2020 оны 9-р сарын 30
8 цаг 10 минут

"Анх удаа гэр бүлийн хүчирхийлэл үйлдвэл сургалтад суулгаж, харилцаагаа засах боломжийг олгохоор ярьж байна"

Хууль зүй дотоод хэргийн яамнаас Зөрчлийн тухай хуулийн шинэчилсэн найруулгын төслийг боловсруулах хүрээнд олон нийтийн хэлэлцүүлэг хийсэн. Энэ үеэр Хууль зүй, дотоод хэргийн яамны Хууль зүйн бодлогын газрын дарга П.Сайнзоригоос тодрууллаа.

-Энэ удаагийн Зөрчлийн хуулийн нэмэлт өөрчлөлтийн төслийн гол зорилго нь юу юм бэ?

-Энэ удаагийн боловсруулж байгаа хуулийн төслөөр зөрчлүүдийг тодорхой болгож, иргэд, аж ахуй нэгж багууллагууд хуулийг уншаад ойлгох, ямар нэг эргэлзээгүй байдлаар хуулийг дагаж биелүүлэх бололцоог олгох зорилготой. Нөгөө талаас анх удаа үйлдэж байгаа болон тодорхой төрлийн зөрчлүүдэд зөрчлийн үр дагавраа арилгах буюу засах бололцоо олгоё гэж байгаа юм. Тодруулбал, юу юугүй торгох шийтгэл гэхээс илүү сануулаад, тодорхой хугацаанд зөрчлөө арилгахгүй бол нөхөж торгоё гэдэг байдлаар хуулийн төсөлд тусгахыг зорьж байна. Мөн тодорхой зөрчил үйлдсэн этгээдийг хугацаандаа зөрчлийн торгуулиа төлж барагдуулвал торгох шийтгэлийн хэмжээг 50 хувь бууруулж төлөх заалт яригдаж байгаа гэх мэт зарчмын шинжтэй өөрчлөлтүүд орж байна.

-Торгуулиа төлсөний дараа буцаагаад 50 хувийг нь олгоно гэсэн үг юм уу?

-Тухайлбал, замын хөдөлгөөний дүрэм зөрчөөд 10000 төгрөгөөр торгуулсан хүн 14 хоногийн дотор торгуулиа төлөх юм бол банкинд очиж торгууль төлөхдөө 5000 төгрөг төлчихнө гэсэн үг. Түүнээс биш 10000 төгрөгөө төлчихөөд буцаагаад 5000-ийг нь авна гэсэн ойлголт байхгүй. Харин 14 хоногийн хугацаандаа төлөөгүй байж дараа нь 5000 төгрөг төлөх юм бол системд таньд 5000 төгрөгийн торгуулийн үлдэгдэл үүснэ гэсэн үг.

-Анх удаа үйлдсэн хэргүүдэд зөрчлөө засах боломж олгодог болно гэлээ. Жишээлбэл, ямар зөрчлүүд вэ?

-Тухайлбал, нэг ресторан руу ороход жижиг цахилгааны зөрчил гаргасан байлаа гэхэд торгохгүйгээр 14 хоногийн дотор үүнийгээ засчих гэж албан даалгавар өгнө. Галын аюулгүй байдал алдагдаж, таньтай хөрш зэргэлдээ бизнес эрхэлж байгаа улсуудад эрсдэл учруулж байна гэдгийг нь хэлнэ. Ингээд зөрчлөө 14 хоногийн дотор арилгах боломжтой. Хэрвээ арилгаагүй байвал торгоно. Түүнчлэн гэр бүлийн хүчирхийлэлтэй холбоотой асуудал маш хурцаар тавигдаж байна. Гэхдээ зарим тохиолдолд гэр бүлийн хүчирхийллийг анх удаа үйлдэж байгаа зөрчлийн хувьд тухайн этгээдүүдийг юу юугүй баривчлах нь зохимжгүй байна гэж үзэж байгаа юм. Тиймээс гэр бүлийн хүчирхийлэл анх удаа үйлдэж байгаа этгээдийг сануулаад албадан сургалтад суулгах байдлаар харилцаагаа засах боломжийг олгоё гэдэг асуудлыг ярьж байна.

