Сэрэмжлүүлэг
Амралтын өдрүүдэд орон нутгийн замд ноцтой зам тээврийн 3 осол бүртгэгдэж гурван хүний амь нас хохирсны хоёр нь мотоциклтой хөдөлгөөнд оролцны улмаас амь насаа алдсан байна. Иргэд жолооч та бүхэн мотоцикл унаж хөдөлгөөнд оролцохдоо хамгаалалтын малгай, техникийн бүрэн бүтэн байдлыг хангаж хөдөлгөөнд оролцохыг анхааруулж байна.
-2020.09.19-ний 21:00 цагийн орчимд Сүхбаатар аймаг, Мөнххаан сум, 3-р баг сумын төвөөс баруун зүгт 20 км, шороон замд “Хүнхий” гэх газар Даюун маркийн улсын дугааргүй мотоцикл онхолдож, жолооч Д-ын амь хохирсон.
-2020.09.20-ны 00:08 цагийн орчимд Баянхонгор аймаг, Бөмбөгөр сумын 3-р баг “Рашаантын ам” гэх газар хатуу хучилттай замд Misibishi Rajero автомашин онхолдож зорчигч, 45 настай, эмэгтэй С-н амь хохирсон.
-2020.09.20-ны 01:25 цагийн орчимд Ховд аймаг, Жаргалант сум, Рашаант баг аймгийн төвөөс зүүн хойш 5км асфалтан замд “Рашаантын ам” гэх газар Volvo FH440 маркийн автомашины жолооч Мустанг-5 маркийн улсын дугааргүй мотоциклтой мөргөлдөж, мотоциклын жолооч 45 орчим настай, эрэгтэйн амь хохирсон.
Согтуугаар тээврийн хэрэгсэл жолоодсон 66 жолоочийг илрүүлж ажилласан байна. Мөн давуу эрх бүхий явган зорчигчид гарц нь дээр зам тавьж өгөөгүй 278 жолоочийг Монгол улсын ЗТХ-ийн 14.7.38-д заасны дагуу хариуцлага тооцож ажилласан байна. Нийслэлийн хэмжээнд хүн гэмтсэн гэх дуудлага мэдээллийн дийлэнх хувь нь явган зорчигч автомашинд мөргөлдөх хэлбэрээр гарсан байна. Иймд явган зорчигч та зам хөндлөн гарахдаа явган хүний гарцтай хэсгээр гарах, гарц гарамгүй газраар зам хөндлөн гарах бол ойртон ирж байгаа тээврийн хэрэгслийг явж өнгөрсний дараа зам хөндлөн гарч байхыг анхааруулж байна.
Эх сурвалж: Тээврийн цагдаагийн алба
1 сэтгэгдэлСэтгэгдэл бичих
arxi arxi arxi uur yu ch bish