2020 оны 10-р сарын 14
12 цаг 00 минут

Анна Каренинатай НАМАР

        Хойдын  тавилан гэж байдаг бол

Хоёулаа уулзая даа хонгор минь

Намайгаа чи минь таниарай

Наад цаадахыг бодолгүй

Наадаж хоёулаа жаргах юм шүү гэж хэлээд бүр дуулаад жүжиг төгсчихлөө.

 Энэ намар яасан ер бусын гэгээн тунгалаг намар вэ? Их хотын маань түгжрээ, цар тахлыг өвлийг хэрхэн туулах билээ гэсэн түмэн бодлын дундуур Улсын драмын эрдмийн театрт маань  Оросын суут зохиолч “Анна Каренина” жүжиг  тоглож байна.

Дундаа 15-хан минутын завсарлагатай гурван цаг гаруй үргэлжилсэн  “Анна Каренина”-гаа үзээд уйдсангүй, даарсангүй. Драмын театрын уран бүтээлчдийн бүтээл нь халуухан, бас театр маань тухтай дулаахан байлаа.

 Улаанбаатарчууд, уулзсан таарсан бүхэн маань бие биенээсээ Анна үзсэн үү? Хэзээ үзэх вэ гэж асуугаад л хаваржин, зунжин дэлхий дахинд цар тахал өвчин гарлаа гэсэн айдастай байсан сэтгэл зүрхийг хэсэгхэн ч болов аз жаргалаар сэлгэж байх юм. Хөдөөнөөс ч  зорин ирж үзэж байгаа хүмүүс олон байна. Уг нь эмгэнэлт жүжиг л дээ.  Гэхдээ л 1828 онд төрсөн Л.Н.Толстой өнөөдөр ч биднийг ийн догдлуулаад  байж байна гэдэг тэр чигээрээ амьдрал ямар эцэс төгсгөлгүй хязгааргүйг илтгэнэ.

Хүмүүс амьдралд дэндүү өндөр шаардлага тавьж, бусдаас ч бас энэ хэмжээний шаардлага хүсэж байдаг нь олон. Үнэндээ бид өөрийгөө хичээх болон ирээд буцах орчлонд үр хойчдоо юу үлдээх вэ гэдэг тухай бага боддог. Энэ тухай бүр огт боддоггүйгээс гэмт хэрэг их гардаг гээд хэлчихвэл би энэ үгэндээ эзэн болж их зүйл ярьж болохоор байна.

 Жүжиг хүн холхисон галт тэрэгний өртөөний үйл явдлаар эхэлдэг. Анна айсуй. Тайз засал, чимэглэл, хувцаслалт яасан ч яруухан юм. Үзэгчид биднийг галт тэрэгний өртөөн дээр байгаа юм шиг л байлгаж чадсан. Тэр байтугай Оросод “Ясная поляна” руу яг одоо явах гээд тасалбараа аваад хүлээж байгаа юм шиг ер бусын. Эхнээсээ дуусан дуустал галт тэрэгний чимээ нэг бол аз жаргал, нэг бол айдас аялуулаад зүрх минь түг түг цохилон жүжгээ амьсгаа даран үзэж дуусгалаа. Эвий Анна минь гээд эгч дүүгийнхээ нэгийг алдчихсан хүн шиг л гуниг харуусалтайгаар төгслөө. Ингэж төгсөхөөс ч яахав. Зохиол нь ийм хойно.

Оросын алдарт  зохиолч Л.Н.Толстой 1828 онд  үе залгамжилсан угсаатны гэр бүлийн 4 дахь хөвгүүн болж мэндлэн, дэлхийн уншигчид хэдэн үеэрээ уншиж байгаа олон сонгодог зохиол бүтээл туурвисан. Манай алдарт орчуулагч нар маань бидэнд ихэнхийг нь орчуулаад өгсөндөө. Утга зохиолын хүрээнийхэн л гэхэд  “Дайн ба энх”, “Сэхээрэлт”, “Бага нас”, “Хажи мурат”-ыг уншаагүй нь ховор. “Анна Каренина” л гэхэд хэд хэдэн хүний орчуулгаар хэвлэгдэж, манай уншигчид одоо ч уншсаар байна.

Найруулагч Н.Наранбаатар: “Анна Каренина” ном их борлуулалттай байгаа гэсэн. Манайхан жүжгээ уншихаасаа өмнө их сайн уншиж байгаа тухай сонсогдож байсан гэж хэлсэн нь чихэнд чимэгтэй санагдлаа.

 Үзэсгэлэнт Аннад залуу жүжигчин Н.Баярмаа эхнээсээ дуустал сайн тоглосон талаар бичдэг туурвидаг олон хүмүүс хэлж байна. Саяхан “Гэргий” кинонд ямар нандин тоглов. Дагаж хямраад, дагаж баярлаад, дагаж гуниад, дагаж дурлаад би лав хэсэгтээ л догдолсон юм. Аннад тэр аргагүй л драмын театрын хэд хэдэн сонгодог жүжигт чадварлаг тоглож чадсан гэдгээ батлаж илүү сайн тоглолоо. Энэ гэхдээ миний л бодол шүү дээ.

