мөрийн хөтөлбөрийн гол зорилт нь янз бүр байгаа ч нэгнийхээ дээр гарах гэсэн амлалтын уралдааны шинжтэй нь мэдрэгдлээ. Яг л 2008 онд АН, МАН /тэр үеийн МАХН/ ам уралдан 1 сая, 1.5 сая төгрөгийг иргэддээ өгнө гэж амласантай ямар ч ялгаа алга.  12 жил өнгөрөөд байхад жижиг намууд нь биш юм гэхэд хоёр том нь ухаан суух ёстойсон. Гэвч яг л хэвээрээ.  Орон сууцны асуудлыг яаж шийдэхээрээ уралдаж байна.  МАХН намуудаас хамгийн түрүүнд бараг л үнэгүй орон сууц өгнө гэж ярьж эхэлсэн. Дараа нь Ж.Батзандан тэргүүтнүүд үргэлжлүүлсэн.  Одоо МАН бас цалин авч, НДШ төлдөг хүн бүрт орон сууц өгөх юм ярив.  Бүгд л тооцоо, судалгаатай, болно гэж ам уралдаж эхлэв.

Бас цалингийн амлалтууд хөвөрч эхэллээ.  Дундаж цалинг 3, 5 сая болгоно.  Тийм боломж манайх шиг ядарсан эдийн засагтай оронд байгаа бил үү.  Ганц төрөх эмнэлгийн хөрөнгө санхүүг, барих компанийнх нь асуудлыг шийдчихэж чадахгүй, авлига, хээл хахуульдаа живж суугаа улстөрчид ямар мөнгөөрөө цалин нэмэх гээд байгаа юм бэ. Монгол Улсын Сонгуулийн тухай хуулийн 38.1 зүйлд сонгуулийн мөрийн хөтөлбөр дөрвөн жилийн хугацаанд хэрэгжих хөтөлбөр байх ёстой гэж заасан. Дундаж цалинг 3-5 сая болгох, зээлийн хүүг жилийн 1 хувьд хүргэх, бүх хүнийг байранд үнэгүй шахуу оруулах амлалт биелэх үү. 

2008 онд иргэн бүрт 1.5 сая төгрөг өгнө гэж амлаад яасан билээ. Тавантолгойгоо "Чалко" гэдэг компанид барьцаалж,  350 сая ам.доллар зээлж, сар бүр 21 мянган төгрөгөөр нь тараагаад дуусгасан.  Түүнийх нь хар гайгаар Тавантолгойн уурхайнхан өрийг нь дарах гэж 10-аад жил яаж зүдрэв. Энэ талаар дэлгэрүүлж бичвэл, амлалтынх нь гай өнөөдрийг хүртэл эдийн засагт ямар хор хөнөөл учруулж буй тоочвол барагдахгүй их. Гэтэл намууд дахиад л яг тэр үеийнх шиг амлалт өгч, уралдаж эхэллээ.  Яг л бооцоот тоглоом тоглоод, бооцоогоо өсгөж дайрдаг донтогчид шиг л. 

