2020 оны 9-р сарын 25
12 цаг 10 минут

Б.Мишээл: Би эмч хүнийг олон хүүхэдтэй эх хүн гэж боддог

Орхон аймаг дахь бүсийн оношилгоо эмчилгээний төвийн Яаралтай эмчилгээний тасгийн ар гэрийн хүлээлгийн өрөөг засвар хийж,  тохижуулах санаачлага гаргасан тус эмнэлгийн Ерөнхий мэргэжил судлалын резидент эмч Б.Мишээлтэй ярилцлаа.

Юуны түрүүнд сайхан санаачлага гарган амжилттай хэрэгжүүлсэнд баяр хүргэеЯагаад энэ ажлыг санаачлах болсон талаар яриагаа эхэлье?

- Сайн байна уу? Та өдрийн мэндийг хүргэе, Миний хувьд 2019 онд их сургуулиа төгсөөд Эрдэнэт хотынхоо бүсийн оношилгоо эмчилгээний төвд резидент эмч болсон. Анх эмнэлэгтээ ирэхэд эмнэлгийн маань удирдлагууд найрсгаар хүлээн авч, өвчтөнөө чин сэтгэлээрээ хайрлан үйлчлэх, сайн суралцахын зэрэгцээ шинэ санаа санаачлага гаргаарай гэж захисан. Эмнэлгээр тусламж үйлчилгээ авч буй үйлчлүүлж буй хүмүүс их бага гэлтгүй сэтгэл зүйн хувьд санаа зовох асуудалтай байдаг. Тэр дундаа хэн нэгний ойр дотны хүн сэхээний тасагт хэвтэн эмчлүүлж байхад ар гэрийн сэтгэл зүй маш хүнд байх нь байдаг. Тиймээс ядаж хүлээлгийн өрөөгөөр үйлчлүүлэхдээ тав тухтай, тайван, дулаан орчинд байснаар дагаад бие, хэл, сэтгэл гурав тайван байх болов уу гэж бодсон.

Санаагаа яаж хэрэгжүүлсэн бэхэдэн төгрөгийн зардалтай бүтсэн бэ?

- Анх ийм санаа байна гэдгээ гэр бүлийнхэндээ хэлэхэд ээж маань төрийн бус байгууллагуудтай холбож өгсөн ч олигтой шийдэлд хүрч хүрээгүй. Гэсэн хэдий ч яаж хийх гэж бодож, ярьж явсаар нэг өдөр өөрийн ойрын эгч болох Х.Тамир-д хэлэхэд маш сайхнаар хүлээж авч тусална гэдгээ хэлсэн.  Тэгээд Тамир эгч ахынхаа “Тийм Эттэ” ХХК-тай холбон өгч,  засварын ажлыг маань сэтгэл зүтгэл гарган хийж өгсөн. Мөн “Тийм Эттэ” ХХК-ийн хамт олон манай эмнэлгийн Эрчимт эмчилгээ, Мэс заслын тасгуудыг бүрэн камержуулсан.

Түүнчлэн, Х.Түмэнтогтох, Х.Тамир, Б.Өнөдэлгэр, Л.Энхзориг нар мөнгөн дэмжлэг үзүүлж, өрөөний тавилгаа “Монтэ мебель” ХХК-д хийлгүүлсэн. Ийм өрөө байна гээд анх зургийн явуулахад чи заавал хийгээрэй гэж урам өгсөн миний үеэл болох Д.Соёлмаа маань маш хурдан хугацаанд үнэхээр гоё интериер дизайн гаргаж өгсөн.

Тиймээс маш олон хүний сайхан сэтгэлээр  санаагаа хэрэгжүүлж чадсан. Энэ бүх хүмүүстээ маш их баярлаж талархаж байгаагаа хэлмээр байна. Нийт 4’550’000 мянган төгрөгийн зардлаар бүтсэн.

Тав тухтай цэвэр орчинд байгаа хүмүүсийг хараад ямар мэдрэмж төрсөн бэ?

-Ажлын бусад цагаар хүмүүс маань ирж ажилладаг байсан шөнө нойроо хагасалж бусдын төлөө сэтгэл зүрхээрээ ажиллаж байгаа тэр хүмүүсийг хараад би өдөр бүхэн үнэхээр их баярладаг байсан. Одоо өрөөний хажуугаар явахдаа тухтай сайхан орчинд сууж байгаа ар гэрийг хараад энэ өрөөг засварласан бүх хүмүүс бодогддог үнэхээр ямар нөхцөлд яаж ажиллаж байсан гээд бүгд бодогддог болохоор үргэлж дотроо талархдаг.