 Харин Вронскийд хэн тоглох бол гэсэн таамгыг минь эвдсэн жүжигчин Т.Сэргэлэн хэнд ч гологдохооргүй мундаг тоглож байна. Яахав миний хүлээлт бол алаг нүдтэй, өндөр хамартай, цог жавхаатай Вронскийг хүлээж байсан. Жүжигчин Тодоог тоглоосой гэж бодож байсан ч туслах дүрд ч харагдсангүй. Т.Сэргэлэн маань нэр шигээ сэргэлэн, жавхаатай Вронский болсон шүү. Баяр хүргэж байна.

 Харин миний хамгаас хүндэлж явдаг жүжигчдийн нэг С.Болд-Эрдэнэ Константин Левины дүрийг нэг  их жүжиглээд байхааргүй зүгээр л тоглочихсон. Зүгээр л тоглоно гэж юу байсан юм гэж үү? Яагаад гэвэл тэр Шекспирт хэрхэн тоглосныг хүн бүхэн мэднэ. Түүний тоглосон дүр бүхэндээ тултал хувирч чаддаг гэдэгтэй олон үзэгч дуу нэгдэх байх. Би яг тэгж боддог үзэгчдийнх нь нэг учраас түүнийг  угаас миний хайртай дүр Левинд утгаар нь тоглочихлоо. Бусдыг нь онцлоод байвал үг олдож үхэр холдмоор ч бүхэлдээ энэ жүжигт дүрийн сонголтууд үзэгч бүхэнд таалагдаж байна гэж хэлмээр үнэнхүү гоёхон байлаа. Би жирийн нэг бичээч. Задлан шинжлэх, зад шүүмжлэх чадвар нэгэнт үгүй ч дундаа нэг шил  улаан дарс тавиад Анна үзсэн тухай нэг яриач гэвэл хэлэх үг бишгүй байвч хэт цэцэрхээд яахав. Зүгээр л та нарыгаа заавал үзээрэй гэж урьж байна.

 Харин сонирхуулахад, 2019 оны намар ээжтэйгээ уран бүтээлийн анд нөхдийн хамт “Ясная поляна”-г  зорьсон юм. Дунд сургуулийн сурагч байхаас энэ тухай заалгаж, хожмоо их сургуулийн утга зохиолын ангид илүү дэлгэрэнгүй үзэж, Аннаг тэр үед даалгавар төдий уншиж байжээ. Ээж минь монгол хэл уран зохиолын багш байсан болохоор: 

  • Бид энэ эдлэн газрын тухай нэг жимсний зурагтай ил захидлыг хүүхдүүдэд үзүүлээд л заадаг байсан. Харин яг одоо “Ясная поляна”-д ирээд байж байна гэдэг юутай азтай гэж их л бэлгэшээн баярлаж билээ. Оросууд музейн соёл агуу гэдгээрээ хүн төрөлхтөнд гайхагдсан ард түмэн.

Л. Н.Толстойн энэ эдлэн газрыг цагийн зайтай  зуун зуун жуулчидад үзүүлж, бүх зүйлийг хэвээр хадгалан үлдсэн нь алхам тутамд мэдрэгдэж байсан юм. Энд очиж ирснээс хойш Анна Каренина романаа дахин нэг уншсан даа. Ингэж уншихдаа, ухаарч ойлгож,  шаналж шархдаж уншсан юм. 

Суут Толстойн зохиол бүтээл бүхэн үеийн үед судлал шүүмжлэлийн анхааралд байж цаашид ч түүний зохиол бүтээлийн дүрийг задлан шинжилээд дуусашгүй ажээ. Төрийн соёрхолт найруулагч Н.Наранбаатар: “Анна Каренина” бол дэлхийн уран зохиолын ноён оргилын  нэг төдийгүй хүний амьдралын нэвтэрхий толь” хэмээн онцолжээ.  Үнэн шүү үнэн. Үзээрэй та нар минь.

           "Зохист дорно" хэвлэлийн газрын Ерөнхий редактор, сэтгүүлч Б.Төгсжаргал             

                 

 

 

2
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

2 сэтгэгдэлСэтгэгдэл бичих

192.82.74.209ЗОЧИН   • 2020, 10 сарын 15. 6 цаг 45 минут

Уг нь Наранбаатар "тэнгэрийн хүү" шигээ түүхийн сэдэв барьж авсан бол дээр байсан юм.Анна болохоор наримгар Анна байдаг юм уу.Монгол Анна гэж Толстой бичээгүй. Бас болоогүй сувенир дагалдуулж мөнгө олж байгаа гэсэн. Наранбаатарт үнэлэмж хамаагүй юу.

