Хойд эцгийнхээ харгис тамлал, хайр найргүй зодуурыг даалгүй 9-хөн настай охин хорвоогийн мөнх бусыг үзүүлээд хэдхэн хонож байна. Хэвлэлийнхэн охины ээж, эгч, хойд эцэгтэйгээ амьдарч байсан газруудыг хайж олж, хөршүүдтэй нь уулзаж, ярилцлага авсан. Гэтэл хөршүүд нь “Байнгын архи уудаг байсан. Хүүхдүүд нь орой үдэш уйлна. Нөхөр нь юм байлгүй нэг залуу хүүхдийг маш их зоддог. Тэр охиныг зодож байхыг нь би харсан. Орой зодоод, чирээд явж байхыг нь би зөндөө харсан. Хөөрхий минь орой уйлаад л зогсож байдаг байсан. Ээжтэй юм билээ. Ээжгүй байсан бол би цагдаа дуудаад өгмөөр л байсан. Ээж нь байгаа мөртлөө хүүхдийг нь зодоод байхад яагаад өмөөрдөггүй юм бол гэж би хараад гайхдаг байлаа” гэж ярих.
Өөр нэг хөрш нь “Энэ хавийнхан сайн мэднэ. Хүүхдээ байнга зодож, нүдэх юм, ямар сонин юм гэж ярьдаг байсан. Би цагдаад хэлдэггүй юм. Ямар манай ах, дүү нар байгаа биш, бидэнд ямар хамаатай юм гээд нэг их ойшоодоггүй байхгүй юу. Уг нь би хэлье гэж бодож байсан. Гэтэл нөхөр маань намайг загнадаг. Чамд ямар хамаатай юм гэж” хэмээн ярьж байх жишээтэй. Монголчуудын дунд “Эр эмийн хооронд илжиг бүү жороол” гэж хэллэг бий. Эртнээс л гэр бүлийн хүчирхийллийг өөхшүүлж ирсэн муу зантай гээд хэлчихэд нэг их буруудахгүй. Гэхдээ одоо хувиа бодсон энэ мэт зангаа хаяж, илжиг болж жороолох хэрэгтэй байна. Монголд хүүхдийн хүчирхийллийн эсрэг 52 хууль, журам байгаа талаар албаны хүмүүс хэлж байсан. Тэгэхээр хууль, журмаар дутаагүй. Харин тэр олон хуулийнхаа цоорхойг нөхөж, цагдаа нь мэдрэмжтэй ажиллаж, хаалттай хаалганы цаадахыг сайтар судалж, тандаж байх хэрэгтэй байна.
Тэгэхийн тулд иргэд “илжиг” болж жороолох ёстой. Яг үнэндээ гэр бүлийн болон хүүхдийн эсрэг хүчирхийллийг багасгах, таслан зогсоох эрх, боломж иргэд бидний гарт байна. Хөрш чинь гэр бүлийн хүчирхийлэл үйлдэж, эхнэрээ, хүүхдүүдээ байнга дарамтлаад, зодоод, тамлаад байвал та цагдаад мэдэгд. Гэр бүлийн хүчирхийлэлтэй тэмцэх тухай хуулийн 29.1-т "Хүүхэд гэр бүлийн хүчирхийлэлд өртсөн, өртсөн байж болзошгүй гэж үзвэл төрийн, төрийн бус байгууллагын ажилтан, хуулийн этгээд, бусад этгээд цагдаагийн байгууллагад, цагдаагийн алба хаагчийн эзгүйд сум, багийн Засаг даргад болон хүүхдэд яаралтай тусламж үзүүлэх утасны үйлчилгээнд мэдээлэх үүрэгтэй" хэмээн зааж өгсөн. Хөрш айлынхан хүүхдийн хүчирхийлэл үйлдэж буй этгээд байгааг мэдсэн бол заавал цагдаад мэдэгдэх үүрэгтэй. Гэтэл энэ үүргээ иргэд биелүүлэхгүй байна.
2018 онд гэр бүлийн хүчирхийлэлтэй холбоотой дуудлагын ердөө л 10 хувийг хөршийн дуудлага эзэлж байсан. Харин 2019 онд энэ тоо 20 хувь болж нэмэгдсэн судалгаа байсан. Гэхдээ энэ оны эхний улиралд. Оны эцэс болоход энэ тоо яаж нэмэгдэхийг, эсвэл хасагдахыг таашгүй. Нэмэгдээсэй билээ. Энд дурдаад байгаа тоо бол гэр бүлийн хүчирхийллийн дуудлага, мэдээлэлтэй холбоотой статистик. Үндсэндээ мэдэгдсэн, илэрсэн, хүчирхийлүүлж байгаа иргэд нь хэлсэн хэрэгтэй холбоотой тоо юм. Гэтэл түүний цаана хуулийн байгууллагийнханд мэдэгдэлгүйгээр хэчнээн хүн араатан гэртээ хүчирхийлэл үйлдэж, хэдэн хүүхэд, эмэгтэй амьдын там дундуур туучиж явааг хэн ч мэдэхгүй.
