Засгийн газрын тохируулагч агентлаг, Биеийн тамир, спортын улсын хорооны дарга Ц.Шаравжамц салбарын хөгжлийн бодлого, хөтөлбөрийн хэрэгжилтийн чанарыг сайжруулах нөхцөл боломж, цаашдын хамтын ажиллагааны санал санаачлагыг өрнүүлэх, хөгжлийн арга замыг оновчтой тодорхойлох зорилгоор Биеийн тамир, спортын салбарын төрийн болон төрийн бус байгууллагын төлөөллүүдтэй ажил хэргийн хуваарьт уулзалт зохион байгуулж байгаа юм. Энэ ажлын эхлэл болгож өнөөдөр МҮОХ-ны удирдлагуудыг хүлээж авч уулзлаа.
Уулзалтанд МҮОХ-ны Ерөнхийлөгч Н.Түвшинбаяр, дэд Ерөнхийлөгч Ч.Наранбаатар, Ерөнхий нарийн бичгийн дарга Э.Бадар-Ууган, Биеийн тамир, спортын улсын хорооны дарга Ц.Шаравжамц, дэд дарга Ц.Одонбаяр болон бусад албаны төлөөллүүд оролцлоо.
Уулзалтаар Биеийн тамир, спортын улсын хорооны дарга Ц.Шаравжамц салбарын үйл ажиллагаанд зөвлөмж дэмжлэг үзүүлэх, хөгжлийг тодорхойлох чиг үүрэг бүхий хороо байгуулахаар бэлтгэл ажил хийгдэж байгааг онцлоод энэхүү хорооны гишүүнээр МҮОХ-ноос төлөөлөл оролцуулах хүсэлтэй байгаагаа илэрхийллээ.
Мөн төрийн байгууллага, төрийн бус байгууллагын үйл ажиллагаанд хөндлөнгөөс хяналт тавих, оролцох эрхгүй байдаг. Тиймээс Монголын спортын салбарт тулгамдаад буй гол асуудлын нэг болох спорт холбоодын талцал хуваагдал, хоорондын зөрчил маргаантай байдлыг цэгцэлж, эв хүчээ нэгтгэхэд анхаарч ажиллахыг МҮОХ-ны Ерөнхийлөгч Н.Түвшинбаяраас хүссэн юм.
Түүнчлэн цар тахлын улмаас Токио-2020 зуны олимпийн наадам цуцлагдсан ч эерэгээр харвал баг тамирчид маань бэлтгэл сургуулилтаа улам бүр чамбайруулах боломж гэдгийг онцлоод ирэх 2021 онд зохион байгуулагдах зуны олимпийн наадамд БТСУХ, МҮОХ хамтран баг тамирчидаа илүү хүчирхэгжүүлж, илүү чанартайгаар амжилт дүүрэн оролцоно гэдэгт итгэлтэй байгаагаа хэллээ.
МҮОХ-ны Ерөнхийлөгч Н.Түвшинбаярын зүгээс спорт, олимпизмыг түгээн дэлгэрүүлэх үйлсэд гар нийлэн, санал нэгтэйгээр хамтран ажиллах болно гэдгээ илэрхийлсэн юм.
Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг
ITF таеквон-догийн ДАШТ оролцохоор Монгол улсын шигшээ 54 хүний бүрэлдхүүнтэйгээр Астанаг зорьлоо
Таеквон-до: “ЭХЛЭЛИЙН ЦОМ-2023” олон хотын нээлттэй тэмцээн эхэллээ
Насанд хүрэгчид, мастер ангилалын Таеквондогийн улсын аварга шалгаруулах тэмцээн эхэллээ
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ховд Вестерн клубт Ёвропын шилдэгээр удирдуулна
“Энержи-3х3” лиг аваргуудаа тодрууллаа
Сэтгэгдэл бичих