Баянгол дүүргийн нутаг дэвсгэр Алтай хотхоны орчимд цементийг үнстэй хольж бэлтгэж байсан хүмүүсийг илрүүлсэн талаар өчигдөр цагдаагийн байгууллагаас мэдээлсэн. Тодруулбал, ЦЕГ-ын Хэвлэл мэдээллийн төвийн дарга Б.Баатархүү "Нэр бүхий иргэд нь Сонгинохайрхан дүүргийн 20 дугаар хороо, Баянгол дүүргийн 24 хорооны нутаг дэвсгэрт цементийг станцын үнстэй хольж хуурамчаар үйлдвэрлэж, худалдан борлуулж байна. Гурван бүлэг этгээдийг саатуулан шалгаж байна.
Аравдугаар сард нийт ийм хууль бус үйл ажиллагаа явуулж байсан гурван газрыг илрүүлсэн бөгөөд 70 орчим тонн цемент хураан аваад байна. Нийт хэчнээс хүн хохирсныг олж тогтооно. Шалгалтын ажиллагаа цаашид үргэлжилнэ" гэсэн юм.
Тэгвэл уг асуудалд НМХГ-аас тайлбар өглөө. НМХГ "Нийслэлийн мэргэжлийн хяналтын газраас өнгөрсөн дөрөвдүгээр сараас эхлэн барилгын материалуудад хяналт шалгалт хийж байна. Тус шалгалтын үеэр энэ оны зургаадугаар сард СХД-ийн 20 дугаар хороо Сонсголонгийн зам дагуу үнстэй хольсон хуурамч цемент савлан зарж байсныг газар дээр нь илрүүлж, СХД-ийн цагдаагийн хоёрдугаар хэлтэст хүлээлгэн өгсөн.
Мөн долоодугаар сард БЗД-ийн 14 дүгээр хороо Автобус баазын хашаа болон Ботаникийн цэцэрлэгт хүрээлэнгийн хашаанд хуурамч цемент үйлдвэрлэн савлаж байсныг газар дээр нь илрүүлж, БЗД-ийн гуравдугаар хэлтэст шилжүүлсэн байна.
Ийнхүү өмнөх хяналт шалгалтын мөрөөр Нийслэлийн Мэргэжлийн хяналтын газраас Эрүүгийн цагдаагийн газартай хамтран дахин шалгалт хийж байна. Өчигдөр ЭЦГ-ын албан хаагчидтай хийсэн хамтарсан шалгалтаар Сонгинохайрхан дүүргийн 20, Баянгол дүүргийн 24 хорооны нутагт дэвсгэрт нэр бүхий этгээдүүд цементийг цахилгаан станцын үнстэй хольж хуурамчаар үйлдвэрлэж, худалдан борлуулж байсныг илрүүллээ. Сүүлийн хоёр удаагийн шалгалтаар 3 газраас нийт 70 гаруй цементийг хураан авсан. Энэ хэрэг Эрүүгийн цагдаагийн газарт шалгагдаж байна. Тандалт судалгаа үргэлжилж байна.
Иймд иргэд, аж ахуйн нэгж, байгууллагууд цемент худалдан авахдаа чанар байдлыг тодорхойлсон сертификат, лабораторийн шинжилгээг үзэж худалдан авахыг анхааруулж байна.
Мөн баталгаажилт, чанар байдал нь тодорхойгүй барилгын материал, цемент худалдан борлуулж буй сэжигтэй тохиолдлыг НМХГ-ын 70128012 дугаарт хандаж мэдэгдэнэ үү" гэлээ.
17 сэтгэгдэлСэтгэгдэл бичих
Чанаргүй цемент дорнод аймаг зарагдсан байна,барьцалдахгүй байдаг юм байна
odool medej gene dee ali ertnees ingej zardag gej amtai bukhen yaridag bsan turgui ulsaa gej
6 сард Гурвалжингаас авсан цемент үйрч унаад байсан би авсан бололтой 2 тонныг авсан юм
рохирсон ирэгдийн хохирлын барагдуул хэдэн тэрбум болох байх
Барилга барьдаг танилдаа, үнстэй цэмент зарж байна гэнэ хулихдуулав гэхэл тмймээ 2 хүүхэн байгаа. зургаа долоон жил болж байна.Цагдаад хэлэхээр бривчилаад л явна. 2 хоноод гарчихсан л явж байдаг гэлээ. Энэ зөвхөн энэ 70тн бишшүү. Улсын аюулгүЙ байдал болоод эдийн засагын маш том хохирлын асуудал болж байнө. Байшинд амьдархаас айж байна.
цээрлүүл. олон хүний амь нас, эрүүл мэндийн асуудал цаана нь байгаа шүү гэдгийг анхаарч дахин ийм хэрэг гарахгүй болтол бусдад сургамж болгон цээрлүүл
пээ ийм юм гэж байдагаа
Хүний амь настай холбоотой хэрэг шүү дээ. Хатуу шийтгэх хэрэгтэй.
vhej dald ormoruud heden haltar tugrug olj baival hunii ami nas hamaagvi bh nee bvgdiig ni horid ug
хууль цементийн чэнжүүдийн мөнгөнд гусуулчих вий дэ
Хэдэн төгрөг халааслаад л чимээгүй болно биз харж л байгаарай.
Хатуу арга хэмжээ авх хэрэгтэй шүү их олон хүний аминд занал хийсэн байна Барьсан барилгууд нь хавар гэсээд л нурна.
Хатуу шийтгэх л хэрэгтэй мөнгө цагаан нүд улаан гэдэг л юм манай монголоор дүүрэн байна ер нь хаяаадаа бидэнд захиргаадалт хэрэгтэй байна
Үүнийг авсан иргэд,аж ахуй нэгжүүд ямар их хохирч байгаа бол гэж бодохоор ,барисан барилга нь яах бол гэхээс дотор эвгүйцэж байна шүү
Үнс хольсон хуурамч цементээр барилга бариад дараагийн хор уршиг хохирол юу болох билээ, яасан хувиа бодсон хулгайчид вэ??? Хатуу шийтгэ
Ийм дайснуудыг дахин сэхэхгүй болтол нь хамаг хөрөнгийг нь хурааж Олон нийтэд дүр зургий нь байршуулж нийтэд сэрэмжлүүлмээр юм.Байшин барилга нурвал жижиг томгүй хүмүүсийн амь нас хохирно шүү.
Яг зөв маш өндөр татвар хариуцлага, хуулиа чангалаач!!!