9 настай охин амь насаа алдсан нь үүний нэг жишээ. Тэр айлд тийм хэрцгий хүчирхийлэл үйлдэгдэж байгааг хуулийн байгууллагынхан мэдээгүй байж болно оо. Харин хөршүүд нь мэдэж байсан. Харсан. Хөөрхий охиныг аврал эрэн уйлахыг, харанхуй шөнө нүдэндээ нулимстай гадаа зогсохыг тэд харж, мэдэж ч байж. Гэтэл яагаад мэдэгдсэнгүй вэ. Бусдын асуудалд оролцохгүй гэдэг аминчхан бодлоос чинь үүдээд бяцхан үрс амиа алдаад байна. Хойд эцэг, эх төдийгүй төрсөн аав, ээжийнхээ гарт амиа алдаж байгаа олон тохиолдол гарсан. Бид зүгээр л тоолсоор суугаа.
Хүчирхийлэл үйлдэгдэж байж болзошгүй гэсэн дуудлага ирсэн бол нэг очиж шалгаад, иргэдийн амыг дагаад буцаад явчихдаг, мэдээлэл өгсөн хүнийг “тамлан зовоодог” тогтолцоогоо хал. Хамтарч болох бүх хүн хамтраад, хүчирхийлэгч байж магадгүй айлыг ажигла, танд, хөрштэй нь нийлээд хөдөлшгүй баримтаар тогтоо. Утсаараа видео болон аудио бичлэг хийгээд, баталгаажуулдаг байхыг ч зөвлөсөн яадаг юм. Тийм сэтгэлтэй, мэдлэгтэй, бяцхан үрсийг, хүчирхийлэлд өртсөн эмэгтэйчүүд, хөгшид, зарим эрчүүдийг хайрлах зүрхтэй иргэдтэй больё. Түүний тулд соён гэгээрэл хэрэгтэй байна.
Иргэд ч гэсэн цагдаа ганц, хоёр дуудаж мэдүүлэг авахаас төвөгшөөж байгаа бол та хүн биш. Хоёр дуудагдаж мэдүүлэг өгөх хүүхдийн амь наснаас үнэтэй юм гэж үү. Хүний хэрэгт оролцохгүй байна гээд дуугүй сууж байгаа чинь та ч гэсэн хүчирхийлэгчийг өөхшүүлэн дэмжиж байгаагаас ялгаагүй. Тиймээс хүчирхийлэгчийг тэвчдэггүй иргэн байцгаая. Та гэртээ хүчирхийлэл үйлдэхгүй, хүүгээ, охиноо хайрлаж өсгөж болно. Таны хүүхэд гэрээсээ гараад хүчирхийллийн үр дагавартай нүүр тулаад байна. Ангийнх нь найз хойд эцэгтээ зодуулаад нас барсныг сонсоод хүүхдүүд бяцхан зүрхэндээ яаж шаналж, сэтгэлдээ юуг тунгааж байгаа бол. Хүчирхийлэлгүй нийгмийг бүтээж байж л бид бүгдээрээ хүчирхийллээс ангид байж чадна. Та өөрийнхөө хүүхдийг хүчирхийлдэггүй, байнга зоддоггүй, дарамталдаггүй, зовоодоггүй байж болно оо. Гэхдээ бусдын хүүхэд зодуулж, хавиргаа хугалуулж, заазуураар зүсүүлж, эхнэрүүд нь сэтгэцийн өөрчлөлттэй болтлоо гэр бүлийн хүчирхийлэлд өртөж байгааг тэвчээртэй хараад сууж байдаг бол та ч гэсэн хүчирхийлэгч мөн.
30 сэтгэгдэлСэтгэгдэл бичих
ter duudlaga ugsun xuntei zerleg buduuleg balmad xanddag ter tsagdaa nar , duudlaga ugsun xuniig hohirooj torgoj zovooj bxr zohitsuulsan ter xuulial uurchil , teriigee uurchuxgui bol naad chin myanga orilood nemergui , 1 -2 duudlaga ugnu teged l zalhaad xashirna sh de xumuus, yamar gadaadiin gar xul bolson erguu malnuud ni tiim xorlontoi xuuli batluulaad yavdag um bgaan
Хов битгий зөө гэсэн хэллэгийг буруугаар ойлгосноос болж хичнээн их хүүхдүүд болон эмэгтэйчүүд хохирч байгааг ойлгох цаг нь болсон.
