Испанийн алдарт "Барселона" клуб Аваргуудын лигийн энэ улирлын эхний тоглолтоо Унгарын "Ференцварош" багтай хийж, 5:1-ээр хожсон билээ. Энэ тоглолтод Месси оролцож, 1 гоол оруулсан. Тэгвэл Месси "Барса"-гийн өмсгөлтэй 17 дахь улиралдаа Аваргуудын лигт оролцож байгаа юм. Өмнө нь Каталоны багийн аль ч тоглогч ийм олон улирал Аваргуудын лигт тоглож байгаагүй бөгөөд Месси рекорд тогтоож байна.
"Барса"-гаас Шави (16 улирал), Андрес Иньеста (15), мөн хамгаалагч Карлес Пуйоль (14) нар хамгийн олон улирал Аваргуудын лигийн тоглолтод оролцож байжээ. Түүнээс гадна, Месси энэ тоглолтод гоол оруулснаар Аваргуудын лигт 16 улирал гоол оруулсан Райн Гиггзын амжилтыг давтлаа.
Ердөө Месси, Гиггз хоёр л Аваргуудын лигт 16 улиралд гоол оруулсан амжилтыг үзүүлж байна. Гиггз замналынхаа туршид Аваргуудын лигт 16 улиралд гоол оруулсан байдаг. Харин Месси 16 улирал дараалан гоолдож байгаагаараа түүнээс ялгаатай. Мөн түүнээс өөр хэн ч Аваргуудын лигт ийм олон улирал дараалан гоол оруулж байгаагүй юм.
Сэтгэгдэл бичих