Улсын Дээд шүүхийн хяналтын шатны эрүүгийн хэргийн шүүх хуралдаанаар “Салхитын мөнгөний орд”-ын гэх Ш.Мөнгөншагай нарын 13 хүнд холбогдох хэргийг шүүгдэгч нар, тэдний өмгөөлөгчдийн гаргасан гомдлын дагуу хянан хэлэлцлээ.
Хан-Уул дүүргийн Эрүүгийн хэргийн анхан шатны шүүх дээрх хэргийг 2020 оны тавдугаар сарын 22-ны өдөр хянан хэлэлцээд Ш.Мөнгөншагай, Г.Жаргалан нарыг хахууль өгсөн гэмт хэрэг үйлдсэн гэм буруутайд тооцож, тус бүр нийтийн албанд томилогдох эрхийг 3 жил хасаж, 3 жил хорих ял оногдуулжээ.
Г.Алтан-Очирыг хахууль авсан, мөнгө угаасан гэмт хэрэг үйлдсэн гэм буруутайд тооцож, нийтийн албанд томилогдох эрхийг 5 жил хасаж, 3 жил хорих, Б.Цолмонбаатарыг хахууль авсан, хахууль өгсөн гэмт хэрэг үйлдсэн гэм буруутайд тооцож, нийтийн албанд томилогдох эрхийг 5 жил хасаж, 5 жил хорих, Э.Халиунбаярыг хахууль өгсөн гэмт хэрэг үйлдсэн гэм буруутайд тооцож, нийтийн албанд томилогдох эрхийг 3 жил хасаж, 3 жил хорих ял тус тус оногдуулсан байна. Мөн Н.Уранчимэгийг хахууль өгсөн гэмт хэрэг үйлдсэн гэм буруутайд тооцож, 2 жил хорих, Ж.Цэцэгээг хахууль авсан гэмт хэрэг үйлдсэн гэм буруутайд тооцож, тодорхой үйл ажиллагаа эрхлэх эрхийг 3 жил хасаж, 12 сая 240000 төгрөгөөр торгох ял оногдуулжээ. Түүнчлэн гэмт хэрэг үйлдэж олсон орлого болох 50 сая төгрөгийг Г.Алтан-Очироос, 60 сая төгрөгийг Б.Цолмонбаатараас, 35 сая төгрөгийг Н.Уранчимэгээс, 45 сая төгрөгийг Ч.Амгаланбаяраас тус тус гаргуулж, улсын орлого болгохоор шийдвэрлэсэн байна.
Харин Д.Цолмон, Г.Цагаанцоож нарт яллах дүгнэлт үйлдэж ирүүлсэн хэргийг гэмт хэргийн шинжгүй гэсэн үндэслэлээр хэрэгсэхгүй болгон цагаатгажээ. Түүнчлэн Ч.Амгаланбаярыг төрийн байгууллага, албан тушаалтны нэр барьж, үйл ажиллагаа явуулж, их хэмжээний ашиг олсон, М.Цэндсүрэнг хахууль өгч, авахад зуучилсан гэмт хэрэг үйлдсэн гэм буруутай гэж үзсэн ч тухайн үйлдлийг гэмт хэрэгт тооцохгүй болсон гэсэн үндэслэлээр хэрэгсэхгүй болгосон байна. С.Оюунбатад холбогдох хэргийг тусгаарлаж, Ш.Энхтөрд холбогдох хэрэгт нэмэлт мөрдөн шалгах ажиллагаа хийлгэхээр прокурорт буцааж шийдвэрлэжээ.
Нийслэлийн Эрүүгийн хэргийн давж заалдах шатны шүүх уг хэргийг 2020 оны 8 дугаар сарын 4-ний өдөр хянан хэлэлцээд Г.Алтан-Очирыг мөнгө угаасан гэмт хэрэгт гэм буруутайд тооцон, ял оногдуулсныг хүчингүй болгож, хахууль авсан хэрэгт оногдуулсан нийтийн албанд томилогдох эрхийг 5 жил хасаж, 2 жил хорих ялыг хэвээр үлдээжээ. Мөн Б.Цолмонбаатарын хахууль авсан хоёр үйлдлийг тус тусад нь зүйлчилснийг нэгтгэн зүйлчилж, түүнд оногдуулсан ялыг нийтийн албанд томилогдох эрхийг 7 жил хасаж, 3 жил хорих болгон өөрчилсөн байна. Ж.Цэцэгээд оногдуулсан ялын зүйлчлэлийг өөрчлөн, түүнд оногдуулсан торгох ялыг 2 сая 700000 төгрөгөөр тогтоож, Н.Уранчимэгээс 35 сая төгрөг гаргуулж улсын орлого болгохоор шийдвэрлэсэн заалтыг хүчингүй болгон, бусад шүүгдэгч нарт холбогдох заалтуудыг хэвээр үлдээж шийдвэрлэжээ.
