Энэ долоон хоногт болж өнгөрсөн үйл явдлын халуунаас тоймлон хүргэе.
Эмчлэгдээд эдгэрсэн 31 хүнээс дахин коронавирус илэрч, батлагдсан тохиолдол 288-д хүрэв
Долдугаар сарын 22 буюу өмнөх Лхагва гарагт ЭМЯ-аас коронавирусийн талаарх цаг үеийн ээлжит мэдээллээ хийх үеэр ХӨСҮТ-ийн Тандалт, судалгааны албаны дарга А.Амбасэлмаа “Хүн амын дунд халдвар алдаагүй учраас бид алдахгүйн тулд хяналт, тандалт, ажиглалтыг тусгаарлалтын хугацаанд үргэлжлүүлсээр байгаа. Бид эдгэрсэн хүмүүсээс дахин коронавирус илрэхгүй байх хүртэл нь эмчилгээ, ажиглалт тусгаарлалтад байлгана. Манайд эмчлэгдээд эдгэрсэн 31 хүнээс дахин коронавирус илэрсэн” гэж мэдээлсэн юм.
Харин өчигдөр буюу долдугаар сарын 24-нд ХӨСҮТ-ийн захирал Д.Нямхүү "2020 оны долдугаар сарын 23-ний өдөр ХӨСҮТ-ийн вирус судлалын хоёр, Дархан-Уул аймгийн салбар лабораторид нийтдээ 709 хүний сорьцоос шинжилгээ авахад, 708 хүний шинжилгээнээс коронавирус илрээгүй сөрөг гарлаа. Харин Алтанбулагийн боомтоор орж ирсэн ачаа тээврийн нэг жолоочоос халдвар илэрлээ. Энэ нь 39 настай, эрэгтэй, Казакстан улсын иргэн байна.
Өнөөдөр гурван хүн эдгэрч, дараагийн шатны тусгаарлалтад шилжиж байна. Энэ нь 20,21,24 настай хүмүүс бөгөөд 17-48 хоног эмчлэгдээд гарч байна. Монголд батлагдсан тохиолдол 288, эдгэрсэн хүн 217, одоо 71 хүн эмчлүүлж байна. ХӨСҮТ-д 101 хүн эмчилгээ, тандалтад байгаа" хэмээлээ.
Шинэ Засгийн томилгоонууд хийгдэв
Засгийн газрын ээлжит хуралдаанаар салбар яам, агентлагийн удирдлага болон ТНБД-уудыг томилов. Тодруулбал, Хууль зүйн яамны ТНБД-аар Б.Баасандоржийг, Соёлын яамны ТНБД-аар МУГЖ Г.Эрдэнэбатыг, Мэргэжлийн хяналтын ерөнхий газрын даргаар Т.Гантулгыг, Цагдаагийн ерөнхий газрын даргаар цагдаагийн хурандаа Ж.Болдыг томилсон бол ШШГЕГ-ын даргаар Д.Загджавыг томилсон юм.
Шүүхээс Э.Оюунболдын барилдах эрхийг хоёр биш нэг жилээр хасах шийдвэрийг гаргав
Өнгөрөгч зургадугаар сарын 17-ны өдөр Нийслэлийн Захиргааны хэргийн анхан шатны шүүхээс Э.Оюунболдыг шүүхээс допинг хэрэглэсэн нь тогтоогдсон гэж үзэн, барилдах эрхийг нь хоёр жилээр хасах, түүнд унасан бөхчүүдэд цол, чимгийг нь нөхөн олгож, Монгол Улсын аварга хэмээх цолыг хураах нь хуульд нийцнэ гэж үзсэн. Тэгвэл Э.Оюунболд 14 хоногийн дотор гомдол гаргах эрхээ эдэлж, Захиргааны хэргийн давж заалдах шатны шүүхэд давж заалдах гомдлоо албан ёсоор ирүүлсэн юм.
Э.Оюунболдын давж заалдах шатны шүүх хурал долдугаар сарын 21-ны өдөр болсон юм. Давж заалдах шатны шүүхээс анхан шатны шүүхийн шийдвэрийг хэвээр үлдээхдээ, барилдах эрхийг 1 жилээр хасах болгож өөрчилжээ. Нэг жилээр хасах болсон нь өнгөрсөн хугацаанд маргасан хугацааг харгалзсан аж.
