Коронавирусийн халдварын улмаас өнгөрсөн нэгдүгээр сард сургууль, цэцэрлэгүүд улс даяар карантин тогтоосон. Энэ үеэр Дархан-Уул аймагт амьдардаг гурван хүүхэд гэртээ цоожтой үлдсэний улмаас харамсалтайгаар амь насаа алдсан хэрэг гарч байв.
Гурван охиноо зуурдаар алдсан залуу хос болох Г.Чинбат, Н.Алтанзул нар ард түмний цуглуулан өгсөн хандивын мөнгөөр эмнэлэгт тоног төхөөрөмж авч өгч байсан бол энэ удаад гэрээ цэцэрлэг болгон тохижуулан, цэцэрлэггүй үлдсэн хүүхдүүдийг харж байна.
Энэ талаар Н.Алтанзултай утсаар цөөн хором ярилцлаа.
-Юуны өмнө танай гэр бүлд тохиолдсон явдалд гүн эмгэнэл илэрхийлж байна. Хэрэг явдал гараад багагүй хугацаа өнгөрчээ. Дархан-Уул аймагтаа ажиллаж, амьдарч байна уу?
-Бид хоёр буйраа сэлгээд Эрдэнэ хотод ирж амьдарч байна. Дарханд амьдрахаар нэг л хэцүү санагдаад Эрдэнэтэд ирсэн. Хүүхдүүдээ алдсанаас хойшхи хоёр сар бол үнэхээр там шиг аймшигтай байсан. Охидууд минь байнга нүдэнд харагдаад амьд явахад хэцүү л байлаа. Нөхөр бид хоёр нэг нэгнээсээ нууцаар уйлсаар өдөр хоногийг өнгөрүүлж байсан. Одоо өмнөхөө бодвол арай дээрдэж байгаа ч мэдээж хүүхдүүдээ алдсан эцэг эхийн гуниг зовлон, шаналал хэзээ ч тайлагддаггүй юм байна. Миний хань өнгөрсөн хугацаанд намайг сэтгэл санаагаар их түшиж тулж ирсэн. Өөрөө шаналж байгаагаа надад харуулахгүйг маш их хичээж байсан ч би нөхрөө их өрөвддөг байсан. Өнгөрсөн хугацаанд манай нөхөр нэг л удаа найзуудтайгаа уулзана гээд гарсан. Тэгсэн найзууддаа охидоо санасан сэтгэлээ илэрхийлж маш их уйлсан гэсэн. Намайг хямарчих байх гээд миний дэргэд уйлж чаддаггүй болохоор найзуудтайгаа уулзаж, сэтгэл дэх буглаагаа нэг сайн гаргаж авсан байх.
Хүмүүс бид хоёрыг "Ямар их сэтгэлийн хаттай юм бэ, бурхан минь. Би л байсан бол галзуурчихсан байгаа" гэж зөндөө хэлж байсан. Мэдээж маш хэцүү байсан ч охид минь бид хоёрт удалгүй ирсэн болохоор цаашдаа амьдрах итгэл, урам зоригтой болсон.
-Жирэмсэн юм уу. Баяр хүргэе ээ. Сайхан мэдээ байна. Ингэхэд гэрээ цэцэрлэг болгон тохижуулах санааг хэн нь анх гаргасан юм бэ. Жирэмсэн болохоор хүүхдүүд хараад ядрахгүй байна уу?
-Тиймээ. Жирэмсэн. Ирэх арванхоёрдугаар сард төрнө. Жирэмсэн ч гэсэн өдөртөө хүүхэд хараад ерөөсөө ядардаггүй. Харин ч хүүхдүүдээс их амар амгаланг мэдэрдэг. Гэрээ цэцэрлэг болгон тохижуулах санааг би анх гаргасан. Гурван охиноо алдсан болохоор нөхөр маань гэдсэн дэх хүүхэддээ маш их санаа зовж байгаа. Гэхдээ л би цэцэрлэггүй үлдсэн хүүхдүүдийг хэн харж байгаа бол, эцэг эхчүүд нь хэн нэгнийг нь гуйгаад л хараад өгөөч гээд явж байгаа байхдаа гэж бодоод шууд гэрээ тохижуулаад цэцэрлэггүй цөөн хэдэн хүүхдийг харахаар болсон. Би хар багын л хүүхэд харах хоббитой байсан. Мөн цэцэрлэгтэй болно доо гэж боддог байсан. Үүнийг хийхэд дуучин Нара эгч надад 16 хүүхдийн цэцэрлэгийн тоног төхөөрөмж бэлэглэсэнд үнэхээр их баярласан.
-Гэрээ цэцэрлэг болгон тохижуулаад хүүхэд харах санааг нөхөр тань хэрхэн хүлээж авсан бэ?
-Нөхөр болон хоёр талын гэрийнхэн гэдсэн дэх хүүхдэд маань маш их санаа зовсон. Гэсэн ч би зөрсөөр байгаад гэрээ тохижуулсан. Тэгээд тохижуулаад ирсэн чинь манай нөхөр хамтдаа бэлтгэл ажилд туслаад явсан. Эхний хоёр өдөр маш их ядарсан ч нэг туслах багштай болоод одоо бол гайгүй. Хоёрхон долоо хонож байгаа ч хүүхдүүддээ маш их дасчихаж. Эднийгээ харахаар гурван охиноо харж байгаа шиг л санагддаг.
-Өдөрт хэчнээн хүүхэд хардаг вэ. Мэдээж цэцэрлэг болгоё гэвэл заавал зөвшөөрөл авч байж, үйл ажиллагаа явуулах байх?
