Өнгөрсөн онд эрүүл мэндийн салбарынхны үр дүнгийн урамшуулал 45 хувь байсныг 60 хүртэлх хувиар нэмэгдүүлсэн Засгийн газрын тогтоол гарсан. Гэвч зарим байгууллага төсөв хүрэлцэхгүй шалтгаанаар уг нэмэгдлийг нэмээгүй. Харин зарим нь 30, 40 хувь нэмсэн байсан аж. Тиймээс нэмэгдлээ авч чадахгүй байна гэсэн гомдлууд Эрүүл мэндийн үйлдвэрчний эвлэлийн холбоонд их ирсэн учраас тус холбоо энэ асуудлыг ЭМЯ-нд уламжилж, улмаар төсөвт зохицуулалт хийхээр болжээ.
Ингээд Эрүүл мэндийн сайдын 23 тоот албан даалгавар гарсан. Үүнтэй холбоотойгоор үр дүнгийн урамшууллыг нийт цалингийн сангийн 10 хувиар тооцож олгож байсан бол 15 болгож төсөвт зохицуулалт хийсэн байна. Түүнээс гадна, шөнийн цагийн нэмэгдэл эрүүл мэндийн салбарынханд огт олгогддоггүй байсныг мөн л төсвийн зохицуулалт хийж, тавдугаар сараас эхлээд оройн 22:00 цагаас өглөөний 06:00 цаг хүртэл ажилласан эмч, сувилагч, ажилтнуудад цаг тутамд 1000 төгрөгөөр тооцож олгох ажлыг хэрэгжүүлж эхлээд байгаа талаар Эрүүл мэндийн үйлдвэрчний эвлэлийн холбооны дарга Б.Мягмар ярьж байна.
Тэрбээр “Анхаарах ёстой нэг асуудал бол эрүүл мэндийн байгууллагууд сахилгын шийтгэл оногдуулсан ажилтнуудад үр дүнгийн мөнгөн урамшууллыг сахилгын шийтгэлтэйгээ давхардуулан хасах асуудал гарч байна. Өөрөөр хэлбэл, эмнэлгүүд сануулах арга хэмжээ авсан ажилтанд улирлаар нь юм уу бүтэн жилээр нь урамшуулал өгөхгүй хэмээн хуулийг буруу ашиглаад байгаа. Шагнал урамшуулал гэдэг тусдаа. Үр дүнгийн урамшуулал бол тухайн ажилтан ажлаа чанартай сайн хийж гүйцэтгэсний төлөө авч буй шагнал. Арга хэмжээг давхардуулан авч болохгүй шүү дээ.
Жишээлбэл, тухайн ажилтан зөвхөн гуравдугаар сард ямар нэг алдаа дутагдал гаргаад, сахилгын шийтгэл ногдуулсан бол зөвхөн тэр сарынх нь л үр дүнгийн урамшууллыг хасна. Түүнээс биш нэг, хоёрдугаар сарын урамшууллыг хасахгүй шүү. Үүнийг зарим эмнэлгүүд буруу ашиглаж бу алдаа байгааг хэлэхийг хүсч байна” гэсэн юм.
Ингээд түүнтэй ярилцсанаа хүргэж байна.
6 сэтгэгдэлСэтгэгдэл бичих
Baga bn nemeed og
Мягмар даргаа МҮЭХ юу хийж байнаа? Бидний татвараар цалгиж байна уу? Худал үнэн мэдээлэл хэрэг байна уу?
Шөнө ажиллавал ядаж 20000 төгрөгний нэмэгдэл авдаг болоосой. Тэгвэл аштай юу
сайн бн уу мягмар даргаа бзд- ийн эрүүл мэндийн төвийн дарга энхзул нь ажилчидынхаа урамшуулалыг 6 хувь 7 хувь дээд тал нь11 хувь өгөөд 3 жил боллоо бидний төлөөлөл үйлдвэрчний дарга сараа нь ямар ч арга хэмжээ авахгүй юм даргын дарамтнаас айдаг энийг шалгаж өгнө үү эсэргүүцсэн эмч нарыг байнга дарамтлаж гар гэх юи
Ишш чааваас шөнөжин ажиллаад 8 хан мянгын нэмэгдэл
Чамлахаар чанга атга гэдэг. Сард хүүхдийн 20 000-аар болгож байгаа айл өрх цөөхөнгүй шүү... Чи ээзн бол бөөн бөөн нэмэгдэл өгөх байж дээ. Даанч биш