Ерөнхий сайд асан С.Баяр, “Петровис”-ын Ч.Давааням, ТЕГ-ын дарга асан Б.Хурц болон бусад улс төрийн тушаалтнуудад хорих ял оноов
ТЕГ-ын дарга асан Б.Хурц нарын есөн хүнд холбогдох шүүх хурал таван өдөр үргэлжилж, шийдвэрээ өчигдөр /2020.07.22/ 23:24 цагт гаргасан юм. Тодруулбал, Ж.Мөнхгал, С.Баярт, Б.Хурц нарт 3 жилийн хорих ял, Э.Өлзийбаярт 1 жилийн хорих ял, Г.Эрдэнэбатад 3 жилийн хорих ял, О.Бямбажавд 2 жилийн хорих ял, Ү.Отгонбаярт 2 жилийн хорих ял оноож, О.Бархасбадь, С.Эрдэнэбат нарыг цагаатгахаар Төв аймгийн сум дундын эрүүгийн хэргийн анхан шатны шүүхээс шийдвэрлэлээ.
Ерөнхий сайд асан С.Баяр болон “Петровис” компанийг үүсгэн байгуулагч Ч.Давааням нарт холбогдох хэргийн шүүх хурлын шийдвэр долдугаар сарын 23-ны өдөр гарлаа. Шүүх бүрэлдэхүүн шүүгдэгчдийн хэргийг хэлэлцээд Ерөнхий сайд асан С.Баярт 5 жил хорих, “Петровис” компанийг үүсгэн байгуулагч Ч.Даваанямд 2 жил хорих ял тус, тус оноосон юм.
Батлан хамгаалахын их сургуулийн хичээл өчигдрөөс эхэлжээ
Үндэсний батлан хамгаалахын их сургуулийн цэргийн нэгдсэн дээд сургуулийн хичээл онцгой нөхцөлд өчигдрөөс буюу долдугаар сарын 24-нд эхэлжээ. Харин энгийн буюу аюулгүй байдлын сургуулийн сонсогчдын хичээл эхлээгүй байна. Цэргийн нэгдсэн дээд сургуулийн сонсогчид “Covid-19” өвчнөөс урьдчилан сэргийлэх гар ариутгах, маск зүүх, хүн хоорондын зайг нэг метрээс илүү барих гэх мэт дүрмийг баримтлан хичээллэж байгаа юм байна. Мөн сонсогчдод “УОК болон сайдаас зөвшөөрөл авсан” хэмээн мэдээлжээ.
Н.Цэлмүүн ахынхаа асуудлаар олон улсын байгууллагад ханджээ
УИХ-ын гишүүн асан Н.Номтойбаярт энэ сарын 7-нд 5.5 жилийн хорих ял оноосон. Иймд түүний дүү Н.Цэлмүүн олон улсын “Change.org” байгууллагад ханджээ. Тэрбээр "миний ахыг хууль бусаар хорьсон асуудалд анхаарлаа хандуулж, энэ хэргийн үнэн мөнийг ялгаж, суллахад нь анхаарлаа хандуулахыг хүссэн" талаар цахим хуудаснаа мэдээлжээ.
12 сэтгэгдэлСэтгэгдэл бичих
Эх ороноо зарж хулгай хийсэн нь 3 жил Нэг ямаа хулгай хийсэн нь 10 жил ХУУЛИА гэж.
Одоо Элбэгдорж Сайханбилэг Хоёрийн ээлж Яараарай.
Ял нь багадаад байна багадаад байна.
Болохгүй бүтэхгүй болгоныг зүйл бүрээр нь хийж улс эх орноо сүйрүүлэгчдийг яллаж байгаа нь эх орноо худалдаж идсэн эх орноосоо урвагчдын ял дэндүү хөнгөдөж байгаа ч "Би буруутай зүйл хийвэл ял авна шүү" гэсэн айдас хүйдэсийг ялаа үүрэхээр зэхэж байгаа хүмүүст мэдрүүлж зарим нь тэмцэж эхлээд байх шиг. Бас ял авсан дэндүү их хөрөнгөжсөн ялтангууд эргэж ноцох аюул байгааг ард иргэд яриад эхэлчихлээ
Баахан танихгүы хүмүүсийн зураг байхаар бас л хулгайч нар юм байх гэж бодсон сайд, дарга нар байжээ, хөөрхий. Түрүүлж муу л юм боддог болжээ.
TSENGYYNEE CHINII MUU BAAC AX CHIN IX XUTDAG BAICAN ODOO SHOROND NAARAN DEEREE XADUULAAD YXEX BOLNO
etseg eh ni hujaa humuus baileede
Chinese consulate in Houston accused of being 'spy center'
тагжав арай ч
tegeed ter tom boovtruugaa zailaachdee,
Загджав тэгээд генерал болох уу арай тэгэж тэнэгтэж мөрдөстэй улсуудыг доромжилов доо Хүрэлсүхээ