-Харин тийм. Би цэцэрлэгийн зөвшөөрөлгүй учраас өдөртөө 5-6-хан хүүхэд л хардаг. Хэдийгээр цөөхөн хүүхэд харж байгаа ч онцгой нөхцөл байдлын дэглэмийг яг дагадаг шүү. Хүүхдүүдээ өглөө ирэхэд халууныг нь үзнэ. Маскыг нь зүүлгэж, гарыг нь ариутгана. Өөрийн талаас журмаа яс баримталж байгаа. Эцэг эхчүүд маань ч хүүхдүүдээ харуулаад ажлаа амар тайван хийгээд сэтгэл амар байна гээд л өдөр болгон хэлдэг.
-Өдөрт 5-6 хүүхэд хардаг юм байна. Төлбөр мөнгө авах уу?
-Нэг хүүхдээс өдрийн 10 мянган төгрөг авдаг. Энэ мөнгийг хоол унданд нь зориулдаг. Бас туслах багшийгаа цалинжуулж, хүүхдийг нь үнэгүй хардаг. Гэхдээ өдрийн 10 мянган төгрөгөө бөөнөөр нь авахгүй ээ. Тав хоногоор нь л авдаг. Энэ нь эцэг эхчүүдэд дарамт болохгүй байх гэж боддог. Бас талийгаач охидынхоо төрсөн өдрөөр хүүхдүүдээ үнэгүй хардаг. Есдүгээр сарын 2-нд бүх хүүхдээ үнэгүй харсан. Одоо есдүгээр сарын 19-нд үнэгүй хүлээн авна.
-Цаашдаа зөвшөөрөл хөөцөлдөөд хувийн цэцэрлэг болгох бодол бий юу?
-Одоохондоо сайн мэдэхгүй л байна. Яваандаа учир нь олдох байх. Гэхдээ хөөцөлдөж байгаад цэцэрлэгийн зөвшөөрөлтэй болохыг хичээнээ. Би зөвхөн хүүхдийг хооллож ундлаад байхгүй. Эргэн тойрондоо дасаж, хүүхдүүдтэй тоглох бас шинэ зүйлс сурах хэрэгтэй гэж боддог. Хэдийгээр гэртээ харж байгаа ч хүүхдийн орчин, мөн хүүхдүүдэд зориулсан булантай. Хүүхэд харна гэдэг чинь бүх сэтгэл зүрхээ гаргаж ажиллах юм шүү дээ. Зүгээр л гэртээ өөрийнхөө хүүхдийг харахаас тэр өөр. Хүүхдэд зааж, сургахаас авахуулаад зөндөө юм бий.
-Хүүхдээ төрүүлэхээр яах вэ. Хүүхдүүдээ хүлээж авах уу?
-Харна аа. Манай гэр хоёр давхар. Нэг давхараа цэцэрлэг болгоод тохижуулчихсан байгаа. Өөрсдөө хоёр давхартаа амьдарч байгаа. Бидэнд тохиолдсон эмгэнэлт явдал өөр ямар нэгэн айлд бүү тохиолдоосой гэж чин сэтгэлээсээ хүсч, залбирдаг. Тиймээс цэцэрлэггүй байгаа хүүхдүүдийг эрсдэлтэй байдалд оруулахгүйн тулд авсаар байх болно. Үр хүүхдээ алдах шиг аймшигтай зүйл энэ хорвоо дээр байхгүй. Гэхдээ бид хоёр ард түмнийхээ ачаар босч чадсандаа баярлаж явдаг. Хандив гээд мөнгө ороод ирэхэд бид хоёр гайхаж, бас их сандарсан. Үүнийг далимдуулаад, Монголынхоо нийт ард түмэнд баярласан талархсанаа дахин илэрхийлье. Унасан нэгнээ түшээд босгоод ирдэг гайхалтай ард түмэн юм.
Б.Анир
18 сэтгэгдэлСэтгэгдэл бичих
Setgel saitai bhd buh zuil saihan bolnoo. Idahgui turuh urd n bolon eejid n ger buld n sain saihniig husie. Ajild n amjilt eruue
Хандивиин аян зохиоё оо
Аз жаргал хүсье
MASH CAIN BAINA TA 2-IIG MONGOLCHUUD DEMJIX BOLNO CAIN CURGAN XYMYYJYYLEGCH BOLOROI MONGOLIIN IREEDYI BOLCON XYYXDYYDIIG XAIRLAJ XARJ ACARCH BAIGAA TAA 2-T AMJILT CAIN CAIXNIIG XYC YEE
hayag ni haana be
sain saihan buhniig husey..unshaad uillaa.bi chin er hun shuudee..gehdee ene ih tesver,ene ih saihan saihan setgeliin umnu uilahgui baij chadsanguiee..Amjilt husii
Sain bn minii duu , ahij nemej 2 huuhed gargaj 3 huuhedtei boloooroi zaluu humuus bn amidrald ni az jargal husie . Saikhan setgel buhniig yalna
Сайн сайхан бүхнийг хүсье..
amjilt
Mongotoi bna
bayr xvrgie amjilt dvv mini
uneheer mundag yuma amjilt
2 duudee bayar hurgie. aan 3 duudee shu. ih saihan setgeltei zaluus bna da. duu nariin mini amidral ugelj saihan bh boltugai
eruul saruul saichan amidraarai
Amjilt
Kk хүүеээ жирэмсэн юм уу ингэнээ хөөрхийнбэ
Амжилт.
mundag baina amjilt