Хан-Уул дүүргийн "Хөрш заан" хотхонд согтууруулах ундаа хэрэглэсэн жолооч ноцтой осол гаргажээ

Хан-Уул дүүргйн 20 дугаар хорооны “Хөрш заан”  хотхонд өчигдөр /2020.09.22/ 21.30 минутад  ноцтой осол гарч 2-3 хүн бэртэж ГССҮТ-д хүргэгджээ. Эх сурвалжийн мэдээлж байгаагаар “Осол гаргасан жолооч 100 метр орчим газраас хурд аван, зогсоол хайж байсан машиныг мөргөж улмаар ойр орчимд байсан 7-8 машиныг мөргөсөн байна. Тухайн жолооч согтуу байсан бөгөөд эхнэртэйгээ муудалцсан уурандаа осол гаргасан” хэмээн тайлбарласан байна.

Энэ талаар Тээврийн цагдаагийн албанаас тодруулахад “ХУД-ын 20 дугаар хороо "Хөрш заан" хотхоны 106 байрны хойд замд Lexus RX350 маркийн автомашины жолооч Б нь архи согтууруулах ундааны зүйл хэрэглэсэн үедээ тээврийн хэрэгсэл жолоодон toyota Aristo, Toyota Aqua, Toyota Rumion маркийн автомашиныг мөргөж, жолооч 30 настай , эрэгтэй Т, 27 настай эрэгтэй У нарын 2 хүн гэмтсэн” гэлээ.