эр эмийн хооронд илжиг бүү жороол гэдэг нь хооронд нь хов бүү зөө гэсэн үг болохоос хэн нэгнийг зодож байхад бүү оролц гэсэн үг огт бишшшш
bossuudiin arhinii vildveree haagaachee..tv.r arhi pivoni reklam dvvren garch b.ashdee.henii biznesiig demjeed b aa
Архидалттай тэмцэж байж гэр бүлийн хүчэрхийлэлийг бууруулна. Албан газар, найз нөхөдөөрөө нийлж архидаж, садарлаж явдаг гаж үзэгдэлийг эхлээд таслах хэрэгтэй.
dawxar tsagdaad baitsagdaxaas zalaxdag baij bolno tiimees duudlaga ugduggvi baix shv eej ni dawxar daramtand baisan bolj taarax geed baina xetsvvch ymda xvnee tanixgvi xanilax
Хүний эохийн Оюунчмэг гэж аьгай өөрийгөө яаж өмгөөлж хошгирч чаддаг билээ хүний төлөө юу хийсэн бэ
Хүний эрх хүүхдийн эрх ярьсан хэдэн авгай нар орой болгон телевизээр гарч худлаа хошгирдог биз дээ. Тэднээс яг юу хийн г йгүүлж ямар ажил хийж цалин авч зүгээр суудгийг байцаамаар бна.
Архи, архидалт ийм их байхад хүчирхийлэл, гэмт хэрэг хэзээ ч зогсохгүй.
хүчирхийллийн гол шалтгаан нь архидалт, ажилгүйдэл. өөрөө өөртөө ажлын байр бий болгоод амьдралтай байна гэхээр төрд орсон нам дагасан хулгайчдын торгууль хавчлага татвар дарамт их ингээд дампуурна. дараа нь дампуурчвуу ашгүй тэгвэл гэр ав, түлээ ав, халамж ав, хоолны талон өгий чи архиа уугаад авгай хүүхдээ тамлаад бай гэснээс ялгаагүй бодлого манай аугаа намчид явуулж байгаа. манжууд ч ийм хорон бодлого явуулж байгаагүй. дээр нь цагдаа дуудвал торгуультай дуудахгүй бол бас торгоно та нарын аугаа хүкийн ард иргэд зориулж хийж байгаа гол ажил
Нам ярьж хөөрсөн, сонгууль хооронд ажилласан хүмүүсийг хүнд хэрэгтэй ажил хийлгээ Гэр хорооллын гудамжинд өдөр тутмын ажлаа хиййййй. Энэ Монгол улсыг Нам биш одооны хүүхдүүд чинь цаашид авч явах юмшүүдээ.
Үзэх дуртай Холливудын кинон дээрчин гардаг биздээ. Хүүхдийг хуулиар яаж хамгаалж байна. Хүүхдээ өсгөж хүмүүжүүлж чадахгүй хүнээс хүүхдийг нь хулиар салгадаг. Кинон дээрээс ч гэсэн ядаж хэрэг болох юмаа хуулж аваачаа.
Хэрэгггүй баахан конторын албан хаагч нарыг байнга гадуур явж халуун цэгт хүүхэд хамгаалах ажилд оруул. Энэ ажилд төр засаг хүч тавих хэрэгтэй. Хүчирхийлэлд өссөн хүн мэдрэлийн согогтой, гаж донтой, хүчирхийлэгч төрж гарна.
Тийм тохиолдолд юун түрүүнд хүүхэдийг хамгаалах ажлыг маш сайн зохион байгуулах хэрэгтэй. Хүүхдийг улсын хамгаалалтанд авах шаардлагатай бол ээжийг нь ч гэсэн хамгаалах хэрэгтэй. Хүчирхийлэгчийг ахиухан хугацаагаар хорих бөгөөд хорихоос гарсан тохиолдолд эх хүүхэд хоёртой хамт ойрхон амьдрахыг хуульчлан хориглох цаашид цагдаагийн хяналтанд байнга байлгах хэрэгтэй. Хамгийн гол нь хүчирхийлэл үйлдэхээс өмнө таслан зогсоох шаардлагатай байна.
Цагдаа дуудаад ирээд аваад явлаа гэхэд эрүүлжүүлэхээс гарч ирээд л бүр их дарамтлана шүү дээ. Харин орчин үеийн электрон гав энээ тэрээ гэсэн арга хэрэгслийг амьдралд нэвтрүүлэх хэрэгтэй байна. 1-2 метр зайтай байх тогтоол гаргаад тэгэх юм бол гар хүрч чадахгүй шүү дээ.
