Баяр наадмын өдрүүд буюу долоодугаар сарын 9-ний өдрөөс 12-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэст иргэдээс 1,096 дуудлага мэдээлэл хүлээн авснаас Зам тээврийн осол, хэргийн шинжтэй 611 дуудлага мэдээлэл бүртгэгджээ.
Ослын улмаас 17 хүн гэмтэж, Нийслэлд 1, Орон нутагт 18 хүний амь нас хохирсон байна. Мөн гудамж замд алба хаагчид хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож замын хөдөлгөөнд оролцсон 148 жолоочийг илрүүлж гарч болзошгүй осол, хэргээс Урьдчилан сэргийлж ажиллалаа.
2020 оны 07 дугаар сарын 09-ний өдөр
- 2020.07.09-ний 11 цагийн орчим Төв аймаг Сэргэлэн сум Довын хайрхан гэх газарт асфальтан замд Даун маркийн улсын дугааргүй С жолоочтой мотоцикл онхолдож, жолооч 57 настай эрэгтэй, С-ийн амь нас хохирсон.
- 2020.07.09-ний 18 цагийн орчим Завхан аймаг Тэлмэн сум “Шумуултайн ам” гэх газар асфальтан замд Toyota-Alphard маркийн Б жолоочтой автомашин онхолдож, зорчигч А,Н,Ө,Ө,О,Б,Э нарын 7 хүний амь нас хохирсон.
- 2020.07.09-ний 16 цагийн орчим Булган аймаг Хангал сум 3-р багийн шороон замд Hyundai-Accent маркийн Э жолоочтой автомашин онхолдож, зорчигч 46 настай,эрэгтэй Б-гийн амь нас хохирсон.
- 2020.07.09-ний 19 цагийн орчим Дорнод аймгийн Гурван загал сум 2-р баг “Агуу хад” гэх газар шороон замд Даун маркийн Д жолоочтой мотоцикл онхолдож, жолооч 58 настай, эрэгтэй Д-гийн амь нас хохирсон.
- 2020.07.09-ний 22 цагийн орчим Дорнод аймаг Баянтүмэн сум 2-р баг “Хулстай” гэх газар шороон замд Nissan-Liberty маркийн автомашины жолооч Ө нь явган зорчигч 3 настай, эмэгтэй хүүхдийг дайрч амь нас хохирсон.
2020 оны 07 дугаар сарын 10-ны өдөр
- 2020.07.10-ны өдрийн 05 цагийн орчим Өвөрхангай аймгийн Өлзийт сумын 2-р баг “Дулааны хавтгай” гэх газар асфальтан замд С жолоочтой Toyoтa-Аllion маркийн автомашин онхолдож, зорчигч 30 настай, эмэгтэй О-гийн амь нас хохирсон.
2020 оны 07 дугаар сарын 11-ний өдөр
- 2020.07.11-ний шөнийн 03 цагийн орчим Налайх дүүргийн 5-р хороо Гордок гэх газарт асфальтан замд Тoyota-Prius маркийн автомашины жолооч Б, явган зорчигч 29 настай, эрэгтэй Э-г дайрч амь нас хохирсон.
- 2020.07.11-ний 10 цагийн орчим Архангай аймгийн тариат сум Ар-Хаяа гэх газарт асфальтан замд ММС Пажеро маркийн автомашин онхолдож, жолооч 66 настай, эрэгтэй Б, зорчигч 65 настай, эмэгтэй Ц нарын 2 хүний амь нас хохирсон.
- 2020.07.11-ний 21 цагийн орчим Ховд аймгийн Зэрэг сум “Байшин үзүүр” гэх газарт асфальтан замд Toyota-Prius маркийн Г жолоочтой автомашин онхолдож, зорчигч 13 настай Б-гийн амь нас хохирсон.
- 2020.07.12-ны өдрийн 02 цагийн орчим Хэнтий аймаг Мөрөн сумын 3-р баг Морь бариа гэх газарт Kia-Bongo маркийн автомашины жолооч О нь явган зорчигч эрэгтэй 34 настай М-ийг дайрч амь нас хохирсон.
