Монголбанкнаас Ковид-19 цар тахлын үед эдийн засаг, банк, санхүүгийн салбарт үзүүлэх сөрөг нөлөөг бууруулах зорилгоор шаардлагатай боломжит арга хэмжээг бусад улс орнуудын туршлага болон холбогдох хууль тогтоомжид нийцүүлэн хэрэгжүүлж байна. Эдгээр арга хэмжээг зөвхөн мөнгөний бодлогын арга хэрэгслээр хязгаарлалгүй, макро-зохистой бодлого болон хяналт шалгалтын хүрээнд банкуудад мөрдүүлдэг зарим нэг шаардлага, шалгуур үзүүлэлтийг түр хугацаанд уян хатан байдлаар өөрчлөн тогтоох арга хэмжээг мөн багтаасан болно.
Зээлдэгчийн зээлийн эргэн төлөх нөхцөлийг дахин өөрчлөх, эргэн төлөлтийн доголдолтой зээлийн ангилал, зээлийн түүхийг түр хугацаанд бууруулахгүй байх асуудлыг бие даан шийдвэрлэх боломжийг банкуудад олгоод байгаа билээ. Ингэснээр зээлдэгчид зээлийн үндсэн болон хүүгийн төлбөрөө түр хугацаагаар эргүүлэн төлөх боломжгүй тохиолдолд тухайн зээлдэгчийн зээлийн ангиллыг хэвээр үлдээж, Зээлийн мэдээллийн санд ангилал бууруулж мэдээлэхгүй байх боломжийг бүрдүүлж байна.
Энэ арга хэмжээний хүрээнд Төрөөс хэрэгжүүлж буй орон сууцны ипотекийн хөнгөлөлттэй хүүтэй зээл авсан иргэдийг хамруулах зорилгоор Монголбанк, Сангийн яам, Монголын Ипотекийн Корпораци ОССК ХХК болон банкууд хамтран дараах шийдвэрийг гаргалаа. Үүнд:
Орон сууцны ипотекийн 8 эсхүл 5 хувийн хүүтэй зээл авсан иргэн зээлийн эргэн төлөлтийн хуваарьт өөрчлөлт оруулах хүсэлт гаргасан тохиолдолд зээлийн үндсэн болон хүүгийн төлбөрийг нэг удаа 3 хүртэлх сараар хойшлуулж, тухайн хугацаагаар зээлийн эргэн төлөлтийн хуваарийг уртасгах;
Зээлийн эргэн төлөлтөд нь 2020 оны 1 дүгээр сарын 31-ний өдрөөс хойш доголдол үүссэн зээлдэгчид энэхүү зохицуулалт үйлчлэх боломжтой бөгөөд доголдол үүссэн хуваарьт өдрөөс эхлэн эргэн төлөлтийг хойшлуулах хугацааг тооцох;
Зээлдэгч зээлийн эргэн төлөлтөд өөрчлөлт оруулах хүсэлтээ 2020 оны 5 дугаар сарын 1-ний өдрөөс өмнө харилцагч банкиндаа гаргана.
Эх сурвалж: Mongolbank.mn
9 сэтгэгдэлСэтгэгдэл бичих
ard tumniig shuldag zeel.45 say tog awaad 6 jil tolohod 26 say tog.undsen zeelees 4 hasagdaj bna
Хүмүүс ээ юу болоод байна аа. Банкнаас зээл аваад төлөхгүй хугацаа хэтрүүлээд нэхүүлээд догодол үүсгээд байгаа зээлдэгчидийг төр хөхүүлэн дэмжээд зээл хүүг н тэглээд дэмжээд байдаг. байгаагаа шавхаад нөөц бололцоогоо дайчлаад бусдаас түр зээлээд банкны өмнө гэрээгээр хүлээсэн үүргээ шудрага биелүүлж байгаа зээлдэгчид төрийн анхаарлын гадна үлддэг муу жишиг тэтэгвэрийн зээл 0 лэснээс хойш давтагдах боллоо. Тэхээр болж л өгвөл зээлийн төлөлт дээр доголдол үүсгээд байвал дээдсийн эвээлд багтах юм байна. Та догодол үүсгээгүй бол хугацаа сунгах
Наад шийдвэрийг чинь арилжааны банк нэртэй гадны хөрөнгө оруулалттай мөнгө хүүлэгч нар чинь зөвшөөрөх үү. Үгүй зөвшөөрөхгүй. Иргэд дандаа хэлээд байна. Хүү багатай гадны том банкуудыг оруул, үнэ багатай гадны ШТС-уудыг оруул гээд байна ш дээ. Одоо шатахуун, банк 2 дээр дорвитой шинэчлэл хийх хэрэгтэй байна. Тэгж чадвал танай намыг 100 хувь дэмжинэ шүү
Банкнууд ийм шийдвэр гаргасан дор зүгээр байсан дээр амиа аргацаасан арга. Засгаас үнэхээр банкны талаар шийдвэртэй арга хэмжээ авах цаг болсон. Тэд тайлбарлахдаа хүүгийн 3%ийн зөрүүгээр банк амьдарч байна гэнээ Гэтэл 1000 хүний 100 хүн хадгаламжтай, мөнгө хүүлж, бусад 900 хүн зээлтэй зэлээ 2 дахин нугалж төлж байна шүү дээ. үүн дээр л банк тоглож байна.
shal hudlaa l bn leeshde.
Өнгөрдөг 9 сард голомтоос ипотекийн зээл авч чадалгүй банкны өндөр хүүтэй зээл авсан.Энэ мэт банкнуудын луйвар ханахгүй юм байна лээ. Хэрэгцээ учир зээл авахаас аргагүй болсон доо.
Ийм мангар мангар шийдвэр гаргаж байхаар наад хорио, цээрээ хурдан цуцалж аж ахуйн нэг, иргэдийн ажлыг хийлгүүл.
Mal mal ene aimshigt uwchin yax we
Яг үнэн үү. Голомт банкны нэг ууртай, ширүүн хүүхэн, ипотекийн зээл хамааралгүй. Зээлээ төл гээд утсаар тачигнаж байна лээ. Үнэн бол ашгүй дээ. Орлого орж ирэхгүй яая даа гэж бодож байсан юм. Төрдөө баярлалаа.