ЭХ НЬ БАС МАШ ИХ БУРУУТАЙ
Нас Хууль хатуу шуударга санаатай хүний амь бусниулсан бага насны хүүхэд хүчирхиилсэнд цаазын ял өг үүл
Эх нь хамгийн их буруутай, мэдсээр харсаар байж бага насны охиныг амь насаа алдах хүртэл дуугуй сууж байдаг, үр хүүхдээ үхэлд хүртэл занчуулж яргалуулаад юуны нөхөр вэ? яасан их энэрэнгүй хайраар нөхөр нэртэй хүн хогийг өршөөсөн юм болоо? Лав сэтгэц нь урүүл биш байхаа. дээр нт хөршүүд нь хүний үнэргүй, амиа хичээсэн арчаагүй юмнууд байж, хэрэв эртхэн цагдаад мэдэгдсэн бол амийг нь амрах байсан ш дээ. Хайран хөөрхөн охин... Хүүхдийн эрх зөрчигдсөөр, өнгөрсөн хойно л худлаа халаглаад л...Ум сайн амгалан болтугай.
Manai gerees hun deerem hiigeed tsagdaa duudaad irtel nuguu hun bi uuriinhuu yumiig avch bna geed minii ed heregsliin tsagdaa bid 2-n nuden deer avaad garsan. Duudsan tsagdaa maani namaig hamgaalah baital yumiig ni ug gej namaig zagnaad bitgii dahij iim yuman deer tsagdaa duudaj bai gej baahan hel amaar doromjlood yavsan. Bi bur shokond orood yumaa aldaad deerees ni setgel zuin hohirol tsagdaagaas avaad uldsen. Uuneed hoish Mongoliin tsagdaad itgeh itgel baihgui bolsoon.
Цагдаа нэг ирээд аваад явна. хэд хоногийн дараа гарч ирээд дахиад л хүчирхийллээ үргэлжлүүлнэ. Гэртээ улам их агсан тавина. Дуудлага өгсөн биш тэр гэр бүлийнхэн улам их хүчирхийлүүлж байна ш дээ. Ийм байхад тэр гэр бүлийнхний төлөө дуудлага өгөхөөсөө ч эмээж байна.
heleh ch ug oldohguinee huurhii mini
Хадамын хашаа байшинд очих болгонд хажуу хашааны гэртэй айлын 10 орчим насны хүүг байнга зодоод байгаа дуулддаг аймар зоддог бололттой чарлаал үнэхээр хэцүү санагдаад Цагдаа дуудаад хашааны завсараар харж байсан чинь 2 цагдаа ирээд дуудлагын дагуу явж бна танай хөрш дуудлага өглөө гэдэгийм даа тэгсэн нөгөө хүүхдээ зоддог авгай хашаа давуулж хоньны сүүжний яс мас янз бүрийн юм цацаад хүүхэдийг гудамжинд явж байхад нь загнасан гэсэн. Тэгэхээр цагдаа дуудлага өгөгчөө нуумаар юм
Бусдаас буруу эрэх хэрэггүй. Хувь хүний ёс суртахуун ухамсар маш доройтсонд анхаарах хэрэгтэй. Авилгал, архидалт байгаа цагт улс хөгжихгүй
Өмнөд Солонгост хажуу айлд байнга хүүхэд уйлах чимээ гараад байвал хөрш нь цагдаа дууддаг. Мөн архи уусан хүн жолоо барьвал хажууд нь хамт явсан хүнийг нь ч бас ялладаг хуультай!!
Хүмүүсийн хүн чанар эвдэрсэн учраас хүчирхийлэл гаарсаар байна. Үүнд баян ядуу хамаагүй.
iljig bolchihvol tsagdaa nar n bainga duudah bailgui
Arhinii gradusiig bagashaj sojutei adilhn 20 gradus bolhochih l heregtei bgamdaa mongol hund ondor gradus n arhi zohihguiee
эх нь гэж нэг мал хүүхдээ авраад өөрөө үхэх хэрэгтэй шүү дээ энэнд их учир байна
ИЛЖИГ БОЛОХООР ЦАГДАА ШҮҮХ НЬ ДУУДААД ГЭРЧ БОЛГООД МАТААЧ ХОВЧ ИЛЖИГ ГЭЭД ЗАРЛАЧИХ БАЙХ ГЭЖ АЙДАГ ЮМ БАЙЛГҮЙ ДЭЭ. ХОРООНЫХОН ИРГЭДЭЭ САЙН СУДАЛ, ХҮҮХЭД ХАМГААЛДАГ ҮЙ ТҮМЭН БАЙГУУЛЛАГУУД АЖЛАА ХИЙ.
Тэр хөршүүд нь ёстой арчаагүй амьсгаанууд юмаа. Бяцхан амьтан тамлуулж байхад цагдаад мэдэгдээгүй байсан гэхээр үнэндээ хүйтэн сэтгэлтэй амьтад байна. Хүй нэгдлийн үеийн хүн сүргүүд л байдаг байх тэр хавьд нь