-Гэр бүлийн хүчирхийлэл үйлдэгчийг сануулах арга хэмжээ авна гэхээр олон нийтээс сөрөг хандлага гарах байх?

-Гэр бүлийн хүчирхийлэл үйлдэж байгаа бүх үйлдлийг мэдээж тусгаагүй. Тодорхой тооны гэр бүлийн хүчирхийллийн үйлдлүүд Зөрчлийн тухай хуульд байгаа юм. Тухайлбал, 30 хоногийн баривчлах шийтгэлтэй, албадан сургалтад хамруулах шийтгэл байгаа. Эхнэр, нөхөр, аав ээж, үр хүүхдүүдийн хооронд хувийн жижиг маргаан үүсч, анх удаа гэр бүлд асуудал гарсан үед юу юугүй аваачаад 30 хоног барьчихдаг. Гэтэл тухайн хүн ар гэрээ авч явдаг, орлого олдог ганц хүн байх жишээтэй. Ар гэртэй нь хамт шийтгэх болчихоод байгаа юм. Зарим тохиолдолд тэрхэн үедээ уурлаж уцаарлаж цагдаад гомдол гаргачихаад маргааш нь ханийгаа, хүүгээ, аавыгаа, ээжийгээ уучилж байна гэдэг тохиолдол амьдралд маш олон гарч ирдэг.

-Анх удаа гэдгийг нь яаж нотлох юм бэ?

-Бид Зөрчлийн мэдээллийн сангаасаа харчихна. Энэ хүн өмнө нь гэр бүлийн хүчирхийллийн зөрчил үйлдэж, бүртгэгдэж байсан уу гэдгийг шалгачихна. Үнэхээр тэр хүн өмнө нь удаа дараа гар хүрч, цагдаагийн байгууллагад бүртгэгдэж байсан бол ямар ч сануулах арга хэмжээ байхгүй, шууд хорих арга хэмжээ авна гэсэн үг. Хэрвээ байнга гэр бүлийн хүчирхийлэл үйлддэг бол энэ нь гэмт хэрэг болж Эрүүгийн хуулиараа шийдэгдэнэ. Нийгмийн харилцааг ан цав үүсгэхгүйгээр бэхжүүлж байх ёстой юм. Хэдийгээр буруу эрхзүйн үйлдэлд хариуцлага байх боловч цаана нь ялгамжтайгаар ял шийтгэлийн бодлогоо тодорхойлохгүй бол болдоггүй.

-Гэр бүлийн хүчирхийлэл үйлдсэн этгээдэд цахим гав хэрэглэнэ гэсэн нь нийгэмд бас л шүүмжлэл дагууллаа. Хүчирхийлэгчийг гэрт нь цахим гавтай байлгаснаар дахин хүчирхийлэл үйлдэхгүй юм уу гэж байна. Үүнд тайлбар өгөөч?

 -Гэр бүлийн хүчирхийлэл үйлдэгчид цахим гав хэрэглэж болно. Заавал хохирогчтой нь хамт гэрт нь байлгах гээд байгаа юм биш. Өөр орчинд, эсвэл тусдаа амьдарч байж болно шүү дээ. Тухайн байгаа орчинд нь цахим гав хэрэглэнэ. Хэрвээ тэр газраасаа гарах л юм бол сигнал өгөөд манай хууль хяналтын байгууллагууд тухайн зөрчлийн газар нь очоод буцаагаад хорих ялыг нь оноодог байдлаар шийдэх бололцоотой. Заавал хохирогчтой нэг гэрт нь хамт байлгана гэж битгий ойлгоорой. Асуудалд нюанстай хандах хэрэгтэй.

-Зөрчлүүдийг тодорхой болгож, нэгтгэнэ гэсэн. Хуулинд яг хэчнээн зөрчлийн үйлдэл байдаг юм бэ?

-Зөрчлийн хуулийн 2300 үйлдлийг зөрчилд тооцож хариуцлага оноодог байсан бол одоо 2000 болгож бууруулчихаад байна. Цаашдаа тодорхойгүй байсан үйлдлүүдийг хуулиас хасах, хуулийг тодорхой болгох алхмуудыг Хуульзүй дотоод хэргийн яамнаас хэрэгжүүлнэ.