- 2020.07.11-ний 23 цагийн орчим төв аймаг Заамар сумд Toyota-Prius маркийн Б жолоочтой автомашин онхолдож, жолооч 20 настай эрэгтэй Б, зорчигч 20 настай эрэгтэй У нарын амь нас хохирсон.
Энэ долоо хоногийн сүүлээр үргэлжилсэн амралтын өдрүүдэд дуусаж орон нутгаас нийслэл рүү чиглэсэн хөдөлгөөний ачаалал ихсэх тул хөдөлгөөнд оролцогч та бүхэндээ дараах сэрэмжлүүлэг хүргэж байна:
1.Хамгаалах бүсээ хэрэглэж, бага насны хүүхдийг зориулалтын суудалд суулгах;
2.Шөнийн цагт тээврийн хэрэгслийн гадна талын гэрэлтүүлэх хэрэгслийг дүрмийн дагуу хэрэглэх;
3.Тээврийн хэрэгслийн хурдыг дүрэмд тогтоосон хурднаас хэтрүүлэх байх мөн зам орчны байдалдаа хурдаа тохируулж хөдөлгөөнд оролцох;
4.Тээврийн хэрэгслийн хөдөлгөөн эхлэхдээ зам орчны байдлыг өөрийн биеэр шалгаж, хөдөлгөөн эхлэх;
5.Олон хоногоор тээврийн хэрэгсэл жолоодож замын хөдөлгөөнд оролцсон бол жолооч та амралтаа зөв зохицуулж хөдөлгөөнд оролцох;
6.Зорчигч та жолоочид тогтмол хяналт тавьж байх; /хурдаа тохируулж байгаа эсэх, шөнийн цагт тээврийн хэрэгслийнхээ гадна талын гэрлээ зөв хэрэглэж байгаа эсэх, урсгал сөрж байгаа эсэх, гүйцэж түрүүлэх үйлдлийг зөв гүйцэтгэж байгаа эсэх, замд түр болон зайлшгүй зогсолт хийхдээ тээврийн хэрэгслээ зорчих хэсгийг бүрэн чөлөөлсөн эсэх, хөдөлгөөнд оролцох үедээ гар утас ашиглаж байгаа эсэх, нойрмоглож байгаа эсэх,/
Эх сурвалж: Тээврийн цагдаагийн алба
8 сэтгэгдэлСэтгэгдэл бичих
ИНГЭЭД Л СТАТИСТИК ТООГОО БИЧЭЭД Л ХҮМҮҮС НЬ АМИА АЛДААД Л БАЙГААД Л БАЙХ УУ???
тэгээд яа гэж байна вэ. Хэн буруутай вэ. Эрх чөлөөт иргэн явж байгаад аюул гаргажээ.Мэдээлж анхааруулах л гэж бичдэг биз.Өөр яах ч билээ.
ene bol xuvi xynii xariutslagatai xolbootoi asuudal ayan zamd garaxaas mashinee saitar shalgaj jolooch xun xol zamd yavax gej baigaa bol bie sain beldex xeregtei
estoi helleh yg algaa ter asfaltan zam chin evdrel hemhreltei baina uu esvel arhi, hurd hetryylelt yy... dendyy baina shyydee , dandaa hodoonhiihon avaar hiideg um baina
Ихэнх нь Prius маркын авто машин байна. Энэ авто машин шаардлага хангадаг уу
ГЭРЭЛ ШИЛЖҮҮЛДЭГГҮЙ АДГУУСУУДЫН ЭРХИЙГ ШУУД ХАСДАГ БАЙМААР БН. ТЭД ДҮРМЭЭС ГАДНА ТУН Ч ХУВИА БОДСОН АРЧААГҮЙ ШААРНУУД ШҮҮ ДЭЭ. зАМЫН ЦАГДААГИЙН ХАХУУЛЬ ГОРЬДОГЧИД ҮҮНИЙГ Л ХИЙЧИХВЭЛ ТА НАРЫН ШААРДЛАГА ЕРДӨӨСӨӨ БАЙХГҮЙ ДЭЭ
Дахиад зөндөө нэмэгдэнэ. Ямар хэлээд үг авах биш архи битгий уу хурдаа хас гэрлээ шилжүүл усанд битгий ор тоож байгаа хүн алга
Баяр наадмын уеээр 19 хун амь насаа алдаж сайхан наадсан эзэнгуй улс !