2020 оны 7-р сарын 31
10 цаг 20 минут

Асрамж, халамжийн төвөөс гарсан залуусыг орон сууцанд хамруулах санамж бичигт гарын үсэг зурлаа

Хөдөлмөр, нийгмийн хамгааллын сайд А.Ариунзаяа, нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан, “НОСК” ХК-ийн гүйцэтгэх захирал Б.Сүхбаатар, Гэр бүл, хүүхэд, залуучуудын хөгжлийн газрын дарга М.Энх-Амар нар өнөөдөр асрамж халамжийн төвөөс 18 насанд хүрч гарсан хоёр хүүхдэд орон сууцны батламж гардуулан өглөө.

Мөн хүүхдийн төрөлжсөн асрамж, халамжийн төвөөс 18 нас хүрч, бие даан амьдралд хөл тавьж байгаа залуучуудаа дэмжих зорилгоор “НОСК” ХК, Гэр бүл, хүүхэд, залуучуудын хөгжлийн газартай хамтран ажиллах санамж бичиг байгуулсан юм. Энэхүү санамж бичгийг байгуулснаар асрамж, халамжийн төвөөс 18 насанд хүрээд гарч буй залуучуудыг түрээсийн орон сууцанд хамруулах журам боловсруулах, түрээсийн орон сууцыг тусгай шаардлагын дагуу үе шаттайгаар өмчлүүлэхийг дэмжих үйл ажиллагааг хэрэгжүүлнэ.   

Энэ үеэр нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан хэлэхдээ “Монгол Улсын Засгийн газар 150 мянган айлын орон сууцны хөтөлбөрийг хэрэгжүүлж байгаа. Харин нийслэлээс хэрэгжүүлж буй орлогод нийцсэн орон сууц хөтөлбөрийн хүрээнд “Ковид-19” цар тахлын үед өндөржүүлсэн бэлэн байдалд ажиллаж байгаа алба хаагчдад орон сууцны батламж гардуулсан. Иргэдийн зүгээс урьдчилгаа төлбөргүй, нийгмийн даатгалын шимтгэлээ тогтмол төлдөггүйгээс болж орон сууцтай болох боломж хязгаарлагдмал байдаг. Иймд түрээслээд өмчилдөг хэлбэрээр иргэдээ орон сууцтай болгох ажлыг хэрэгжүүлж эхэлсэн. Энэ ажлын хүрээнд залуусыг дэмжиж, орон сууцтай болгох, ажлын байраар хангах ажлыг зохион байгуулж байна” гэдгийг онцоллоо.    

Хөдөлмөр, нийгмийн хамгааллын сайд А.Ариунзаяа “Залуучуудыг орон сууцаар хангахаас гадна ажлын байраар хангаж, үүнд анхаарч байгаа нь маш чухал. 2018 оны ядуурлын түвшин 28.4 хувьтай байсан. Үүний тал хувь нь Улаанбаатар хотод төвлөрдөг. Тиймээс Хөдөлмөр, нийгмийн хамгааллын яам ирэх жилүүдэд халамжаас хөдөлмөр рүү чиглэх ажилд түлхүү анхаарч ажиллах болно” гэсэн юм.

Монгол Улсын хэмжээнд энэ оны зургаадугаар сарын 1-ний өдрийн байдлаар хүүхдийн төрөлжсөн асрамж халамжийн 21 байгууллагын 31 төв үйл ажиллагаа явуулж, нийт 1069 хүүхэд сурч, хүмүүжиж байна. “Асрамж халамжийн төвөөс 18 насанд хүрч ажил, амьдралын гараагаа эхэлж буй хүүхдүүдийг ажлын байртай болгох, цаашлаад орон сууцаар хангахад анхаарч байна. Үүний эхлэл болж хоёр хүүхдэд орон сууцны батламж гардуулан өгч, цаашид олон хүүхдийг хамруулахын төлөө өнөөдөр энэхүү санамж бичгийг байгууллаа” хэмээн “НОСК” ХК-ийн гүйцэтгэх захирал Б.Сүхбаатар хэллээ.

“Өнөр бүл” хүүхдийн төвд өсч, хүмүүжсэн Л.Төрболд “Биднийг дэмжиж, орон сууц өгч байгаад талархаж байна. Маш их баяртай байна” гэсэн бол “Манай гэр” асрамж халамжийн төвд өсч, хүмүүжсэн Б.Батдорж “Бидэнд ийм том боломж өгч байгаа учраас сургуулиа сайн төгсөж, эзэмшсэн мэргэжлээрээ улам хичээж ажиллах болно” хэмээлээ.    

