Монгол Улсын Ерөнхийлөгч Х.Баттулга өнөөдөр Сонгуулийн ерөнхий хорооны (СЕХ) дарга, гишүүдтэй уулзаж, өмнөх уулзалтаас гарсан үр дүн, цар тахлын нөхцөлд сонгуульд хэрхэн бэлтгэж байгаа талаар мэдээлэл сонсож, ярилцлаа.
СЕХ-ны гишүүд УИХ-ын Төрийн байгуулалтын байнгын хороо, Засгийн газар, Улсын онцгой комисс болон Эрүүл мэндийн яамны удирдлагуудтай цар тахлын нөхцөлд сонгууль хэрхэн явуулах асуудлаар санал бодлоо солилцож, хуулиар хүлээсэн үүргийнхээ дагуу сонгууль явуулах бэлтгэл ажлаа базааж байгаа гэв.
Гэсэн ч эрсдэлтэй, бодит аюул байгаа гэж СЕХ-ны гишүүд үзэж байна. Тухайлбал, СЕХ-ны гишүүн Р.Содхүү “…нэр дэвшигчдэд хуулиар олгогдсон сонгуулийн сурталчилгааг хийх, өрх бүрээр явж сонин, сэтгүүл тараах зэрэг эрхийг нь хязгаарлах боломжгүй…” байгааг эрсдэлтэй гэж үзэж байна гэлээ.
Мөн СЕХ-ны гишүүн О.Амгаланбаатар өнөөдрийг хүртэл сонгуулийг хэрхэн хийх зөвлөмж гаргаагүйгээс болж зардал хэрхэн нэмэгдэхийг ч тооцоолоогүй байгаа гэсэн юм. Мөн сонгуулийн сурталчилгаа хийх, нийтийн уулзалт хийх эрх нь хуулиар нээлттэй, нэр дэвшигчдийн тэгш өрсөлдөх эрхийг хангахын тулд эдгээр эрхийг хасаж болохгүй байгаа нь цар тахлын үед онцгой анхаарал хандуулах асуудал хэмээн харж байгаа гэлээ.
Монгол Улсын Ерөнхийлөгч Х.Баттулга цар тахлын үед уламжлалт аргаараа сонгууль явуулах боломжгүй гэж үзэж байгаа бөгөөд СЕХ-ны зүгээс тулгарч байгаа асуудлаа нээлттэй ярилцаж, холбогдох байгууллагуудад нь хүргүүлэх ёстой гэсэн юм.
Мөн энэ удаагийн уулзалтаар 2020 оны УИХ-ын ээлжит сонгуульд ойролцоогоор 470 гаруй орчим тэрбум төгрөг зарцуулагдахаар байгаа нь цар тахлын эсрэг одоогийн зарцуулсан төсвөөс хэдэн арав дахин их байгаа талаар ярилцав.
Тухайлбал, 2020 оны УИХ-ын ээлжит сонгуульд хамгийн олон буюу 800 орчим нэр дэвшигч өрсөлдөнө гэсэн урьдчилсан тооцоо гарчээ. Холбогдох байгууллагаас хийсэн зардлын судалгаагаар улсын дунджаар нэг нэр дэвшигч сонгуульд 474.4 сая төгрөгийн зардал гаргана гэж үзвэл нэр дэвшигчид 379.5 тэрбум төгрөг зарцуулна гэж тооцсон байна.
Харин сонгуульд оролцох хүсэлтээ өгөөд буй 19 нам, эвсэл тус бүр хамгийн багадаа таван тэрбум төгрөг зарцуулна гэж үзвэл 95 тэрбум төгрөгийн зардал гарахаар байна. Ингээд нам, эвсэл, нэр, дэвшигчдийн зүгээс сонгуульд ойролцоогоор 474 тэрбум төгрөг зарцуулах урьдчилсан тооцоо гарчээ.
Монгол Улсын Ерөнхийлөгч Х.Баттулга дэлхийг хамарсан цар тахлын улмаас иргэдийн халаас нимгэрч, үйл ажиллагаа нь зогссон аж ахуйн нэгжүүдийн санхүүгийн байдал улам хүндэрсээр буй энэ үед дээр дурдсан хэмжээний мөнгийг зарцуулан сонгууль явуулах нь зохистой алхам эсэхийг бүх шатандаа бодолцон үзэх нь чухал байгааг тэмдэглэлээ.