Ер нь яагаад эмч мэргэжлийг сонгох боловМөн Орхон аймагт ирж сурах болсон талаараа ярьж болох уу?

-Би жоохон хүүхэд байхаасаа эмнэлгийн орчинд байж өссөн хүүхэд болохоор эмчээc өөр мэргэжил бодож байгаагүй юм байна лээ /инээв/. Би чинь Эрдэнэт хотын унаган хүүхэд, манайх 3 дугаар микр-т байдаг. Тэгээд 2019 онд сургуулиа төгсөөд Эрүүл мэндийн яам болон Эрүүл мэндийн хөгжлийн төвийн бодлогоор хэрэгжиж буй Японы “JICA” төсөл буюу “Төгсөлтийн дараах сургалт”-ын талаар сонсоод энэ хөтөлбөр их хэрэгтэй олон давуу тал байгааг олж хараад бүх чиглэлээр өөрийнхөө практикт суурилсан мэдлэгийг дээшлүүлэх боломжтой юм байна гэж шийдээд Орхон аймгийн бүсийн оношилгоо эмчилгээний төвийг сонгон суралцсан.  Манай эмнэлэгт нийт 5 резидент суралцаж бүгд маш амжилттай шалгалтаа өгч төгссөн. Цаашид энэхүү JICA резидентийн сургалтанд олон залуу эмч нар хамрагдаж суралцана гэдэгт итгэлтэй байна.

Мөн биднийг үргэлж дэмжиж байдаг Б.Батсүх эмч, М.Ундрахсайхан эмч болон эмнэлгийн хамт олонд баярлалаа.

Таны хувьд эмч хүн гэж ямар хүнийг хэлэх вэ? Энэ асуултаар ярилцлагаа төгсгөе.

-Мэргэжлийн үүднээс биш хувь хүнийхээ өнцгөөсөө хариулъя. Би эмч хүнийг олон хүүхэдтэй эх хүн гэж боддог. Эх хүн хэчнээн олон хүүхэдтэй байсан ч хүүхэд бүртээ хайраа харамгүй өгч, тэднийхээ төлөө бүх зүйлийг зориулахад бэлэн байдаг. Эмч хүн ч мөн адил өвчтөн бүрээ өөрийн гэр бүл шигээ хайрлан эрүүл саруул болгохын тулд чадах бүхнээ зориулдаг гэж боддог.

Гэгээлэг сайхан зүйлийн талаарх ярьсан чамд их баярлалаа. Амжилт хүсье

  • Танд бас баярлалаа

7
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

7 сэтгэгдэлСэтгэгдэл бичих

66.181.168.81Зочин   • 9 сарын 28. 10 цаг 56 минут

Яасан мундаг санаачлагатай юм бэ? Сайн эмч болох болоорой. Одоо ийм санаачлагатай байгаа юм чинь эмч болохоороо илүү ихийг хийх байхаа. Хүмүүс яагаад ийм муухай байдаг байна. Нэг ч гэсэн сайн зүйлийг олж харах хэрэгтэй. Эмч хүн л хүний авардаг шүү дээ. Хүн л юм алдаа гаргадаг эмч байдаг л байх гэхдээ аврах хавьгүй олон байхаа. Байгаа байгаа газартаа хүн бүр л хичээгээд өөрт оногдсон ажлаа л хийчихдэг бол. Сошиал орчин бол хэрүүл хийж уур бухимдлаа тайлах талбар биш.

150.129.141.68Зочин   • 9 сарын 26. 7 цаг 45 минут

Сэтгэл санааны гутралтай, юмыг үргэлж болохгүй талаас нь хардаг хүмүүс олширсоор байгаа нь харамсалтай.

203.91.115.42Зочин   • 9 сарын 25. 20 цаг 53 минут

Би бол цагаан халаадтай алуурчин гэж боддог.