Хоёр том нам, хоёр эвслийн мөрийн хөтөлбөрийн зах зух ийм байна. Дахиад цаана нь 4 нам байгаа.  10 саяын цалинтай болгоно, хаус бэлэглэнэ гэж амлавал яах юм.  Мөрийн хөтөлбөрөө солих уу, амлалтаа албан бусаар давуулж гаргах уу.  Одоо жаахан бодлогын чанартай юм яриач ээ. Үйлдвэрээ барьж, нэмүү өртөг шингэсэн бүтээгдэхүүн хийх хэрэгтэй байна.  Авлигачин, хээл хахуульд автсан, идэж уухын дон шүглэсэн дарга нартай тэмцэх амлалт өгөөч дээ ядаж. Ард түмэн одоо 5 саяын цалин, орон сууцтай болох амлалтад итгэнэ гэж бодож байна уу.  Хамгийн их хүсэж байгаа зүйл нь мөн үү.  Үгүй, иргэд хамгийн ихээр авлигачидыг үнэн мөнөөр нь шүүж, ард түмнээс хулгайлсан бүхнийг нь буцааж авахыг хүсэж байгаа.  Ядаж ийм амлалтыг худлаа ч болов өг. 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Дуэйн Уэйд, Аарон Гордонтой “тулна”38 минут 37 секундын өмнөС.Амарсайхан: Сүхбаатарын талбайн цэцэрлэгт хүрээлэнг тохижуулах иргэн Т.Ганболдын саналыг хүлээн авлаа42 минут 30 секундын өмнөМейвезерийн охиныг хүчирхийлэл үйлдсэн хэргээр баривчилжээ43 минут 37 секундын өмнөСаудын Араб, ОХУ нефтийн асуудлаар хэлэлцэнэ43 минут 37 секундын өмнө"Точка"-ийн стиллэг залуусын гангараа48 минут 37 секундын өмнөГерманд халдвар авсан хүний тоо 95 мянга давжээ53 минут 37 секундын өмнөКэти Перри охин төрүүлнэ58 минут 37 секундын өмнөБНСУ-д орон даяар 14330 санал авах байр ажиллана1 цаг 4 минутын өмнөХүн төрөлхтнийг газрын хөрснөөс арчих шахсан тахлууд1 цаг 5 минутын өмнөCOVID-19: Халдвар авсан эмч амиа хорложээ1 цаг 9 минутын өмнөСингапур коронавирусийн хяналтаа алджээ1 цаг 14 минутын өмнөХадлангийн талбайг уснаас хамгаалах ажил өрнөж байна1 цаг 19 минутын өмнө“Манчестер Сити” багийн хамгаалагч Кайл Уокер гэртээ үдэшлэг зохион сахилгын шийтгэл хүртжээ1 цаг 24 минутын өмнөЭнэтхэгт халдвар авсан иргэддээ зориулан галт тэргийг тусгаарлах тасаг болгон хувиргажээ1 цаг 29 минутын өмнөС.Гантулга: Гэр бүлийн хүрээнд үйлдэгдсэн бага насны хүүхдийг хүчиндэх гэмт хэрэг нуугдмал шинжтэй байгаа нь гэмт хэрэг давтан үйлдэгдэх шалтгаан болж байна1 цаг 32 минутын өмнөТим Данкан алдрын танхимын гишүүн боллоо1 цаг 34 минутын өмнөГ.Занданшатар: Тайвшрах цаг яагаа ч үгүй, дэлхий даяар нөхцөл байдал хүнд байна1 цаг 35 минутын өмнөБарселона багийн дэд ерөнхийлөгч халдвар авчээ1 цаг 39 минутын өмнөБНХАУ коронавирусийг ялан дийлсэнд зориулж хиймэл дагуул хөөргөнө1 цаг 44 минутын өмнө"Тайландад байдал хүндрээгүй, эрсдэл бага дээр нь иргэдээ авчихаасай гэж горьдож байна"1 цаг 49 минутын өмнө7 сар хүртэл жүдо бөхийн ямар ч тэмцээн зохион байгуулагдахгүй1 цаг 49 минутын өмнөС.Мөнхтөр: Хаваржилт хэвийн байна1 цаг 54 минутын өмнөВладимир Путиний гэрээсээ ажиллах хугацааг долоо хоногоор сунгалаа1 цаг 59 минутын өмнөCOVID-19: Хүүхдүүдэд зориулан "Харри Поттер гэртээ" сайтыг ажиллуулж эхэлжээ2 цаг 4 минутын өмнөФилиппинд коронавирусийн дүрмийг зөрчсөн хүнийг бууджээ2 цаг 9 минутын өмнөОршин суух үнэмлэхээ гээсэн бол яах вэ2 цаг 14 минутын өмнөНью-Йоркт халдварын шинэ тохиолдлын тоо анх удаа буурлаа2 цаг 19 минутын өмнө“Эрдэнэс Тавантолгой" ээлжит мэдээллээ хийж байна2 цаг 24 минутын өмнөБ.Ууганбаяр: Тусгай машинаар дарга цэргийн хүүхдийг зөөсөн асуудал байхгүй2 цаг 29 минутын өмнөЕрөнхийлөгч Х.Баттулга: УИХ-ын сонгуулийг хойшлуулахаас өөр арга зам алга байна2 цаг 34 минутын өмнө
© 2008 - 2020 он. Зохиогчийн эрх хуулиар хамгаалагдсан.