Дашрамд дурьдахад, асрамж халамжийн төвийн хоёр хүүхдийг эхний ээлжинд халамжийн орон сууцанд хамруулна. Нэг үгээр хэлбэл, түрээсийн төлбөргүйгээр орон сууцанд хамруулах юм. Цаашлаад түрээслээд өмчилдөг орон сууцанд хамрагдаад явах бололцоогоор нь хангах аж.

Нийслэлийн ЗДТГ-ын Хэвлэл мэдээлэлтэй харилцах хэлтэс  

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Б.Мөнхбат: Хэргийг хялбаршуулсан журмаар шийдвэрлэхэд хэд хэдэн хүчин зүйл нөлөөлсөн1 цаг 9 минутын өмнөХилсээр ял сонссон эр 27 жилийн дараа суллагджээ1 цаг 14 минутын өмнөАлдартнуудын эксдээ зориулсан шивээс юу болж хувирав1 цаг 19 минутын өмнө"Twilight" зохиолын дараагийн ном бэлэн болоод байна1 цаг 24 минутын өмнөТехнологийн акулууд зүрхний өвчинтэй тэмцэж байна1 цаг 34 минутын өмнөХятадтай холбоотой 2.5 мянга гаруй сувгийг хаажээ1 цаг 44 минутын өмнөВенесуэлийн сөрөг хүчин парламентын сонгуульд оролцохоос татгалзжээ1 цаг 49 минутын өмнөВидео: 2021 онд нээлтээ хийх шинэхэн кинонууд1 цаг 54 минутын өмнөNBA дахин эхэлсэн нээлтийн долоо хоногийн шилдэг шагай мултлалтуудын бичлэг2 цаг 4 минутын өмнөONE FC-д тулалдсан Монгол тулаанчдын шилдэг тулаанууд2 цаг 14 минутын өмнөЕвропын Холбооноос элэгний Д вирусын эсрэг эм болох HEPCLUDEX-ийг худалдахыг зөвшөөрчээ2 цаг 19 минутын өмнөМонголчуудын Япон руу хийсэн довтолгооноос сэдэвлэсэн компьютер тоглоом гарчээ2 цаг 24 минутын өмнөАвстралийн Мельбурн хотод хөл хорионы хатуу дэглэм тогтоожээ2 цаг 29 минутын өмнөУулзлаа, ээж ээ2 цаг 34 минутын өмнөГадаадад гар утсаараа төлбөр тооцоо хийдэг боллоо2 цаг 39 минутын өмнөЗөвхөн аяга таваг угаагч шингэн, цемент 2 ашиглан мөрөөдлийн байшингаа барьсан эмэгтэй2 цаг 44 минутын өмнөШоронгоос оргосон эмч 100 гаруй таксины жолоочоор матар хоолложээ2 цаг 49 минутын өмнөТуршиж үзэх хэрэгтэй гар утасны 5 тоглоом3 цаг 4 минутын өмнөСогтууруулах ундаа хэрэглэж хөдөлгөөнд оролцсоны улмаас онхолдож зорчигч амь насаа алджээ3 цаг 13 минутын өмнө"Хэрэв Майк Тайсон гэх нөхөртэй яг одоо рингэд гарах юм бол ямар ч байсан би болгож тавина"3 цаг 14 минутын өмнөЕ-баримт олгодоггүй иргэнийг 150 мянга, ААН-ийг 1.5 сая төгрөгөөр торгоно3 цаг 19 минутын өмнөАлдартнуудын хүүхэд нас VS одоо үе3 цаг 24 минутын өмнөНорвеги залуу Ж.Хиггинс аваргыг сандаргаж байна3 цаг 34 минутын өмнөNBA дахин эхэлсэн нээлтийн долоо хоногийн шилдэг тохолтын бичлэг3 цаг 44 минутын өмнөХятадад хачигаар дамждаг вирус илэрчээ3 цаг 54 минутын өмнө“Зарлигаар зарсан хүрээнд сууж хэрэг шийтгэгч сайдын газарт холбогдох баримтын эмхэтгэл”-тэй холбогдох мэдэгдэл3 цаг 55 минутын өмнөБ.Батзоригийн хэргийг хялбаршуулсан журмаар хянан шийдвэрлэжээ4 цаг 1 минутын өмнөЖанцангийн уулзвараас Баянхошууны эцэс рүү салдаг уулзварыг хаана4 цаг 4 минутын өмнөЛА Лейкэрс баг Оклахома Сити Тандерт хожигдлоо4 цаг 4 минутын өмнөХэрэглээний халуун ус хязгаарлах байршлууд4 цаг 5 минутын өмнө
© 2008 - 2020 он. Зохиогчийн эрх хуулиар хамгаалагдсан.