Монгол Улсын Ерөнхий сайдаас өгсөн чиглэлийн дагуу Монгол Улсын Шадар сайд Я.Содбаатар, Засгийн газрын зарим гишүүдийн хамт Дорноговь аймгийн Алтанширээ сумын нутагт байгуулж буй газрын тос боловсруулах үйлдвэрийн ажлын явц, тулгамдсан асуудлын талаар сонсгол хийн холбогдох албаны хүмүүсийг хүлээн авч уулзлаа.
Монгол газрын тос боловсруулах үйлдвэр ТӨХХК-ийн гүйцэтгэх захирал Д.Алтанцэцэг төслийн явц, өнөөгийн нөхцөл байдал, тулгамдаж буй асуудлын талаар танилцуулсан бөгөөд үйлдвэрийн гаднах дэд бүтцийн ажил бүрэн дуусаж, үйлдвэрийн талбайн газар шорооны ажил, ажилчдын хотхоны бүтээн байгуулалтын ажлууд амжилттай хэрэгжиж байгаа тухай мэдээллээ.
Мөн үйлдвэрийн технологийн бус байгууламжийн барилга угсралтын (EPC-1) ажлыг гүйцэтгэх компанийг сонгон шалгаруулж, түүнтэй хэлэлцээр хийж дууссан бөгөөд гэрээ байгуулахаар ажиллаж байгаа тухай дурдлаа. Энэхүү гэрээг байгуулснаар үйлдвэрийн эхний үе шатны барилга угсралт, бүтээн байгуулалтын ажил эхлэх юм.
Шадар сайд, энэхүү төсөл нь Монгол улсын стратегийн чухал ач холбогдолтойг цохон тэмдэглээд, үйлдвэрийг төлөвлөсөн хугацаанд ашиглалтад оруулахад холбогдох төрийн болон орон нутгийн байгууллагууд шуурхай, нягт хамтран ажиллах шаардлагатайг анхааруулж, үйлдвэрийн түүхий эдийн нөөцийг нэмэгдүүлж, газрын тосны эрэл, хайгуул, ашиглалтын ажлыг эрчимжүүлэх, газрын тос дамжуулах хоолойн төслийн санхүүжилтийг ойрын хугацаанд шийдвэрлэж, эхлүүлэх зэрэг тулгамдаж буй бусад асуудлыг цаг алдалгүй шийдвэрлэхийг холбогдох Засгийн газрын гишүүдэд даалгалаа.
Дээрх өгсөн үүрэг даалгаврын хүрээнд Засгийн газрын холбогдох гишүүдээс бүрдсэн байнгын ажиллагаатай ажлын хэсгийг тусгайлан байгуулж, төслийн үйл ажиллагааг эрчимжүүлж, тулгамдсан асуудлыг цаг алдалгүй шийдвэрлэж байх нь зүйтэй гэж үзлээ.
8 сэтгэгдэлСэтгэгдэл бичих
Sdadar saidaa naizuud chin yalaa avaad yavchihlaa . Uuriiguu erchimjuulj unenee heleed ard olniihoo umnu gemsheerei
Энэ мэдээллийг ямар хүмүүс бичсийн бэ. Товч тодорхой ийм мэдээлэл сонсоогүй удаж.
Хүрэлсүх энэ пиздакаа шоронд нь явуулаач ямар нь шүүхээр ороод ямарын хажуудаа сайд болгоод бна яадамжгүй засгийн газар
Ажиллаад бүтээн байгуулахаар шээс баас нь гоожих гэж атаархагчид гэж энэ дээ. Тэднийг тэнгэр ниргэг.
үнэн шүү
Энэ Төрийн мөнгөнөөс хулгай хийж байсан Я.Содбаатарын бусдад үүрэгдэх гэж баас нь байдаг юм Уул нь бол энэ нөхөр Шадар сайдын сандал дээр суух биш шоронгийн нааран дээр цагираглаж байх ёстой хулгайч
Шоронд байх болзлоо бурэн хангасан хун бол Содбаатар, ЖДУгийн зээлээр эхнэртээ хувийн эмнэлэг барьж огсон
Ardchilsan namiin baas min chi hutsaarai chi uuruu shorondoo yaw erdeneegiin uruusun dygyunuud