Улсын Дээд шүүхийн хяналтын шатны эрүүгийн хэргийн шүүх хуралдаанаар хэргийг хянан хэлэлцээд анхан болон давж заалдах шатны шүүхээс Ч.Амгаланбаяр, М.Цэндсүрэн нарт холбогдох хэргийг хэрэгсэхгүй болгосныг хууль зүйн үндэслэлгүй гэж үзэж, шийтгэх тогтоол, магадлалын тэдэнд холбогдох хэсгийг хүчингүй болгож, анхан шатны шүүхээр дахин хэлэлцүүлэхээр буцаав. Мөн Н.Уранчимэгээс гэмт хэрэг үйлдэж олсон орлого болох 35 сая төгрөгийг гаргуулж, улсын орлого болгохоор шийдвэрлэж, бусад шүүгдэгчдэд холбогдох заалтыг хэвээр үлдээлээ.
10 сэтгэгдэлСэтгэгдэл бичих
Сүр дуулиантай хэргүүд тэгсгээд замхардагийн бас нэг жишээ болжээ.
Шүүгч хүн бол дээрх үйлдлийн алинд ч холбогдох ёсгүй логикийн хувьд... Ичмээр юм Цолмон цагаанцоож удсаны эцэст цагаатгана гэж юу гэсэн үг вэ? Манайд удсаны эцэст хэрэг нь хэрэг биш, Авилгачин энэ хооронд ял завшдаг байдал хэдий болтол үргэлжлэх вэ?Дээрх шүүгчид ямар ёс зүйтэй шүүгчид вэв ирээдүйн хуульчдад үлгэр жишээ үзүүлдэг өвлүүлдэг болж байгаа юм бна хэлэх ч үг алга. Та нараар монголын шүүх дутахгүй шүү.
Одоо бол зээлээ тэглүүлсэн хүмүүсийг Баттулгын ойр тойрны хүмүүс байсан гэдгийг ойлголоо. Нэгэнт 6 саяыг улсаа төлүүлэх болохоор ялгаж болохгүй гээд тэр үед зээлтэй байсан ахмадуудбг хамт нь хамруулж оноо авсан шүү дээ. Баттулгаа чамаас мөнгө зээлээд өгөхгүй бол яахав чи бол үхнэ шүү дээ. Улсын мөнгөөр битгий гараа угаа. Наадам нэрээр улсын 3 тэрбумыг хувийн эзэмшилдээ зарцуулсан чинь багадаад байна уу Хорчин минь
Зээлгүй ахмадууддаа урамшуулах юу болсон бэ. Хүнээс мөнгө зээлчихээд өгөх болохоороо луу унждаг нөхдүүд чинь үнэн хэрэгтэй нөгөө хүнээ боддоггүй л байхгүй юу. Баттулгаа
зээлгүй ахмадуудадаа юм өгөхгүй бол гомдолно шүү,,,өмч хувчилалын бичиг гэдэг шиг хоосон цаас атгуулаад өнгөрөнө гэж байгаа бол ,,,хатуухан нэхэл дагна шүү,,,Х Баттулгаа,Занданшатраа,Хүрэлсүхээ
Наад хүмүүсээ худлаа хорьсон дүр эсгэж байхаар завшсан хөрөнгийг нь 3 нугалж төлүүлээч. Шоронд суусан нэртэй Нямбаатарын гавыг зүүгээд л ганц хоёр жилийг барах биз. Ерөнхийлөгчийн сонгуулиас өмнө зээлгүй ахмадуудад ядахдаа 3 саяыг өгөх хэрэгтэй. Хэнд нь 6 саяыг өгч хэнийг нь 1 саяар хуурах гэж
Амарсайхан авгай , шоронд үхдэг "гавъяат хуульч"-ийн хүү гэх мэт лүнзгэрүүд нь хаачсан бэ
Нээрээ хаачсан бэ?
Гол шүүгчид нь хэргээс мултарчээ. Оргон зайлсан байсан Амарсайхан гэдэг дарга байсан хамгийн аймаар шүүгч авгай нь ирсэн юмуу
ашгүй дээ цолмон цагаанцоож нарт холбогдох хэргийг хэрэгсэхгүй болгосон иргэний хэргийн хэргийн танхим бүрдэж 2019 оны хэргээ түргэн дуусгах байгаа даа хүмүүс дээд шүүхийн тогтоолыг хүлээж маш их хохирч , ажилд эгүүлэн тогтоосон шийдвэрүүд биелэгдэхгүй үнэхээр хэцүү байна