Уулзалтын төгсгөлд, УИХ-ын ээлжит сонгуулийг эрсдэл багатайгаар зохион явуулах, сонгуулийн үеэр халдварын тархалтаас урьдчилан сэргийлэх шийдлийг тодорхойлох, нөхцөл байдлыг бодитоор үнэлж, дүгнэлт хийх асуудлаар эрх бүхий холбогдох байгууллагуудын оролцоотой олон талт уулзалт хийхээр боллоо.
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Ерөнхийлөгч Х.Баттулга, Ерөнхий сайд У.Хүрэлсүх нар өнөөдрөөс тусгаарлагдана
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ерөнхийлөгч У.Хүрэлсүх зарлиг гаргажээ
Ерөнхийлөгч У.Хүрэлсүх: Архи эрчүүд биднийг ууж байна
“Илгээлт-2100” хөтөлбөрийн хүрээнд 428 хүүхдэд захиа, даалгавар гардуулжээ
Ерөнхийлөгч тэтгэвэр, тэтгэмж нэмэх чиглэлийг ЗГ-т өглөө
Ерөнхийлөгч У.Хүрэлсүх өнөөдөр төрийн дээд цол, одон медаль гардуулна
7 сэтгэгдэлСэтгэгдэл бичих
Gishuudiin khiisen ajlin tailan geed tom tom nomuud l taraagdaad baina daa.Yamar ih mungutei humuus baidag uym be.Hend heregtei uym bol doo.
100 ilvv surguuli barih horongo baina juch bvteedeggvi ed nar arai heterh jum zardlig n hasah arga baival zvgeer l jum
Xoishluul
470 гаруй тэрбум төгрөгийг 4 сар ажилгүй, орлогогүй байгаа иргэддээ, нийт иргэддээ тэгш олгочихвол буян болно. Өөрсдийгөө худал магтсан олон хуудастай зурагтай сэтгүүлээр чинь яахав дээ. Тэрийг чинь хүмүүс идэх биш. Гэр бүл, эхнэр, нөхөр чинь бусдад ер хамаагүй учир сурталчлаад ч хэрэггүй. Хамгийн бага зардал сонгуулиар гаргасан нэр дэвшигч сонгогдсон хойноо ч мөнгө бодохгүй ажлаа тайван хийнэ дээ.
Bolio ta nar hezee iim ih horongo garch baisan um be ???? hot aimag dyyreg bolgon songuuliin bairaa beldeed l boloo urd bid tegeed l ogch baisan…odoo gadniihniig duuraij deven delhiigeer tenej luivar hiij eldev um, mongo taraah huivaldah ajlaa l hiideg ta nar !!!!! Ner devshigchidee tanilzuul ..!!! Bid yavj ochood haryatai gazraa ochood songoltoo hiichihne….iim ih horongo zarj toglodogoo zogsoo !!!!!!!!!!!!!!!!!!!!!!!!!!!! Olnooroo zuglahch hereggui , uhuulga hiihch hereggui tanilzuulga baihad l boloo ….Ard tymen heniigee sngohoo medne………...
Хэн ч уншихгүй олон хуудас сэтгүүл, ном хоцрогдсон. Ядаж гал асааж болохгүй хог болдог. Айл бүр хогийн саванд хийдэг, эсвэл гадуур сэтгүүлүүд чинь хог болоод хүний хөл доор хийсээд явж байдаг. Их зардал гаргаж мөнгө хий дэмий урсгасан нэр дэвшигчид цаг, мөнгөний гарз л болно доо. Сэтгүүл тараагаад тэрийг чинь унших хүн байхгүй, ухуулагч хөлслөөд ч нэр дэвшигч өөрөө чадвартай хүн биш бол ямар ч нэмэргүй.
Юун 474 сая вэ? тэнэгтээд байцгаагаач. Фб хуудас, пэйж, комментоороо сурталчилгаа хийгээд хандиваар 10-20 сая төгрөг ирвэл 4-5 хуудас мөрийн хөтөлбөр, 1 хуудас зурагт плакат тараагаад болоо. Их мөнгө гаргаад нэмэргүй. Ямар ч мөнгөгүй хэрнээ бие даагаад нэр дэвшиж байнаа.