УИХ-ын гишүүн Ж.Бат-Эрдэнэ хаврын чуулганаар сонгууль дөхсөнтэй холбоотойгоор зарим гол хуулиудыг хэлэлцэж амжсангүй хэмээн дүгнэж байна.
Тэрбээр “Энэ удаагийн парламентийн чуулганаар тодорхой хэмжээнд үр дүнтэй ажилласан гэж дүгнэж байна. Бид 20 гаруй жил яригдсан Үндсэн хуулийн шинэчлэлийг баталлаа. Үндсэн хуулинд өөрчлөлт оруулснаар функцуудын харилцааг сайжруулах, нийгмийн хариуцлагыг өндөржүүлэх, Засгийн газрын тогтолцоог өөрчлөх, Ерөнхий сайд болон бусад функцээс хамааралгүйгээр эдийн засгийг өргөжүүлэх боломжоор хангаж өглөө. Мөн орон нутгийн удирдлагуудын эрх мэдлийг сайжруулах, Монгол улсын эдийн засгийг тогтвортой хөгжүүлэх хуулиуд батлагдлаа. Өөрөөр хэлбэл салбаруудын уялдааг сайжруулж, бүс нутгийн хэмжээнд хөгжлийг нэг болгож төрийн захиргааны байгууллага, яам бий болгох гэх мэт. Мөн Монгол улсын эдийн засгийг хөгжүүлэх урт, богино хугацааны хөтөлбөрүүд хэрэгжүүлэх боломж нээгдлээ. Иргэд шударга ёсыг сайжруулахыг төр засгаас нэхэж байгаа. Үндсэн хуулийн хүрээнд бид шүүх засаглалын хариуцлагыг нэмэгдүүлэх том алхмуудыг хийж чадсан. Мөн Үндсэн хуультай холбоотой дагалдах хуулиудад нэмэлт өөрчлөлтүүдийг хийсэн байна” гэв. Ингээд сэтгүүлчдийн асуултад хариуллаа.
-Хэлэлцэж амжаагүй чухал хуулиуд орхигдсон болов уу. Энэ талаар дурдвал?
-Улс төрийн намуудтай холбоотой хуулиудыг харах ёстой байлаа. Эндээс парламентыг цааш хариуцлагатай болгох талаарх том алхам болох байсан. Тэгэхдээ бид үндсэн хуулиндаа энэ заалтуудыг оруулсан. Сонгууль дөхсөнтэй холбоотойгоор амжсангүй. Ер нь бидний хариуцлага парламент, улс төрчдөөс эхлэх ёстой шүү дээ. Энэ гол заалтуудын үндсэн хуулиндаа гаргаж чадсан. Улс төрийн намуудын хууль болоод улс төрчтэй холбоотой сахилга бат, босго давж орж ирэх асуудлуудыг тусгасан гол хуулиуд ардаа үлдлээ. Мөн хот тосгоны тухай асуудлуудыг хөндөх ёстой байлаа.
-Батлагдаагүй байгаа хуулиудыг дараагийн парламентаар хэлэлцэх байх. Тэгвэл энэ нь тавдугаар сарын 25-аас Үндсэн хууль хэрэгжиж эхлэхэд зөрчилдөх асуудал үүсэх үү?
-Зарчмын хувьд дагалдах хуулиудад гарах асуудлууд тавдугаар сарын 25-аас хэрэгжих Үндсэн хуулийн нэмэлт өөрчлөлтийн ерөнхий зүйл заалтуудад орсон байгаа. Гол зөрчилдөх хуулиудыг Засгийн газар, УИХ-ын хууль, Хөгжлийн төлөвлөлтөд өөрчлөлт оруулсан нь ерөнхий зураглалын аваад явах учраас дараагийн парламент дээр бусад асуудлууд яригдах боломжтой юм.
Т.Эрдэнэчимэг
2 сэтгэгдэлСэтгэгдэл бичих
Зайл
ШИНЭ ЭВСЭЛ "- Д БНН, МУАН ОРООГУЙ БОЛ ИХ Л БОЛОМЖТОЙ БАЙЛАА. АРД ОЛНЫ СОНГОЛТ БОЛ "ШИНЭ ЭВСЭЛ", МӨН ОДООГИЙН ХУРЭЛСУХИЙН КОМАНДЫГ СОНГОЖ МОНГОЛ УЛСАА ЖИНХЭНЭ УТГААР НЬ ХУГЖУУЛЖ, МОНГОЛ ТУМЭН НУРУУ ТЭНЭГЭР АМЬДАРЦГААЯ....