103.57.93.16Зочин   • 2020, 10 сарын 14. 15 цаг 51 минут

Tiim shuu Uneheer sain jijig bolson Jujigchin Bayarmaa mash chadvarlag saihan togloson Mini huvid tuuni togloltin orgil n Jujgiin ehni hesegt tuuni Vronskitei bujij bui ter heseg bla Ter bugdiig uurtuu urin duudaj yostoi neg gaishruulj Anna chuham hen be gdgiig yag tend l haruulsan daa taiz buheldee tuuni togloltoor tsatsarch bh shig yanagdsan Jujigchid bugd aguu bsan Bold-Erdene,Jargalsaihan,Sergelen,Demidbaatar,Oyundary Tserendavga Szivd Urna bugd bishirmeer mundag Bayar hurgei !

Шинэ мэдээ

"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ6 сар 30. 9:09Г.Занданшатар: Инфляцыг бууруулах, үнийн өсөлтөөс иргэдэд ирэх дарамтыг бууруулах чиглэлээр УИХ-аас ажлын хэсэг байгуулж ажиллуулна6 сар 30. 9:09Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05“Төрөөс олгох урамшууллаас нийгмийн даатгалын болон эрүүл мэндийн даатгалын шимтгэл суутган төлөх тухай” хуулийн төслийг өргөн мэдүүллээ6 сар 29. 9:09УИХ-ын дарга Г.Занданшатар Монгол Улсын Өргөмжит консул Каваүчи Широтой уулзлаа6 сар 28. 9:09Үндэсний их баяр наадмын тухай хуулийн шинэчилсэн найруулгын төслийг эцэслэн баталлаа6 сар 28. 9:09Замын түгжрэлийг бууруулах ажлын бүтээн байгуулалтын ажлыг 20 жилийн хугацаатайгаар улсын нууцад оруулсан гэв үү?6 сар 27. 12:44ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Улсын Их Хурлын дарга Г.Занданшатар нийслэлийн нутгийн захиргааны байгууллагуудын албан хаагч, иргэдтэй уулзлаа6 сар 27. 9:09Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39УИХ-ын дарга Г.Занданшатар нийслэлийн Чингэлтэй дүүргийн иргэд, албан хаагчидтай уулзлаа6 сар 24. 9:09НҮБ-ЫН ТӨРИЙН АЛБАНЫ ӨДӨРТ ЗОРИУЛСАН УЛСЫН ИХ ХУРЛЫН ДАРГА Г.ЗАНДАНШАТАРЫН МЭНДЧИЛГЭЭ6 сар 23. 9:09Улсын дээд шүүхийн шүүгчид нэр дэвшигчтэй хийх нэр дэвшигчийн сонсгол зохион байгуулагдана6 сар 21. 13:10Хүний эрх, эрх чөлөөг хангахтай холбоотой хяналтын сонсгол 06 дугаар сарын 27-нд болно6 сар 21. 13:09Улсын Их Хурлын дарга Г.Занданшатар Монгол дахь Америкийн худалдааны танхимын Удирдах зөвлөлийн дарга, гишүүдийг хүлээн авч уулзав6 сар 21. 9:09ЦУВРАЛ: BTS хамтлагтай “цуг” үлгэрийн мэт байгальд зорчсон нь6 сар 20. 11:31Гэрийн тэжээвэр амьтны тухай хуулийн төсөлд иргэдээс санал авч байна6 сар 20. 9:09Чуулганы нэгдсэн хуралдаанаар найман асуудал хэлэлцэн шийдвэрлэлээ6 сар 16. 9:09“Хайр“-ын МАРШРУТТАЙ Сөүл дэх аялал6 сар 15. 17:04Улсын Их Хурлын дарга Г.Занданшатар Монгол Улсын Соёлын элч Мухит Чоуханыг хүлээн авч уулзав6 сар 15. 9:09УЕПГ-аас БНСУ-д амиа алдсан залуугийн хэрэгт хамтран ажиллах хүсэлтийг БНСУ-ын Дээд прокурорын газарт хүргүүлжээ6 сар 14. 13:22“Кино урлагийн салбарынхан дэлхийн хэмжээний наадамд Соёлын яамны дэмжлэгтэйгээр оролцоно“6 сар 13. 11:08Монголын тал “Нэг Хятад”-ын бодлогыг дэмжинэ6 сар 13. 10:49“Төрийн ордны нутаг дэвсгэрийн хэмжээ, заагийг шинэчлэн тогтоож, зарим орчныг олон нийтэд нээлттэй болгох тухай” УИХ-ын тогтоолын төслийг өргөн мэдүүллээ6 сар 13. 9:09Дарханчууд 0,7 га газраа авах уу? "Газрын наймаачин" С.Насанбатад алдах уу?6 сар 13. 8:32ГЕГ-ын эрх бүхий албан тушаалтнуудын орон байранд НЭГЖЛЭГ ХИЙЖ, их хэмжээний бэлэн мөнгө, ГАДААД ВАЛЮТЫГ хураан авчээ6 сар 10. 11:50
© 2008 - 2022 он. Зохиогчийн эрх хуулиар хамгаалагдсан.