 

2
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

2 сэтгэгдэлСэтгэгдэл бичих

64.119.24.166Зочин   • 2020, 9 сарын 30. 10 цаг 58 минут

Гэр бүлийн хүчирхийлэл гэж маш буруу хууль байна. Монголд огт тохирохгүй хууль. Энд тэндээс болсон болоогүй хууль хуулж тавихаа больмоор юм

202.126.90.160Зочин   • 2020, 9 сарын 30. 9 цаг 33 минут

Бас нэг тоодгор поодгор цүнх баригч уу

Шинэ мэдээ

Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй5 сар 16. 16:26“Дом, шившлэгтэй” хэвлэлийн хурлууд үргэлжилсээр…5 сар 16. 16:16УИХ-ын дарга Г.Занданшатар МУБИС-ийн оюутнуудад d-parliament цахим системийг танилцууллаа5 сар 16. 14:30Ц.Содномдорж: Д.Баярмагнай прокурортой Сингапурт саатуулагдсан гэдэг ор үндэслэлгүй мэдээлэл5 сар 16. 11:02Прокурор асан Д.Баярмагнай: Сингапурт казино орсон нь ҮНЭН. Хулгай хийсэн нь үнэн юм бол тэд намайг хилээрээ гаргах уу5 сар 14. 10:58Газрын түрээсийн төлбөрийг Чойжин ламын сүм музей төлж, хувийн хэвшил орлогыг нь авдаг байсныг зогсоолоо5 сар 13. 21:08ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв5 сар 12. 16:29Токиод “дархлагдсан” Элчин сайд Д.Батжаргалын бүрэн эрхийн хугацаа дуусчээ5 сар 12. 12:46БНСУ-ын Ерөнхийлөгч монгол иргэдийг визгүй зорчиход анхаарч ажиллахаа илэрхийлжээ5 сар 11. 19:08Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА5 сар 11. 13:26М.Батбаяр: Наадмын найруулагчид 19 хүний нэр яригдаж байгаа, баасан гарагт тодруулна5 сар 11. 13:25“Автомашингүй өдөр“ зам хаагуур хаах вэ5 сар 11. 13:24Лам “Сэржим өргүүлэх“ нэрийдлээр 15 настай охиныг дуудаж, хүчирхийлсэн байж болзошгүй хэрэг гарчээ5 сар 11. 12:40Ипотекийн зээлийн хүүг буруулах боломжийн талаар Засгийн газрын хуралдаанд танилцуулж байна5 сар 11. 12:37Ослын улмаас дөрвөн бяцхан үрс эцэг, эхээ алдаж, ТӨР оршуулгын зардал өгөхөөс ТАТГАЛЗЖЭЭ5 сар 11. 12:32Гар утас, машины дугаарт АЧ ХОЛБОГДОЛ өгдөг буруу хандлагаа “Үсэг булаацалдаж“ хүүхдүүддээ ӨВЛҮҮЛЖ болохгүй5 сар 11. 12:31Д.Амгалан: Төрийн банк эрх мэдэлтэй албан тушаалтай хүмүүсийн мөнгө угаах хэрэгсэл болсон байна5 сар 11. 12:31Ц.Элбэгдорж: Надад алдаж явсан үе бий, Гэхдээ “Пулемёт, онгоц, шалдан“ бол ХЭТРҮҮЛЭГ5 сар 11. 12:30ТЦА: ОХУ-ын Элчин сайд цагдаагаас зам асууж буй 4 жилийн өмнөх зургийг гаргаж буруу ташаа мэдээлэл түгээж байна5 сар 11. 12:29Ноён Бондгор хямд үнээр дүнзэн байшинтай болох боломжийг бүрдүүллээ5 сар 10. 18:04Ерөнхий сайд Л.Оюун-Эрдэнэ бэр эгч Ч.Ундралаа дарга болгожээ5 сар 10. 13:52В.Путин 10 гаруй улсад мэндчилгээ дэвшүүлэхдээ Монгол улсад мэндчилгээ дэвшүүлсэнгүй5 сар 9. 13:39Эрт илрүүлэг, үзлэг шинжилгээнд хамрагдсан 0-17 насны хүүхдүүдээс хавдрын сэжигтэй тохиолдол гурав илэрчээ5 сар 9. 11:54
© 2008 - 2022 он. Зохиогчийн эрх хуулиар хамгаалагдсан.