122.201.19.99зочин   • 9 сарын 25. 19 цаг 47 минут

Нус бол харагдахгүй бнаа амжилт хүсье сайн эмч болоорой

202.179.24.127zochin   • 9 сарын 25. 16 цаг 49 минут

sain emch,amjilt chuseei

65.74.233.194Irgen   • 9 сарын 25. 14 цаг 39 минут

Ystoi neg Sain umiig sonsoh durgyi hymyys bh umaa Ene ohinii setgeliig hiisen byteesniig n harj boddoggyi umuu

202.21.113.146ББ   • 9 сарын 25. 12 цаг 55 минут

Нусаа ав, эмч бол. Дараа нь олон хүүхдийн эх мэх гэж ярь

Шинэ мэдээ

Цусны хорт хавдраар өвдсөн Сүйжинд туслах "Сэтгэл шингэсэн аялгуу" тоглолт болоход гуравхан хоног үлдлээ8 цаг 51 минутын өмнөБусдад цэцэг бэлэглэхэд учир бий8 цаг 56 минутын өмнөЖүжигчин Гонюү болон Пак Богум нарын анхны хамтрал "Собуг" тун удахгүй9 цаг 6 минутын өмнөТанилц: Нийслэлийн Засаг дарга Д.Сумъяабазарын зургаан орлогч9 цаг 13 минутын өмнөХэрхэн төлөвлөж сурах вэ9 цаг 16 минутын өмнөТ.Аззаяа: Газрын ховор элементээрээ манай улс дэлхийд өрсөлдөх боломжтой9 цаг 26 минутын өмнөЯпон хүлэмжийн хийн ялгарлыг тэглэхээ амласныг сайшаажээ9 цаг 36 минутын өмнөСпиртэн суурьтай гар халдваргүйжүүлэгчийг хэрэглэж хэвшээрэй9 цаг 46 минутын өмнө"Спутник V" вакцинаар тариулсан хүмүүсийн 85 хувьд нь гаж нөлөө ажиглагдаагүй9 цаг 56 минутын өмнөЗГХЭГ-ын дарга Л.Оюун-Эрдэнэ Канадын Элчин сайдтай уулзав10 сар 27. 15:10Цаг хугацааны хар нүх гэж бий юу10 сар 27. 15:10Армен бөх яагаад дайнд явснаа тайлбарлалаа10 сар 27. 15:00Нөөцийн мах бэлтгэн нийлүүлэх сонгон шалгаруулалтад урьж байна10 сар 27. 14:51Мөнгөө хэрхэн хадгалах вэ – Ихэр хөвгүүдийн бодит жишээ10 сар 27. 14:49Цар тахлын дараах жүдочдын шинэ чансаа (Эмэгтэй)10 сар 27. 14:40Эмийн бүртгэлийн загвараас зөрүүтэй 1 нэрийн эм илрүүлж байжээ10 сар 27. 14:30Францын барааг худалдан авахгүй байхыг Эрдоган туркуудад уриалав10 сар 27. 14:20Бүх төхөөрөмжид ашиглаж болох тавхан секундэд цэнэглэдэг батерей зохион бүтээжээ10 сар 27. 14:10Асашёорюү Д.Дагвадорж Ерөнхийлөгчийн бие төлөөлөгчөөс чөлөөлөгдлөө10 сар 27. 14:07Хойд туйлын "Мөс цавчигч" эзэн10 сар 27. 14:00Халдвар авсан хүний тоо таван өдөр дарааллан 400 мянга давжээ10 сар 27. 13:40COVID-19: Буриадад гурван одтой буудлыг эмнэлэг болгон ашиглана10 сар 27. 13:30Аброгенчүүдийн уран зургийн үзэсгэлэнд монгол хүүхдийн 50 гаруй бүтээл тавигджээ10 сар 27. 13:20Беларусийн эсэргүүцэл: Жагсагчдын эсрэг хүч хэрэглэж, 200 гаруй хүн баривчлагджээ10 сар 27. 13:10Ази, Номхон далайн хэлэлцээрээс ашиг хүртэнэ10 сар 27. 13:00Тайгад суурилуулсан камерт ховор ан амьтдын дүрс, зураг бичигджээ10 сар 27. 12:50Москва хотод халдварын улмаас нас барсан хүний тоо 6.5 мянга давжээ10 сар 27. 12:40Цар тахлын дараах жүдочдын шинэ чансаа (Эрэгтэй)10 сар 27. 12:30АНУ-ын Конгрессын Сенатын танхим Дээд шүүхийн шүүгчийг томилов10 сар 27. 12:20Виртуал спортын наадам дуусахад ердөө хэдхэн хоног үлдлээ10 сар 27. 12:16
© 2008 - 2020 он. Зохиогчийн эрх хуулиар хамгаалагдсан.