Д.Нарангэрэл: БНСУ руу явах хүсэлтэй иргэд очоод өөрсдийнхөө зардлаар 14 хоног тусгаарлагдана

ЭМЯ ээлжит мэдээллээ хийлээ. Энэ үеэр ЭМЯ-ны Тандалт судалгааны албаны дарга Д.Нарангэрэл хэлэхдээ,

“Дэлхийн 202 улсад өвчлөл бүртгэгдсэн байна. ОХУ-ын Эрхүү хотод анхны тохиолдол бүртгэгдлээ. АНУ, Испани, Иран, Итали, Герман, Швейцарь улсуудад эрчтэй тархаж байна. АНУ анхаарлын төвд орсон байна. 89 хоригдол нэгэн зэрэг өвдөх тохиолдол гарсан. Энэ нь өвчлөл голомтлон тархах эрсдэл мөн гэж судлаачид үзэж байна. Тиймээс Д.Трамп дөрөвдүгээр сарын 30 хүртэл зай барих шийдвэрээ хэвээр нь байлгахаар болжээ. Ямар нэг конгрессийн хурал зөвлөгөөнийг арваас доошгүй хүнтэй хийх гэх мэт шийдвэр гаргасан.

Тусгай үүргийн онгоцоор БНСУ руу явах иргэд саналаа өгсөн. Тус иргэд БНСУ-д очоод өөрсдийнхөө зардлаар 14 хоног тусгаарлагдана. Азийн орнуудад хоёр дахь давалгаа эхэлж байгаа учраас хөл хориогоо улам чангатгаж байна.

Тусгаарлалтад байгаа хүмүүс сэтгэлийн амар амгалан эрэх хэрэгтэй гэдгийг ДЭМБ-ын захирал Теодорс тэмдэглэн хэлсэн байна. Мөн

-Эрүүл зөв хооллох, хүүхдийнхээ хооллолтод маш их анхаарах

-Архины хэрэглээнээс татгалзах, чихэрлэг ундаа өгөхөөс татгалзах

-Тамхинаас татагалзах

-Идэвхтэй дасгал хөдөлгөөн хийх

-Сэтгэлзүйн эрүүл  мэнддээ онцгой анхаарах гэсэн зөвлөмжүүдийг ДЭМБ-аас өгч байна.

Тиймээс телевиз, хэвлэл мэдээллийн хэрэгслүүдийг иргэдийг тайван амгалан байлгах хөгжөөнт цэнгээнт нэвтрүүлгийг эфирийнхээ 40-өөс доошгүй хувьд оруулж, нийгмийн хариуцлагын хүрээнд хамтран ажиллаж, цар тахлыг хохирол багатай даван туулахад дэмжлэг үзүүлээч гэсэн уриалга гаргасан” гэв.